Vətəndaş Vüqar Əhmədov DYP əməkdaşları ilə əlaqədar DİN-in rəsmi “Facebook” səhifəsinə yazdığı müraciətə dərhal reaksiya verildiyinə, onunla təcili əlaqə saxlanılıb məsələyə aydınlıq gətirildiyinə və müraciətinin qanun çərçivəsində həllinə görə DİN və DYPİ-nin rəhbərliklərinə təşəkkürünü bildirir.

Neftçala rayon sakini Əli Nağıyev qanunun aliliyinin, insan hüquq və azadlıqlarının təmin edilməsində, cinayətkarlıqla mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə DİN rəhbərliyinə və Şirvan ŞPŞ-nin şəxsi heyətinə minnətdarlığını bildirir.

Neftçala rayon sakini Əli Nağıyev DİN-ə ünvanladığı təşəkkür məktubunda polis əməkdaşlarının xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə Azərbaycan Polisinə təşəkkürünü bildirir.

Şabran rayon sakini, Qarabağ müharibəsi veteranı Ərəstun Kamilov qanunun aliliyinin, insan hüquq və azadlıqlarının təmin edilməsində, cinayətkarlıqla mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə DİN rəhbərliyinə və Şabran RPŞ-nin əməkdaşlarına təşəkkürünü ifadə edir.

Bakı şəhər sakini Yusif Bayramov DİN rəhbərliyinə ünvanladığı təşəkkür məktubunda Azərbaycan Polisinin vətəndaşlara göstərdiyi peşəkar və operativ xidməti yüksək dəyərləndirir və fəaliyyətlərində uğurlar diləyir.

Bakı şəhər sakini Cavid Dadaşov DİN rəhbərliyinə ünvanladığı təşəkkür məktubunda müraciətinə tez bir zamanda baxılaraq ona dəyən ziyanın ödənilməsində göstərdikləri köməyə görə Nəsimi Rayon Polis İdarəsinin əməkdaşlarına minnətdarlığını bildirir. O, vətəndaş müraciətlərinə belə həssaslıqla yanaşılmasından məmnunluğunu yazır.

Bakı şəhər sakini Ədilə Əlizadə üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Nərimanov RPİ 18-ci Polis Bölməsinin şəxsi heyətinə təşəkkürünü ifadə edir.

Biləsuvar rayonunun Bəydili kənd sakini Elvin Məmmədzadə DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə uetridiklərinə, həmçinin COVID-19 pandemiyasının qarşısının alınmasında sərgilədikləri fədakar əməyə görə Biləsuvar RPŞ-nin rəhbərliyinə və şəxsi heyətinə minnətdarlığını bildirir.

Astara şəhər sakini Yeganə İsmayılova DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiyinə görə Astara RPŞ-nin əməkdaşlarından razılığını ifadə edir.