Sanitariya-gigiyena qaydalarının pozulması hallarının qarşısının alınması məqsədilə tədbirlər davam etdirilir

15.08.2023

Avqustun 12-də Daxili İşlər Nazirliyinin Baş İctimai Təhlükəsizlik İdarəsi  Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə Sumqayıt şəhəri ərazisində və Xəzər dənizinin sahil zolağında keçirdikləri tədbirlər zamanı Xəzər dənizinə tullantı sularının axıdılması faktı aşkar olunub.  Fakta görə, Sumqayıt şəhəri, Novxanı yolu, Sahil küçəsində yerləşən restoranlardan birinin direktoru barəsində İnzibati Xətalar Məcəlləsinin 264.0.1-ci (su obyektlərinin mühafizəsi qaydalarının pozulması) maddəsi ilə inzibati tənbeh tədbiri tətbiq olunub.Bu istiqamətdə tədbirlər davam etdirilir.

Yasamal rayonu M.Müşfiq küçəsində idarə etdiyi avtomobillə yolu keçən piyadanı vurmaqda şübhəli bilinən “Toyota” markalı avtomobilin sürücüsü C.Əliyev saxlanılıb

15.08.2023

Avqustun 15-də saat 23 radələrində Yasamal rayonu M.Müşfiq küçəsində müəyyən edilməmiş avtomobillə yolu keçən Bakı şəhər sakini A.Sadıqov vurulub.Nəticədə piyada hadisə yerində ölüb. Yasamal RPİ 26-cı Polis Bölməsi əməkdaşlarının keçirdikləri əməliyyat-axtarış tədbirləri ilə hadisəni törətməkdə şübhəli bilinən “Toyota” markalı avtomobilin sürücüsü paytaxt sakini C.Əliyev müəyyən olunaraq saxlanılıb.  Araşdırma aparılır.

Nərimanov rayonu Z.Bünyadov prospektində “Toyota” markalı avtomobillə yolu keçən 40-45 yaşlı kişi vurulub

15.08.2023

Avqustun 15-də saat 23 radələrində Nərimanov rayonu Z.Bünyadov prospektində Bakı şəhər sakini E.Cabbarlı idarə etdiyi “Toyota” markalı avtomobillə yolu keçən 40-45 yaşlı kişini vurub. Nəticədə piyada hadisə yerində ölüb. Araşdırma aparılır.

Biləsuvar rayonunun Çaylı kəndi ərazisində “Ford” markalı avtomobillə piyada vurulub

15.08.2023

Avqustun 15-də saat 20 radələrində Biləsuvar rayonunun Çaylı kəndi ərazisində kənd sakini Z.Fətullayev idarə etdiyi “Ford” markalı avtomobillə yolu keçən həmkəndlisi S.Soltanovanı vurub. Nəticədə piyada hadisə yerində ölüb. Araşdırma aparılır.

Qobustan şəhəri ərazisində “VAZ-2107” və “Mercedes” markalı avtomobillər toqquşub

15.08.2023

Avqustun 15-də saat 13 radələrində Qobustan şəhəri ərazisində Y.Məcnunovun idarə etdiyi şəxsi “VAZ-2107” markalı və Şamaxı rayon sakini Z.Nəcəfovun idarə etdiyi “Mercedes” markalı (yük) avtomobillər toqquşub. Nəticədə Y.Məcnunovun sərnişini olan atası E.Məcnunov hadisə yerində ölüb. Araşdırma aparılır.

Suraxanı rayonunun Bülbülə qəsəbəsindəki evlərdən birinin həyətindən samovar və qazan oğurlamaqda şübhəli bilinən İ.Sultanov saxlanılıb

15.08.2023

Suraxanı RPİ 31-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində avqustun 9-da Bülbülə qəsəbəsindəki evlərdən birinin həyətindən  15000 manat dəyərində samovar və qazan oğurlamaqda şübhəli bilinən payatxt sakini İ.Sultanov müəyyən olunaraq saxlanılıb. 

Gəncə şəhəri ərazisində bir avtomobildən oğurluq etməkdə şübhəli bilinən bir qrup şəxs saxlanılıb

15.08.2023

Gəncə ŞBPİ 2-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində şəhər ərazisində bir avtomobildən 81 manat pul, 1400 manat dəyərində qızıl üzük, qoltuqaltı, maqnitofon və sənəd oğurlamaqda şübhəli bilinən Gəncə şəhər sakinləri M.Hüseynov, K.Nəzərov və Goranboy rayon sakini R.Əliyev müəyyən olunaraq saxlanılıblar.  

Zərdab rayonunun Məlikumudlu kəndi ərazisində avtomobildən akkumulyator oğurlamaqda şübhəli bilinən Ucar rayon sakinləri F.Fərzəliyev və E.Məmmədli saxlanılıb

15.08.2023

Zərdab RPŞ əməkdaşlarının keçirdikləri əməliyyat-axtarış tədbirləri ilə avqustun 15-də saat Zərdab rayonunun Məlikumudlu kəndi ərazisində avtomobildən akkumulyator oğurlamaqda şübhəli bilinən Ucar rayon sakinləri F.Fərzəliyev və E.Məmmədli saxlanılıb. Araşdırmalarla onların ayrı-ayrı vətəndaşlara məxsus daha iki avtomobildən  akkumulyator və yaddaş kartı, habelə Ucar rayonu Lək kəndi ərazisindən 3 baş qoyun oğurlamaları da müəyyən olunub. 

Salyan rayonunun Arbatan kənd sakini Ə.Rüstəmovdan marixuana aşkar edilərək götürülüb

15.08.2023

Salyan RPŞ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Arbatan kənd sakini, əvvəllər məhkum olunmuş  Ə.Rüstəmov saxlanılıb. Şəxsi axtarış zamanı ondan 8 qramdan artıq,  evindən isə 445 qram marixuana aşkar edilərək götürülüb.  

Yasamal rayonunda son günlərdə keçirilən əməliyyatlarla narkotiklərin qanunsuz dövriyyəsini təşkil edən 25 nəfər saxlanılıb

15.08.2023

Yasamal Rayon Polis İdarəsinin, həmçinin ərazi şöbə və bölmələrinin əməkdaşları tərəfindən son günlərdə rayon ərazisində keçirilən əməliyyatlar nəticəsində narkotiklərin qanunsuz dövriyyəsi ilə məşğul olan 25 nəfər saxlanılıb. Həmin şəxslərdən külli miqdarda heroin, marixuana və metamfetamin aşkar edilib. Saxlanılanlar narkotik vasitələri sosial şəbəkələrdə tanımadıqları İran vətəndaşlarından onlayn yolla paytaxt ərazisində satmaq məqsədi ilə əldə etdiklərini bildiriblər. Aşkar edilən faktlarla bağlı araşdırmalar aparılır. Polis əməkdaşları tərəfindən narkotiklərin qanunsuz dövriyyəsini təşkil edən şəxslərə qarşı mübarizə tədbirləri davam etdirilir.