Binəqədi rayonu ərazisindəki ofislərin birindən 3 ədəd kondisioner oğurlamaqda şübhəli bilinən Ucar rayon sakini V.Fərzəliyev saxlanılıb

19.08.2023

Binəqədi RPİ 7-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki ofislərin birindən 5800 manat dəyərində 3 ədəd kondisioner oğurlamaqda şübhəli bilinən Ucar rayon sakini V.Fərzəliyev müəyyən olunaraq saxlanılıb.Araşdırma aparılır.

Yasamal rayonunun Ş.Mehdiyev küçəsindən moped oğurlamaqda şübhəli bilinən paytaxt sakini İ.Cabbarov saxlanılıb

19.08.2023

Yasamal RPİ 27-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayonun Ş.Mehdiyev küçəsindən 2000 manat dəyərində moped oğurlamaqda şübhəli bilinən paytaxt sakini, əvvəllər məhkum olunmuş İ.Cabbarov müəyyən olunaraq saxlanılıb. Araşdırmalarla onun bir şəxsdən 2 ədəd mobil telefonu soyğunçuluq yolu ilə alması da müəyyən olunub.

Gəncə şəhər sakini S.Məmmədovdan silah-sursat aşkar olunaraq götürülüb

19.08.2023

Gəncə ŞBPİ 2-ci Polis Şöbəsi əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş S.Məmmədovdan 2 ədəd patron, Natəvan qəsəbəsi ərazisində gizlətdiyi 1 ədəd lüləsi və qundağı kəsilmiş “TOZ-63” markalı ov tüfəngi aşkar olunaraq götürülüb. 

Quba rayonunun Alpan kənd bələdiyyəsinə məxsus sahədə yabanı halda bitmiş çətənə kolları aşkar olunaraq məhv edilib

19.08.2023

Quba RPŞ əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Alpan kənd bələdiyyəsinə məxsus sahədə yabanı halda bitmiş 4 ton 200 kiloqram çəkidə 4012 ədəd çətənə kolu aşkar olunaraq məhv edilib.

Gün ərzində ölkə ərazisində qeydə alınan  54 cinayətin açılması təmin olunub

18.08.2023

Avqustun 18-də ölkə ərazisində qeydə alınan  54, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Şəki rayonunun Köbər Zəyzid kəndi ərazisində “Mercedes” markalı avtomobil yoldan çıxaraq ağaca çırpılıb

18.08.2023

Avqustun 18-də saat 19 radələrində Şəki rayonunun Köbər Zəyzid kəndi ərazisində “Mercedes” markalı avtomobilin sürücüsü  N.Mirzəyevin idarəetməni itirməsi nəticəsində nəqliyyat vasitəsi yoldan çıxaraq ağaca çırpılıb. Nəticədə sürücü və avtomobildə olan 3 azyaşlı  vəfat edib, digər sərnişin isə xəstəxanaya yerləşdirilib. Araşdırma aparılır.

Sabirabad rayonunun Qaragüney kəndi ərazisində “Hyundai” markalı avtomobillə kənd sakini T.Məmmədov vurulub

18.08.2023

Avqustun 18-də saat 19 radələrində Sabirabad rayonunun Qaragüney kəndi ərazisində Bulduq kənd sakini Ə.Həsənov idarə etdiyi “Hyundai” markalı avtomobillə yolu keçən kənd sakini T.Məmmədovu vurub. Nəticədə piyada xəstəxanaya aparılarkən yolda ölüb.Araşdırma aparılır.

Xəzər rayonu ərazisində yerləşən kafelərin birindən oğurluq etməkdə şübhəli bilinən paytaxt sakini X.Xalıqov saxlanılıb

18.08.2023

Xəzər RPİ 2-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisində yerləşən kafelərin birindən 2870 manat pul, 2 ədəd noutbuk, 3 ədəd mobil telefon və planşet oğurlamaqda şübhəli bilinən paytaxt sakini, əvvəllər məhkum olunmuş X.Xalıqov müəyyən olunaraq saxlanılıb. Şəxsi axtarış zamanı ondan heroin aşkar olunaraq götürülüb.  

Binəqədi rayonu ərazisində bir vətəndaşa qarşı quldurluq etməkdə şübhəli bilinən Abşeron rayon sakini İ.Qasımov saxlanılıb

18.08.2023

Binəqədi RPİ 7-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində avqustun 16-da rayon ərazisində bir vətəndaşı bıçaqla hədələyərək quldurluq yolu ilə mobil telefonunu və bank kartını almaqda şübhəli bilinən Abşeron rayon sakini İ.Qasımov müəyyən olunaraq saxlanılıb. 

Sumqayıt şəhəri ərazisindəki evlərin birindən pul oğurlamaqda şübhəli bilinən C.Soltanlı saxlanılıb

18.08.2023

Sumqayıt ŞPİ 4-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində şəhər ərazisindəki evlərin birindən 1200 manat pul oğurlamaqda şübhəli bilinən şəhər sakini C.Soltanlı müəyyən olunaraq saxlanılıb.