Nizami rayonunun Babək prospektində ölümlə nəticələnən yol-nəqliyyat hadisəsi baş vermişdir

13.07.2023

İyulun 13-də saat 23 radələrində Nizami rayonunun Babək prospektində Bakı şəhər sakini Y.İbrahimov “Ford” markalı yük avtomobilini geriyə idarə edərkən yolu keçən paytaxt sakinləri A.İsmayılovu və qardaşını vurub. Nəticədə A.İsmayılov hadisə yerində ölüb, qardaşına xəstəxanada ilkin tibbi yardım göstərilib.Nizami Rayon Polis İdarəsində araşdırma aparılır.

Goranboy rayonunun Səfikürd kəndi ərazisində ölümlə nəticələnən yol-nəqliyyat hadisəsi baş vermişdir

13.07.2023

İyulun 14-də saat 2 radələrində Goranboy rayonunun Səfikürd kəndi ərazisində kənd sakini R.Məmmədov idarə etdiyi “VAZ-21124” markalı avtomobili dərəyə aşırıb. Nəticədə sürücü hadisə yerində ölüb, sərnişini olan həyat yoldaşı və oğlu xəstəxanaya yerləşdiriliblər.Goranboy Rayon Polis Şöbəsində araşdırma aparılır.

Yasamal rayonu Kənar Dairəvi Yolda yol-nəqliyyat hadisəsi baş vermişdir

13.07.2023

İyulun 13-də saat 10 radələrində Yasamal rayonunun Kənar Dairəvi Yolda Bakı şəhər sakinləri C.Rzayevin idarə etdiyi “Kia” və M.Qasımovun idarə etdiyi “Toyota” markalı avtomobillər toqquşub. Nəticədə avtomobillərdə olan 5 nəfərə xəstəxanada ilkin tibbi yardım göstərilb.Yasamal Rayon Polis İdarəsində araşdırma aparılır.

Gün ərzində ölkə ərazisində qeydə alınan 77 cinayətin açılması təmin olunub

12.07.2023

İyulun 12-də ölkə ərazisində qeydə alınan 77, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.

Yevlax rayonunun Aran qəsəbəsi ərazisində ölümlə nəticələnən yol-nəqliyyat hadisəsi

12.07.2023

İyulun 12-də saat 10 radələrində Yevlax rayonunun Aran qəsəbəsi ərazisində Ağstafa rayon sakini C.Həsənov idarə etdiyi “Mercedes” markalı avtomobili körpüdən Qarabağ kanalına aşırıb. Görülən tədbirlərlə C.Həsənovun meyiti və avtomobili sudan çıxarılıb.Yevlax Rayon Polis Şöbəsində araşdırma aparılır.

Sumqayıt Şəhər Polis İdarəsi əməkdaşlarının keçirdikləri əməliyyat tədbiri nəticəsində saxlanılan C.Məmmədovdan narkotik maddələr aşkar olunaraq göürülüb

12.07.2023

Sumqayıt Şəhər Polis İdarəsi əməkdaşlarının keçirdikləri əməliyyat tədbiri nəticəsində saxlanılan C.Məmmədovdan metamfetamin aşkar edilib.Davam etdirilən tədbirlərlə onun yaşadığı Corat qəsəbəsindəki evə baxış zamanı 2 kiloqram 270 qram marixuana və 110 qram metamfetamin götürülüb.

Lökbatan qəsəbəsində narkotiklərin qanunsuz dövriyyəsini təşkil edən 14 nəfər saxlanılıb

12.07.2023

Qaradağ Rayon Polis İdarəsinin 10-cu Polis Şöbəsinin əməkdaşları tərəfindən Lökbatan qəsəbəsində son bir neçə gündə narkotik maddələrin qanunsuz dövriyyəsini təşkil edən şəxslərə qarşı təxirəsalınmaz əməliyyatlar keçirilib. Tədbirlər zamanı narkotik vasitə və psixotrop maddələri əldə etmə, saxlama, daşıma, göndərmə və ya satışı ilə məşğul olan ümumilikdə 14 nəfər saxlanılıb. Həmin şəxslərdən 3 kiloqrama yaxın narkotik vasitə heroin, marixuana, tiryək və psixotrop maddə metamfetamin aşkar edilib. Onların hər biri barəsində Qaradağ Rayon Polis İdarəsinin İstintaq Şöbəsində araşdırmalar aparılır. Narkotiklərin qanunsuz dövriyyəsinə qarşı polis əməkdaşları tərəfindən mübarizə tədbirləri davam etdirilir. 

Biləsuvar rayon ərazisindəki evlərin birindən pul oğurlamaqda şübhəli bilinən Nəsimi kənd sakini müəyyən edilərək saxlanılıb

12.07.2023

Biləsuvar Rayon Polis Şöbəsi əməkdaşlarının keçirdikləri əməliyyat tədbiri nəticəsində iyulun 10-da rayon ərazisindəki evlərin birindən 1400 manat oğurlamaqda şübhəli bilinən Nəsimi kənd sakini M.Sadıqov müəyyən edilərək saxlanılıb. Araşdırma aparılır.

Sabirabad rayonu Bulaqlı kəndi ərazisindəki kafelərin birindən pul və spirtli içki oğurlamaqda şübhəli bilinən rayon sakini saxlanılıb

12.07.2023

Sabirabad Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 12-nə keçən gecə Bulaqlı kəndi ərazisindəki kafelərin birindən 860 manat pul və spirtli içki oğurlamaqda şübhəli bilinən rayon sakini A.Güləliyev müəyyən edilərək saxlanılıb. Araşdırma aparılır.

Sabirabad Rayon Polis Şöbəsində narkotik vasitə ilə tutulan şəxin ticarət obyektindən pul oğurlaması da müəyyən olunub

12.07.2023

Sabirabad Rayon Polis Şöbəsində aparılan araşdırmalarla narkotik vasitə ilə tutulan B.Bəşirovun qardaşı əvvəllər məhkum olunmuş T.Bəşirovla birgə rayon ərazisində 2 mağazadan pul və 840 manat dəyərində tütün məmulatı oğurlaması da müəyyən olunub.Görülmüş tədbirlərlə T.Bəşirov saxlanılıb. Onun bir ticarət obyektindən 130 manat pul oğurlaması da müəyyən olunub.