Xaçmaz rayonunun Pərdiqıran kəndi ərazisində 2 sot sahədən yabanı halda bitən çətənə kolları məhv edilib

21.09.2023

Xaçmaz Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Pərdiqıran kəndi ərazisində 2 sot sahədən yabanı halda bitən 1,2 ton çəkidə 621 ədəd çətənə kolu aşkar olunaraq məhv edilib.  

Digər avtomobilə məxsus dövlət qeydiyyat nişanlarını oğurlayaraq istifadə etməkdə şübhəli bilinən Bakı şəhər sakini F.Ağayev saxlanılmışdır

20.09.2023

“KİA” markalı avtomobilin dövlət qeydiyyat nişanlarının oğurlanması barədə polisə məlumat daxil olub.  Keçirilən əməliyyat-axtarış tədbirləri nəticəsində həmin dövlət qeydiyyat nişanlarını oğurlamaqda şübhəli bilinən Bakı şəhər sakini F.Ağayev sentyabrın 20-də onları özünə məxsus “KİA” markalı avtomobilin üzərinə bağlayıb idarə edərkən Nərimanov RPİ 18-ci Polis Şöbəsinin əməkdaşları tərəfindən saxlanılıb. Araşdırma aparılır.

2 ədəd noutbuk oğurlamaqda şübhəli bilinən Bakı şəhər sakini K.Məmmədov saxlanılıb

20.09.2023

Nərimanov RPİ 16-cı Polis Şöbəsi əməkdaşlarının keçirdikləri əməliyyat tədbiri nəticəsində sentyabrın 18-də rayon ərazisində yerləşən ofislərin birindən 2 ədəd noutbuk oğurlamaqda şübhəli bilinən Bakı şəhər sakini K.Məmmədov saxlanılıb. Araşdırma aparılır. 

3 baş qoyun oğurlamaqda şübhəli bilinən Quba rayon sakinləri Ə.Məmmədov və R.Ağacanov saxlanılıblar

20.09.2023

Qusar Rayon Polis Şöbəsi əməkdaşlarının keçirdikləri əməliyyat tədbiri nəticəsində Yasab, Bədişqala və İmamqulukənd kəndləri ərazisindən 3 baş qoyun oğurlamaqda şübhəli bilinən Quba rayon sakinləri, əvvəllər məhkum olunmuşlar - Ə.Məmmədov və R.Ağacanov saxlanılıblar.

Bakı şəhər sakini S.Nadirovadan 100 qrama yaxın heroin və 81 qramdan artıq metamfetamin aşkar olunaraq götürülüb

20.09.2023

Sabunçu RPİ 13-cü Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Bakı şəhər sakini S.Nadirovadan 100 qrama yaxın heroin və 81 qramdan artıq metamfetamin aşkar olunaraq götürülüb. 

Salyan rayonunun Kərimbəyli kənd sakini N.Nağıyevdən narkotik vasitələr aşkar edilərək götürülmüşdür

20.09.2023

Salyan Rayon Polis Şöbəsi əməkdaşlarının keçirdikləri əməliyyat tədbiri nəticəsində Kərimbəyli kənd sakini, əvvəllər məhkum olunmuş N.Nağıyevdən 420 qram marixuana və həyətyanı sahəsindən kultivasiya yolu ilə yetişdirilən 14 ədəd çətənə kolu aşkar olunaraq götürülüb.  

Yabanı halda bitən 3,5 ton çəkidə 5094 ədəd çətənə kolu aşkar olunaraq məhv edilib

20.09.2023

Zaqatala Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Sumaylı kəndi ərazisində yabanı halda bitən 3,5 ton çəkidə 5094 ədəd çətənə kolu aşkar olunaraq məhv edilib.  

Nərimanov rayonu ərazisindəki mağazalardan birinin anbarından 76000 manat dəyərində elektrik naqili oğurlamaqda şübhəli bilinən şəxs saxlanılıb

19.09.2023

Nərimanov RPİ 17-ci Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki mağazalardan birinin anbarından 76000 manat dəyərində elektrik naqili oğurlamaqda şübhəli bilinən Bakı şəhər sakini, əvvəllər məhkum olunmuş R.Haqverdiyev saxlanılıb. Araşdırma aparılır. 

Abşeron rayonunun Mehdiabad qəsəbəsi ərazisində yerləşən avtomobil təmiri sexlərinin birində avtomobilin mühərrik hissəsini oğurlamaqda şübhəli bilinən şəxslər saxlanılıblar

19.09.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində sentyabrın 9-na keçən gecə Mehdiabad qəsəbəsi ərazisində yerləşən avtomobil təmiri sexlərinin birində “İsuzu” markalı avtomobilin 1500 manat dəyərində mühərrik hissəsini oğurlamaqda şübhəli bilinən Bakı şəhər sakini, əvvəllər məhkum olunmuş R.Hüseynov və Beyləqan rayon sakini İ.Əsgərov saxlanılıblar. Araşdırma aparılır. 

Bakı şəhər sakini E.Zeynalovdan və onun idarə etdiyi avtomobildən narkotik vasitələr aşkar olunaraq götürülüb

19.09.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş E.Zeynalov saxlanılıb. Şəxsi axtarış və idarə etdiyi “KİA” markalı avtomobilə baxış zamanı 70 qrama yaxın metamfetamin, 112 qramdan çox tiryək, 7 ədəd metadon həbi, heroin və marixuana aşkar olunaraq götürülüb.