Dələduzluğa görə axtarışda olan 10 nəfər saxlanılaraq istintaqa təhvil verilib

16.02.2025

Polis əməkdaşlarının fevralın 15-də və 16-da keçirdikləri əməliyyat tədbirləri ilə dələduzluğa görə axtarışda olan 10 nəfər saxlanılaraq istintaqa təhvil verilib. 

Ümumi çəkisi 18 kiloqrama yaxın narkotik vasitə aşkar olunaraq götürülüb

16.02.2025

Polis əməkdaşlarının keçirdikləri əməliyyat tədbirləri ilə fevralın 15-də və 16-da ümumi çəkisi 18 kiloqrama yaxın narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.

Qanunsuz saxlanılan odlu silah-sursat aşkar olunaraq götürülüb

16.02.2025

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Fevralın 15-də və 16-da polis əməkdaşları paytaxt və respublikanın ayrı-ayrı rayonlarında 2 avtomat silahı, 1 tapança, 6 qumbara, 1 alışdırıcı, 27 tüfəng, 2 patron darağı və 48 ədəd müxtəlif çaplı patron aşkar edərək götürüblər.

Oğurluq etməkdə şübhəli bilinən şəxslər saxlanılıb

16.02.2025

Binəqədi rayonu ərazisində bir nəfərin içərisində 1270 manat, 940 dollar, 7300 rubl və şəxsiyyət vəsiqəsi olan pul kisəsinin oğurlanması barədə polisə məlumat daxil olub. Binəqədi RPİ 5-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 64 yaşlı M.Nəcəfov müəyyən olunaraq saxlanılıb. Analoji hadisə Nərimanov rayonu ərazisində də baş verib. Rayon sakininin 1000 manat dəyərində kosmetik vasitələrini və sənədlərini oğurlamaqda şübhəli bilinən yeniyetmə müyyən edilərək saxlanılıb. Paytaxt ərazisində isə mağazaların birindən 750 manat dəyərində tütün məmulatı, 2000 manat dəyərində inşaat materialları oğurlayan 18 yaşlı F.Kərimov və əvvəllər məhkum olunmuş 34 yaşlı B.İsmayılov müəyyən olunaraq saxlanılıblar. 

Mağaza və restoranlardan oğurluq edənlər saxlanıldı

16.02.2025

Fevralın 14-ü Sabunçu rayonu ərazisində yerləşən restoranların birindən 182 manat oğurlanması barədə polisə məlumat daxil olub.Sabunçu RPİ 15-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən yeniyetmə müəyyən olunaraq saxlanılıb. Araşdırmalarla saxlanılan şəxs  E.Həsənov adlı tanışı ilə birgə ayrı-ayrı vaxtlarda  mağaza və restoranlardan 470 manat pul, mobil telefon, tütün məmulatı, alışqanlar və energetik içkilər oğurlamaları da məlum olub. E.Həsənov da müəyyən edərək saxlanılıb.

Gün ərzində ölkə ərazisində qeydə alınan 50 cinayətin açılması təmin olunub

15.02.2025

Fevralın 15-də ölkə ərazisində qeydə alınan 47, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.

Nəsimi rayonu ərazisində silah-sursat aşkarlandı

15.02.2025

Polis əməkdaşları tərəfindən qanunsuz saxlanılan silahların aşkarlanması və könüllü təhvil verilməsi istiqamətində tədbirlər davam etdirilir.Nəsimi RPİ 19-cu Polis Şöbəsi əməkdaşlarının keçirdikləri tədbirlər nəticəsində rayon ərazisində 1 tapança, 1 patron darağı, 3 qumbara, 1 alışdırıcı və 1 süngü bıçaq tapılaraq götürülüb.Bu istiqamətdə tədbirlər davam etdirilir.

Sumqayıt şəhəri və Abşeron rayonunda evlərdən oğurluq edən şəxslər saxlanılıb

15.02.2025

Sumqayıt şəhəri ərazisində yerləşən 3 evdən naqil, təmir alətləri və inşaat materiallarının oğurlanması barədə polisə məlumatlar daxil olub.Sumqayıt ŞPİ 5-ci Polis Bölməsi əməkdaşlarının keçirdikləri tədbirlərlə əməlləri törətməkdə şübhəli bilinən, əvvəllər məhkum olunmuş 40 yaşlı E.Ağasiyev müəyyən olunaraq saxlanılıb.Bundan başqa Abşeron rayonu ərazisində yerləşən evlərin birindən 900 manat dəyərində 3 samovarı oğurlamaqda şübhəli bilinən 28 yaşlı M. Məmmədovun saxlanılması da polis əməkdaşları tərəfindən təmin edilib.Araşdırmalar aparılır.

Gün ərzində ölkə ərazisində qeydə alınan 75 cinayətin açılması təmin olunub

14.02.2025

Fevralın 14-də ölkə ərazisində qeydə alınan 54, əvvəlki dövrlərdən bağlı qalan 21 cinayətin açılması polis əməkdaşları tərəfindən təmin olunub.

İtkin düşmüş kimi axtarışı aparılan 2 nəfər tapılaraq aidiyyəti üzrə təhvil verilib

14.02.2025

Fevralın 14-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 2 nəfər tapılaraq aidiyyəti üzrə təhvil verilib.