Nərimanov rayonu ərazisində yerləşən inşaat mağazalarının birindən inşaat materiallarını oğurlamaqda şübhəli bilinən Tovuz rayon sakini A.İsmayılov saxlanılıb

14.01.2024

Nərimanov rayonu ərazisində yerləşən inşaat mağazalarının birindən dəyəri 2500 manatdan çox olan inşaat materiallarının oğurlanması barədə polisə məlumat daxil olub.Nərimanov RPİ 17-ci Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən Tovuz rayon sakini, əvvəllər də oğurluğa görə məhkum olunmuş A.İsmayılov müəyyən olunaraq saxlanılıb.Araşdırma aparılır. 

Gün ərzində ölkə ərazisində qeydə alınan 73 cinayətin açılması təmin olunub

13.01.2024

Yanvarın 13-də ölkə ərazisində qeydə alınan 65, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.

Bir nəfərin bank kartından hesabındakı pulunu oğurlamaqda şübhəli bilinən Bakı şəhər sakini N.Məmmədov saxlanılıb

13.01.2024

Nizami RPİ 24-cü Polis Şöbəsi əməkdaşlarının keçirdikləri tədbirlərlə bir nəfərin bank kartından hesabındakı 620 manat pulunu oğurlamaqda şübhəli bilinən Bakı şəhər sakini, əvvəllər də oğurluğa görə məhkum olunmuş N.Məmmədov müəyyən olunaraq saxlanılıb. Araşdırma aparılır.  

Bakı şəhər sakini N.Məmmədovdan marixuana və elektron tərəzi aşkar olunaraq götürülüb

13.01.2024

Abşeron Rayon Polis İdarəsi əməkdaşlarının keçirdikləri əməliyyat tədbiri ilə Bakı şəhər sakini N.Məmmədov saxlanılıb. Ondan 66 qramdan artıq, “Hyundai” markalı avtomobilinə baxış zamanı isə 844 qrama yaxın marixuana və elektron tərəzi aşkar olunaraq götürülüb.Araşdırma aparılır. 

Binəqədi rayonu ərazisindən bir nəfərin mopedini oğurlamaqda şübhəli bilinən A.Hüseynov müəyyən olunaraq saxlanılıb

13.01.2024

Binəqədi RPİ 5-ci Polis Bölməsi əməkdaşlarının keçirdikləri tədbirlərlə rayon ərazisindən bir nəfərin mopedini oğurlamaqda şübhəli bilinən Bakı şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş A.Hüseynov müəyyən olunaraq saxlanılıb.Araşdırma aparılır. 

Gün ərzində ölkə ərazisində qeydə alınan 91 cinayətin açılması təmin olunub

12.01.2024

Yanvarın 12-də ölkə ərazisində qeydə alınan 82, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

12.01.2024

Yanvarın 12-də polis əməkdaşları paytaxt və respublikanın ayrı-ayrı rayonlarında 6 ədəd müxtəlif markalı tüfəng təhvil götürüblər.

Qanunsuz saxlanılan silah-sursat aşkar edilərək götürülüb

12.01.2024

Yanvarın 12-də polis əməkdaşlarının keçirdikləri əməliyyat tədbirləri ilə qanunsuz saxlanılan 5 ədəd müxtəlif markalı tapança, 5 ədəd tüfəng, 5 patron darağı və 38 ədəd müxtəlif çaplı patron aşkar edilərək götürülüb.

Ümumi çəkisi 19,9 kiloqramdan artıq narkotik vasitə aşkar olunaraq götürülüb

12.01.2024

Polis əməkdaşlarının yanvarın 12-də respublika ərazisində keçirdikləri əməliyyat tədbirləri nəticəsində ümumi çəkisi 19,9 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 10 kiloqramdan çox marixuana, 1 kiloqram 567 qram heroin, 7 kiloqram 163 qram tiryək, 1 kiloqram 173 qram metamfetamin və 1263 ədəd metadon həbi olub. Bu istiqamətdə qətiyyətli mübarizə tədbirləri davam etdirilir. 

Xankəndi şəhəri ərazisində silah-sursat aşkar olunaraq götürülüb

12.01.2024

Polis əməkdaşlarının keçirdikləri tədbirlərlə yanvarın 12-də Xankəndi şəhəri ərazisində 2 ədəd pulemyot, 26 ədəd müxtəlif markalı avtomat silahı, 5 ədəd tapança, 10 ədəd müxtəlif markalı tüfəng, 3482 ədəd müxtəlif çaplı patron, 97 ədəd patron darağı və digər sursatlar aşkar olunaraq götürülüb.