Goranboy rayonunun Qızılhacılı qəsəbə sakini E.Əskərovdan 480 qram marixuana aşkar olunaraq götürülüb

26.09.2023

Goranboy Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Qızılhacılı qəsəbə sakini, əvvəllər məhkum olunmuş E.Əskərovdan 480 qram marixuana aşkar olunaraq götürülüb. 

Yabanı halda bitən 3,3 tondan artıq çəkidə 4582 ədəd çətənə kolu aşkar olunaraq məhv edilib

26.09.2023

Oğuz Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Bayan kəndi ərazisində yabanı halda bitən 3,3 tondan artıq çəkidə 4582 ədəd çətənə kolu aşkar olunaraq məhv edilib.  

Bakı şəhər sakini olan qadının bank kartından hesabındakı 2000 manatını oğurlamaqda şübhəli bilinən şəxs saxlanılıb

25.09.2023

Bakı şəhər Baş Polis İdarəsi əməkdaşlarının keçirdikləri əməliyyat tədbiri nəticəsində avqustun 7-də Bakı şəhər sakini olan qadının bank kartından hesabındakı 2000 manatını oğurlamaqda şübhəli bilinən paytaxt sakini Ə.Şərifov müəyyən olunaraq saxlanılıb. Araşdırma aparılır. 

Sabunçu rayonunun Bakıxanov qəsəbəsindəki mənzillərin birindən pul və qızıl-zinət əşyaları oğurlamaqda şübhəli bilinən şəxslər saxlanılıblar

25.09.2023

Sabunçu RPİ 13-cü Polis Şöbəsi əməkdaşlarının keçirdikləri əməliyyat tədbiri nəticəsində sentyabrın 18-də Bakıxanov qəsəbəsindəki mənzillərin birindən 1500 manat pul və 5000 manat dəyərində qızıl-zinət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş N.Vəlixanov və Abşeron rayon sakini, əvvəllər məhkum olunmuş F.Musayev müəyyən olunaraq saxlanılıblar. Araşdırma aparılır. 

Bakı şəhər sakini E.Süleymanovdan metamfetamin aşkar olunaraq götürülüb

24.09.2023

Nizami RPİ 23-cü Polis Bölməsi əməkdaşlarının keçirdikləri əməliyyat tədbiri nəticəsində Bakı şəhər sakini E.Süleymanov saxlanılıb. Şəxsi axtarış zamanı ondan metamfetamin aşkar olunaraq götürülüb. Araşdırmalarla onun sentyabrın 13-də Bakı şəhər sakini olan bir nəfərin bank kartından hesabındakı 777 manatını oğurlaması da müəyyən olunub.  

Xaçmaz rayonunun Pərdiqıran kəndi ərazisində yabanı halda bitən çətənə kolları aşkar olunaraq məhv edilib

24.09.2023

Xaçmaz Rayon Polis Şöbəsi  əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Pərdiqıran kəndi ərazisində 2,7 sot sahədən yabanı halda bitən 1,7 tona yaxın  çəkidə 825 ədəd çətənə kolu aşkar olunaraq məhv edilib.  

Yasamal rayonu ərazisində bir nəfərə qarşı quldurluq əməlini törətməkdə şübhəli bilinən Sumqayıt şəhər sakini C.Məmmədov saxlanılıb

23.09.2023

Sentyabrın 17-də səhər saatlarında Yasamal rayonu ərazisində bir nəfərin mənzilində quldurluq yolu ilə 3000 manat pulunun talanması, bank kartından isə 8000 manatının bu əməli törədən şəxsin hesabına köçürülməsi barədə polisə məlumat daxil olub.Yasamal RPİ 28-ci Polis Şöbəsi əməkdaşlarının keçirdikləri əməliyyat tədbiri nəticəsində quldurluq əməlini törətməkdə şübhəli bilinən Sumqayıt şəhər sakini, əvvəllər məhkum olunmuş C.Məmmədov saxlanılıb. Araşdırma aparılır. 

Abşeron rayonu ərazisində yerləşən avtomobil təmiri sexlərinin birində avtomobilin ehtiyat hissələrini oğurlamaqda şübhəli bilinən S.Mustafazadə saxlanılıb

23.09.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Masazır qəsəbəsi ərazisində yerləşən avtomobil təmiri sexlərinin birində “AzSamand” markalı avtomobilin 2500 manat dəyərində ehtiyat hissələrini oğurlamaqda şübhəli bilinən Masallı rayon sakini S.Mustafazadə saxlanılıb. Araşdırma aparılır.

Xaçmaz dəmir yolu stansiyası ərazisindən 135 metr rabitə naqilini oğurlamaqda şübhəli bilinən şəxslər saxlanılıblar

23.09.2023

Sentyabrın 22-də saat 23 radələrində Xaçmaz dəmir yolu stansiyası ərazisindən 135 metr rabitə naqilini oğurlamaqda şübhəli bilinən Xaçmaz rayon sakinləri A.Əliyev və C.Mədətov Nəqliyyatda Baş Polis İdarəsinin əməkdaşları tərəfindən saxlanılıblar. Araşdırma aparılır. 

Sumqayıt şəhər sakini M.Süleymanovdan marixuana götürülüb

23.09.2023

Sumqayıt Şəhər Polis İdarəsi əməkdaşlarının keçirdikləri əməliyyat tədbiri nəticəsində saxlanılan şəhər sakini M.Süleymanovdan 440 qram marixuana aşkar olunaraq götürülüb. Araşdırma aparılır.