Binədə 7 evdən 27 min manatlıq oğurluq edən şəxs saxlanılıb

05.10.2024

Xəzər rayonu Binə qəsəbəsində yerləşən evlərin birindən pul və qızıl-zinət əşyalarının oğurlanması barədə polisə məlumat daxil olub.Xəzər Rayon Polis İdarəsinin 3-cü Polis Şöbəsinin əməkdaşlarının həyata keçirdikləri tədbirlərlə hadisəni törədən 1989-cu il təvəllüdlü Tural Səlimov saxlanılıb.Araşdırma zamanı onun Binə qəsəbəsində ümumilikdə 7 evdən pul və qızıl oğurladığı müəyyən edilib. T.Səlimov oğurladığı qızılları Nəsimi rayonunda yerləşən mağazalardan birinə satıb.Saxlanılan şəxsin evlərdən ümumilikdə 27 min manata yaxın pul və qızıl oğurladığı müəyyən olunub. T.Səlimov barəsində Xəzər RPİ-nin 3-cü PŞ-də araşdırmalar davam etdirilir.

Polis Bakı və Sumqayıtda dələduzluqda şübhəli bilinən iki nəfəri saxlayıb

04.10.2024

Xəzər Rayon Polis İdarəsi əməkdaşlarının keçirdikləri tədbirlərlə bir nəfərin 76000 manatını dələduzluq yolu ilə ələ keçirməkdə şübhəli bilinən 49 yaşlı A.Alıyev, Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə isə şəhər sakini olan bir nəfərin 8745 manatını dələduzluq yolu ilə ələ keçirməkdə şübhəli bilinən, əvvəllər də eyni əmələ görə məhkum olunmuş 33 yaşlı İ.Məmmədli müəyyən olunaraq saxlanılıblar. Faktlarla bağlı araşdırma aparılır.

Bakı şəhər sakini olan bir nəfəri aldadaraq öz hesabına 10.200 manat ödətdirməkdə şübhəli bilinən Z.Zülfüqarov saxlanılıb

04.10.2024

Bakı şəhər sakini olan bir nəfər onu aldadan şəxsin öz hesabına 10.200 manat ödətdirməsi barədə polisə müraciət edib. Səbail RPİ 9-cu Polis Bölməsi əməkdaşlarının keçirdikləri tədbirlərlə dələduzluq əməlini törətməkdə şübhəli bilinən 25 yaşlı Z.Zülfüqarov müəyyən olunaraq saxlanılıb. Araşdırma aparılır.

Sumqayıt şəhəri 9-cu mikrorayon ərazisində yerləşən mağazada oğurluq etməkdə şübhəli bilinən O.Aşirov və bir qadın saxlanılıblar

04.10.2024

Sumqayıt şəhəri 9-cu mikrorayon ərazisində yerləşən mağazada işçilərdən birinin pulqabısından 3000 manatının oğurlanması barədə polisə məlumat daxil olub. Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən 29 yaşlı O.Aşirov və bir qadın müəyyən olunaraq saxlanılıb. Araşdırma aparılır.

Polis əməkdaşlarının sayıqlığı nəticəsində dəmir yolu stansiyasından oğurluğa cəhd edən şəxs saxlanılıb

04.10.2024

Oktyabrın 3-də axşam saatlarında Biləcəri dəmir yolu stansiyası ərazisindən rabitə kabeli oğurlamağa cəhd göstərən şəxs Dəmir Yolu Nəqliyyatında Polis İdarəsinin əməkdaşları tərəfindən saxlanılıb. Onun 42 yaşlı İ.Əliyev olması və Keşlə dəmir yolu stansiyası ərazisindən oğurluq etməsi də müəyyən olunub. Araşdırma aparılır.

Narkotiklərin qanunsuz dövriyyəsində şübhəli bilinən A.Quliyev saxlanılıb

04.10.2024

Sabunçu RPİ 13-cü Polis Şöbəsi əməkdaşlarının keçirdikləri əməliyyat tədbirləri ilə narkotiklərin qanunsuz dövriyyəsində şübhəli bilinən, əvvəllər də eyni əmələ görə məhkum olunmuş 49 yaşlı A.Quliyev saxlanılıb. Ondan külli miqdarda marixuana aşkar olunaraq götürülüb. Araşdırma aparılır.

Polis Qaradağ və Nəsimi rayonlarında avtomobillərdən oğurluq edənləri saxlayıb

04.10.2024

Qaradağ RPİ 10-cu Polis Şöbəsi əməkdaşlarının keçirdikləri tədbirlərlə Lökbatan qəsəbəsi ərazisində “Ford” markalı avtomobildən mobil telefon oğurlamaqda şübhəli bilinən 51 yaşlı R.Səfərov, Nəsimi RPİ 19-cu Polis Şöbəsi əməkdaşlarının keçirdikləri tədbirlərlə isə rayon ərazisində “Mercedes” markalı avtomobildən planşet oğurlamaqda şübhəli bilinən, əvvəllər məhkum olunmuş 39 yaşlı V.Pənahov saxlanılıblar. Faktlarla bağlı araşdırma aparılır.

Gün ərzində ölkə ərazisində qeydə alınan 32 cinayətin açılması təmin olunub

04.10.2024

Oktyabrın 4-də ölkə ərazisində qeydə alınan 21, əvvəlki dövrlərdən bağlı qalan 11 cinayətin açılması polis əməkdaşları tərəfindən təmin olunub.

Qanunsuz saxlanılan odlu silahlar təhvil götürülüb

04.10.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Oktyabrın 4-də polis əməkdaşları paytaxt və respublikanın ayrı-ayrı rayonlarında 1 tapança, 4 tüfəng və 73 ədəd müxtəlif çaplı patron təhvil götürüblər. 

Dələduzluğa görə axtarışda olan 2 nəfər saxlanılaraq istintaqa təhvil verilib

04.10.2024

Polis əməkdaşlarının oktyabrın 4-də keçirdikləri əməliyyat tədbirləri ilə dələduzluğa görə axtarışda olan 2 nəfər saxlanılaraq istintaqa təhvil verilib.