Lerik Rayon Tikəband kənd sakininə məxsus həyətyanı sahədən çətənə bitkisi aşkar olunaraq götürülüb

12.07.2023

Lerik Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Tikəband kənd sakini N.Hacıyevə məxsus həyətyanı sahədən kultivasiya yolu ilə yetişdirilən 6 ədəd çətənə bitkisi aşkar olunaraq götürülüb.

İsmayıllı rayonu Xanagah kəndi ərazisində yabanı halda bitmiş çətənə kolu aşkar olunaraq məhv edilib

12.07.2023

İsmayıllı Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Xanagah kəndi ərazisində yabanı halda bitmiş çəkisi 1 ton 349 kiloqram olan 1989 ədəd çətənə kolu aşkar olunaraq məhv edili

Gün ərzində ölkə ərazisində qeydə alınan 64 cinayətin açılması təmin olunub

11.07.2023

İyulun 11-də ölkə ərazisində qeydə alınan 64, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.   

Sosial şəbəkələrdə onkoloji xəstəlikdən əziyyət çəkən şəxslərə yardım məqsədi ilə paylaşılan bank kartlarından kibercinayətkarlıq metodlarından istifadə edərək oğurluqlar edən şəxs saxlanılıb

11.07.2023

Sosial şəbəkələrdə onkoloji xəstəlikdən əziyyət çəkən və aztəminatlı şəxslərə yardım məqsədi ilə yerləşdirilən elanlarda göstərilən bank kartlarına müdaxilə olunduğu, həmçinin həmin hesablarda olan pulların informasiya texnologiyalarının imkanlarından istifadə edilməklə ələ keçirildiyi barədə Daxili İşlər Nazirliyinə çoxsaylı müraciətlər edilib. Aparılan araşdırmalar və həyata keçirilən əməliyyat-texniki tədbirlər nəticəsində kibercinayətkarlıq metodlarından istifadə edərək qeyd edilən qanunsuz əməlləri törədən Aslan Qurbanov saxlanılaraq istintaqa cəlb edilib.Müəyyən olunub ki, Aslan Qurbanov onkoloji xəstələr tərəfindən maddi yardımın toplanması üçün müxtəlif sosial şəbəkələrdə paylaşılmış bank kartlarının məlumatlarını götürərək həmin şəxslərlə xarici virtual nömrələr vasitəsilə əlaqə saxlayıb. O, həmin şəxsləri onlara yardım edəcəyi adı ilə  aldadaraq bank kartlarının məxfi məlumatlarını əldə edib. Aslan Qurbanov informasiya texnologiyalarından istifadə etməklə ələ keçirdiyi pul vəsaitlərini izi itirmək məqsədi ilə əvvəlcə xaricdə olan idman-mərc oyunlarındakı hesablarına transfer edib. Sonradan o, pulları istifadəsində olan bank kartına köçürərək nağdlaşdırıb.Faktla bağlı Cinayət Məcəlləsinin 177.2.3-1-ci  oğurluq, elektron məlumat daşıyıcılarından, yaxud informasiya texnologiyalarından istifadə edilməklə törədildikdə maddəsi ilə cinayət işi başlanılıb. Aslan Qurbanovun qanunsuz əməllərindən zərərçəkən digər vətəndaşlar varsa Daxili İşlər Nazirliyinə müraciət edə bilərlər.

58 kiloqram narkotik vasitə qanunsuz dövriyyədən çıxarılıb

11.07.2023

Daxili İşlər Nazirliyi Baş Narkotiklərlə Mübarizə İdarəsi və Dövlət Sərhəd Xidmətinin Horadiz Sərhəd Dəstəsinin əməkdaşları tərəfindən birgə keçirilən daha bir əməliyyat nəticəsində qaçaqmalçılıq yolu ilə ölkə ərazisinə gətirilən külli miqdarda narkotik maddələrin qanunsuz dövriyyəyə buraxılmasının qarşısı alınıb. Daxil olmuş əməliyyat məlumatı əsasında İmişli rayonunda keçirilən tədbir zamanı Göyçay şəhər sakinləri əvvəllər məhkum olunmuşlar – Ruslan Qasımov, Nurlan Mehdiyev və Elmir İsmayılov narkotik madələrin qanunsuz dövriyyəsi ilə məşğul olduqları üçün saxlanılıblar. Bu şəxslərdən ümumilikdə 58 kiloqram tərkibi psixotrop maddələrlə zənginləşdirilmiş qurudulmuş marixuana və 1030 ədəd narkotik tərkibli metadon həbi aşkar edilib. Ruslan Qasımov, Nurlan Mehdiyev və Elmir İsmayılov onlardan aşkar olunmuş narkotik vasitələri İran İslam Respublikasının vətəndaşı “Seyid” adı şəxsin vasitəsilə qabaqcadan əlbir olub razılaşmaqla sərhəd bölgəsində yerləşən İmişli rayonu Qaragüvənlikli kəndi ərazisində gizlədilən yerdən Bakı şəhərində ayrı-ayrı şəxslərə çatdırıb pul qazanmaq məqsədi ilə əldə etdiklərini bildiriblər. Faktla bağlı Cinayət Məcəlləsinin müvafiq maddəsi ilə cinayət işi başlanılıb, saxlanılan şəxslər barəsində həbs qətimkan tədbiri seçilib, əməliyyat-istintaq tədbirləri davam etdirilir. Qeyd edək ki, son 3 ay ərzində Daxili İşlər Nazirliyi və Dövlət Sərhəd Xidmətinin əməkdaşları tərəfindən İrandan qaçaqmalçılıq yolu ilə ölkəmizə narkotik vasitələr göndərilməsinin qarşısının alınması məqsədi ilə birgə keçirilən əməliyyatlar zamanı 500 kiloqramdan artıq müxtəlif xassəli narkotik vasitə və psixotrop maddə qanunsuz dövriyyədən çıxarılıb.

Qobustan rayonunun Şıxzərli kəndi ərazisində yol-nəqliyyat hadisəsi

11.07.2023

İyulun 11-də saat 20 radələrində Qobustan rayonunun Şıxzərli kəndi ərazisində Qobustan şəhər sakini C.Mürsəliyev idarə etdiyi “Mercedes” markalı  avtomobili aşırıb. Nəticədə sürücü və sərnişini olan həmyerlisi C.Həmzəyev hadisə yerində ölüblər.Baş İstintaq və Təhqiqat İdarəsi tərəfindən araşdırma aparılır.

Evkolipt ağaclarını oğurlamaqda şübhəli bilinən Salyan rayon sakini R.Məmmədov müəyyən olunaraq saxlanılıb

11.07.2023

Lənkəran Şəhər Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyulun 6-da rayon ərazisindəki torpaq sahələrinin birindən 3000 manat dəyərində evkolipt ağaclarını oğurlamaqda şübhəli bilinən Salyan rayon sakini R.Məmmədov müəyyən olunaraq saxlanılıb. Araşdırma aparılır.

Yabanı halda bitmiş çəkisi 1 ton 150 kiloqram olan 1923 ədəd çətənə kolu aşkar edilərək məhv edilib

11.07.2023

Beyləqan Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Eyvazlılar kəndi ərazisində yabanı halda bitmiş çəkisi 1 ton 150 kiloqram olan 1923 ədəd çətənə kolu aşkar edilərək məhv edilib.

Kultivasiya yolu ilə yetişdirilən 13 ədəd çətənə kolu aşkar edilərək götürülüb

11.07.2023

Xaçmaz Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Fərzəlioba kəndi ərazisində şəhər sakini H.Mehdiyev tərəfindən kultivasiya yolu ilə yetişdirilən 13 ədəd çətənə kolu aşkar edilərək götürülüb.

Yabanı halda bitmiş 2 ton 640 kiloqram çəkidə 33000 ədəd çətənə kolu aşkar edilərək məhv edilib

11.07.2023

Culfa Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Ləkətağ kəndi ərazisində yabanı halda bitmiş 2 ton 640 kiloqram çəkidə 33000 ədəd çətənə kolu aşkar edilərək məhv edilib.