Gün ərzində ölkə ərazisində qeydə alınan 58 cinayətin açılması təmin olunub

28.05.2023

Mayın 28-də ölkə ərazisində qeydə alınan 58, əvvəlki dövrlərdən bağlı qalan 1 cinayətin açılması daxili işlər orqanlarının əməkdaşları tərəfindən təmin olunub.

Naxçıvan şəhəri ərazisindən Şahbuz rayon sakini A.Cəfərova məxsus avtomobili qaçırmaqda şübhəli bilinən Babək rayon sakini Ə.Fərəcov saxlanılıb

28.05.2023

Mayın 28-də saat 6 radələrində Naxçıvan şəhəri ərazisindən Şahbuz rayon sakini A.Cəfərova məxsus “VAZ-2107” markalı avtomobilin qaçırılması barədə polisə məlumat daxil olub.Naxçıvan Şəhər Polis İdarəsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Babək rayon sakini Ə.Fərəcov rayonun Şıxmahmud kəndi ərazisində avtomobillə saxlanılıb. Araşdırma aparılır.

Metronun “28 May” stansiyasının qarşısında bir nəfərin çantasını açıq talama yolu ilə almaqda şübhəli bilinən Ağdaş rayon sakini M.Eminov saxlanılıb

28.05.2023

NBPİ-nin Dəmir Yolu Nəqliyyatında Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 27-də saat 22 radələrində metronun “28 May” stansiyasının qarşısında bir nəfərin içərisində pulu, sənəd və əşyaları olan çantasını açıq talama yolu ilə almaqda şübhəli bilinən Ağdaş rayon sakini M.Eminov saxlanılıb. Araşdırma aparılır. 

Sabunçu rayonunun Kürdəxanı qəsəbəsi ərazisində yerləşən marketlərin birindən oğurluq etməkdə şübhəli bilinən Saatlı rayon sakini K.Qarayev saxlanılıb

28.05.2023

Sabunçu RPİ 15-ci Polis Bölməsi əməkdaşlarının keçirdikləri əməliyyat tədbiri nəticəsində Kürdəxanı qəsəbəsi ərazisində yerləşən marketlərin birindən 830 manat dəyərində siqaret, spirtli içki və ərzaq məhsulları oğurlamaqda şübhəli bilinən Saatlı rayon sakini, əvvəllər məhkum olunmuş K.Qarayev saxlanılıb. Araşdırma aparılır. 

Salyan rayon sakinləri A.Orucovdan tiryək və marixuana aşkar olunaraq götürülüb

28.05.2023

Biləsuvar Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Salyan rayon sakinləri A.Orucov idarə etdiyi “VAZ-21015” markalı avtomobildə sərnişini M.Bahəddinovla birgə saxlanılıb. A.Orucovdan 2 kiloqram 765 qram tiryək və 215 qrama yaxın marixuana aşkar olunaraq götürülüb. Araşdırma aparılır.

Hacıqabul şəhər sakini A.Soltanovdan marixuana aşkar olunaraq götürülüb

28.05.2023

Hacıqabul Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş A.Soltanovdan 485 qram marixuana aşkar olunaraq götürülüb. Araşdırma aparılır.

Xocalı rayonunun Meşəli kəndi ərazisində yabanı halda bitmiş çətənə kolları məhv edilib

28.05.2023

Xocalı Rayon Polis Şöbəsinin əməkdaşları tərəfindən Meşəli kəndi ərazisində yabanı halda bitmiş 584 ədəd çətənə kolu aşkar olunaraq məhv edilib.

Suraxanı rayonu Zığ şossesində “Nissan” markalı avtomobillə yolu keçən paytaxt sakinləri S.Rəsulova, S.Cavadova və azyaşlı qızı vurulub

28.05.2023

Mayın 28-də saat 21 radələrində Suraxanı rayonu Zığ şossesində Bakı şəhər sakini A.Əliyev idarə etdiyi “Nissan” markalı avtomobillə yolu keçən paytaxt sakinləri S.Rəsulovanı, S.Cavadovanı və azyaşlı qızını vurub. Nəticədə hər iki piyada hadisə yerində, uşaq isə xəstəxanada ölüb.Suraxanı Rayon Polis İdarəsində araşdırma aparılır.

Yevlax rayonunun Kolanı kəndi ərazisində “Mercedes” markalı avtomobil aşıb

28.05.2023

Mayın 28-də saat 13 radələrində Yevlax rayonunun Kolanı kəndi ərazisində Bərdə rayon sakini V.İsmayılzadə idarə etdiyi “Mercedes” markalı avtomobili aşırıb. Nəticədə avtomobildəki sərnişinlərdən Ş.Fərzəliyev hadisə yerində ölüb, digər 3 sərnişinə isə xəstəxanada ilkin tibbi yardım göstərildikdən sonra buraxılıblar.Yevlax Rayon Polis Şöbəsində araşdırma aparılır.

Lənkəran rayonunun Xanbulan kəndi ərazisində “MAN” markalı avtobusla “Nissan” markalı avtomobil toqquşub

28.05.2023

Mayın 28-də saat 14 radələrində Lənkəran rayonunun Xanbulan kəndi ərazisində Bakı şəhər sakini M.Hacıyevin idarə etdiyi “MAN” markalı avtobusla Lənkəran şəhər sakini R.Məmmədovun idarə etdiyi “Nissan” markalı avtomobil toqquşub. Nəticədə “Nissan” markalı avtomobilin sürücüsü və bir sərnişini xəstəxanaya yerləşdirilib, sürücü orada ölüb. Lənkəran Şəhər Rayon Polis Şöbəsində araşdırma aparılır.