Gün ərzində ölkə ərazisində qeydə alınan 34 cinayətin açılması təmin olunub

10.03.2025

Martın 10-da ölkə ərazisində qeydə alınan 29, əvvəlki dövrlərdən bağlı qalan 5 cinayətin açılması polis əməkdaşları tərəfindən təmin olunub.

İtkin düşmüş kimi axtarışı aparılan 13 nəfər tapılaraq aidiyyəti üzrə təhvil verilib

10.03.2025

Martın 10-da polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 13 nəfər tapılaraq aidiyyəti üzrə təhvil verilib.

Dələduzluğa görə axtarışda olan 18 nəfər saxlanılaraq istintaqa təhvil verilib

10.03.2025

Polis əməkdaşlarının martın 10-da keçirdikləri əməliyyat tədbirləri ilə dələduzluğa görə axtarışda olan 18 nəfər saxlanılaraq istintaqa təhvil verilib. 

Ümumi çəkisi 3,9 kiloqramdan artıq narkotik vasitə aşkar olunaraq götürülüb

10.03.2025

Polis əməkdaşlarının keçirdikləri əməliyyat tədbirləri ilə martın 10-da ümumi çəkisi 3,9 kiloqramdan artıq narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.

Qanunsuz saxlanılan odlu silah-sursat aşkar olunaraq götürülüb

10.03.2025

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Martın 10-da polis əməkdaşları paytaxt və respublikanın ayrı-ayrı rayonlarında 7 avtomat silahı, 5 tapança, 2 qumbara, 9 tüfəng, 6 patron darağı və 1410 ədəd müxtəlif çaplı patron aşkar edərək götürüblər.

Gün ərzində ölkə ərazisində qeydə alınan 62 cinayətin açılması təmin olunub

09.03.2025

Martın 9-da ölkə ərazisində qeydə alınan 53, əvvəlki dövrlərdən bağlı qalan 9 cinayətin açılması polis əməkdaşları tərəfindən təmin olunub.

Xətai və Qaradağ rayonlarında oğurluq edənlər saxlanıldı

09.03.2025

Xətai rayonunda yerləşən avtoyuma məntəqələrinin birindən 800 manat pul oğurlanması barədə polisə məlumat daxil olub. Polis əməkdaşlarının keçirdikləri tədbirlərlə əməli törətməkdə şübhəli bilinən 33 yaşlı A.Şükürov müəyyən olunaraq saxlanılıb. Paytaxtın Qaradağ rayonu ərazində isə yarımtikilidən 500 manat dəyərində inşaat materailları oğurlamaqda şübhəli bilinən 25 yaşlı T.İbrahimov polis əməkdaşları tərəfindən saxlanılıb. Hər iki faktla bağlı araşdırma aparılır.

Sumqayıtda iki nəfərdən narkotik vasitə aşkar edildi- polis saxladı

09.03.2025

Sumqayıt şəhəri ərazisində narkotiklərin qanunsuz dövriyyəsi ilə məşğul olan şəxslər barəsində polisə məlumat daxil olub. Sumqayıt ŞPİ 5-ci Polis Bölməsi əməkdaşlarının keçirdikləri tədbirlərlə bu əməldə şübhəli bilinən 28 yaşlı N.Nuriyev və əvvəllər narkotiklə əlaqəli cinayətə görə məhkum olunmuş 25 yaşlı R.Kərimov müəyyən edilərək axlanılıblar. Onlardan 2 kiloqramdan artıq narkotik vasitə olan marixuana aşkar olunaraq götürülüb.

Nəsimi rayonunda quldurluq və oğurluqda şübhəli bilinən şəxslər saxlanılıblar

09.03.2025

Paytaxtın Nəsimi rayonu ərazisində yerləşən evlərdən birinin qarşısında naməlum şəxsin 28 yaşlı bir nəfərə fiziki zor tətbiq etməklə 700 manatını talaması barədə polisə məlumat daxil olub.Nəsimi RPİ 20-ci Polis Şöbəsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən 33 yaşlı A.Zamanov müəyyən olunaraq saxlanılıb.Bundan başqa, rayon ərazisində yerləşən univermaqların birindən 270 manat dəyərində qızıl-zinət əşyası oğurlamaqda şübhəli bilinən 42 yaşlı S.Kərimovanın, həmçinin sağlamlıq mərkəzlərinin birində bir qadının 120 manatını və 500 manat dəyərində qol saatını oğurlamaqda şübhəli bilinən, əvvəllər məhkum olunmuş 42 yaşlı Y.Xəlilovun saxlanılması da təmin edilib.Araşdırmalar aparılır.

İtkin düşmüş kimi axtarışı aparılan 5 nəfər tapılaraq aidiyyəti üzrə təhvil verilib

09.03.2025

Martın 8-də və 9-da polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 5 nəfər tapılaraq aidiyyəti üzrə təhvil verilib.