Bakı şəhərində evlərdən oğurluq edən şəxslər saxlanılıb

06.03.2025

Paytaxtın ayrı-ayrı rayonlarında, eləcə də Abşeron rayonunda yerləşən 4 evdən məişət və qızıl-zinət əşyalarının oğurlanması və nəticədə zərərçəkənlərə ümumilikdə 7800 manat maddi zərər vurulması barədə polisə məlumatlar daxil olub.Polis əməkdaşlarının keçirdikləri tədbirlərlə əməlləri törətməkdə şübhəli bilinən 41 yaşlı C.Məmmədov, 50 yaşlı A.Quliyev, əvvəllər məhkum olunmuşlar – 40 yaşlı Q.Cəfərov və 24 yaşlı M.Məmmədquliyevin müəyyən olunaraq saxlanılması təmin edilib.Bundan başqa, Binəqədi rayonu ərazisində yerləşən sexlərin birindən 1994 manat dəyərində təmir alətlərini oğurlamaqda şübhəli bilinən, əvvəllər məhkum olunmuş 25 yaşlı T.Zeynalov və Sabunçu rayonu ərazisində bir nəfərin mopedini oğurlamaqda şübhəli bilinən, əvvəllər dəfələrlə məhkum olunmuş 36 yaşlı A.Nuriyev mopedlə birlikdə saxlanılıb.Araşdırmalar aparılır.

Su polisləri brokonyerlərə və adı “Qırmızı kitab”a düşən çöl quşlarının ovlanmasına qarşı əməliyyatlar keçirib

06.03.2025

Su Nəqliyyatında Polis İdarəsinin əməkdaşları tərəfindən xidməti ərazidə-dövlət qoruqlarında, su hövzələrində qanunsuz balıq, quş ovu və brokonyerliyə qarşı mübarizə davam etdirilir. Xaçmaz rayonunun Müqtədir qəsəbəsində aparılan növbəti nəzarət-profilaktik tədbirlər zamanı Xəzər dənizində qanunsuz balıq ovu ilə məşğul olan Elnur Xəlilov saxlanılıb. Ondan qanunsuz ovladığı 32 ədəd balıq, ov qurğuları və qayıq aşkarlanıb. Araşdırmalar davam etdirilir. Həmçinin Su Nəqliyyatında Polis İdarəsindən bildirilib ki, xüsusi mühafizə olunan ərazilərdə, o cümlədən Xəzər dənizində yerləşən strateji obyektlərin yaxınlığında ov edilməsi qəti qadağandır. Ov qaydalarını kobud şəkildə pozan şəxslər barəsində su polisləri tərəfindən ciddi tədbirlərin görülməsi nəzərdə tutulur.Su polisləri tərəfindən Xəzər dənizinə nəsil artımı üçün buraxılan körpə nərəcinsli balıqların qanunsuz ovlanmasının qarşısını almaq və dənizin dibi ilə çəkilən müxtəlif təyinatlı dəmir boru kəmərlərini, naqilləri oğurlayan şəxslərə qarşı da fasiləsiz mübarizə aparılır.Vətəndaşlardan Xəzər dənizində və su hövzələrində hər hansı bir qanun pozuntusu ilə rastlaşdıqları halda Su Nəqliyyatında Polis İdarəsinin (012) 433-38-12 və (012) 433-38-02 nömrələrinə zəng edərək məlumat vermələri xahiş olunur.

Gün ərzində ölkə ərazisində qeydə alınan 84 cinayətin açılması təmin olunub

05.03.2025

Martın 5-də ölkə ərazisində qeydə alınan 69, əvvəlki dövrlərdən bağlı qalan 15 cinayətin açılması polis əməkdaşları tərəfindən təmin olunub.

Dərman deposundan oğurluq edən şəxs saxlanılıb

05.03.2025

Martın 4-də Xətai rayonu ərazisində yerləşən şirkətlərdən birinin anbarından 612 manatlıq dərman və tonometr aparatının oğurlanması barədə polisə məlumat daxil olub.Polis əməkdaşlarının həyata keçirdikləri tədbirlərlə oğurluq əməlini törətməkdə şübhəli bilinən, həmin anbarın işçisi 34 yaşlı M.Əliyev müəyyən olunaraq saxlanılıb.Nərimanov rayonu ərazisində yerləşən anbardan isə avtomobil diskləri, qapı-pəncərə və 4 ədəd kondisioner talamaqda şübhəli bilinən 34 yaşlı B.İsmayılov da polis əməkdaşları tərəfindən saxlanılıb. Hər iki faktla bağlı araşdırma aparılır.

Polis Binəqədi rayonunda 2 “Kalaşnikov” avtomatı aşkar edib

05.03.2025

Polis əməkdaşları tərəfindən qanunsuz saxlanılan odlu silahların əməliyyat yolu ilə aşkarlanması və könüllü təhvil verilməsi istiqamətində tədbirlər davam etdirilir.Binəqədi RPİ 5-ci Polis Bölməsi əməkdaşlarının keçirdikləri növbəti tədbir nəticəsində rayon ərazisində 2 avtomat silahı və 33 patron tapılaraq götürülüb. Araşdırmalar aparılır.

Ahıl yaşlı qadını aldadıb kartındakı pulu ələ keçirən və dələduzluq edən şəxslər saxlanılıb

05.03.2025

Nəsimi rayonu və Sumqayıt şəhərində 3 nəfərə qarşı dələduzluq edilməsi barədə polisə məlumatlar daxil olub. Həyata keçirilən tədbirlərlə əməlləri törətməkdə şübhəli bilinən 54 yaşlı S.Təhməzov, 48 yaşlı A.Ramazanova və 32 yaşlı C.Cavadov müəyyən olunaraq saxlanılıblar.Bundan başqa, Nəsimi rayonu ərazisində ahıl yaşlı bir qadının etibarından sui-istifadə edərək onun kartından 70 manat oğurlayan 32 yaşlı İ.Abdullayev də saxlanılıb.Araşdırmalar aparılır.

Kirayə qaldığı evlərdən oğurluq etdi - polis saxladı

05.03.2025

Nərimanov rayonu ərazisində yerləşən evlərin birində müvəqqəti yaşayan şəxsin həmin ünvanda kirayəşin qalan 2 nəfərin mobil telefonunu oğurlanması barədə polisə məlumat daxil olub. Nərimanov Rayon Polis İdarəsinin 18-ci Polis Şöbəsinin əməkdaşları tərəfindən həyata keçirilən tədbirlərlə hadisəni törətmiş paytaxt sakini 23 yaşlı Fikrət Ramazanov saxlanılıb.Onun F.X.Xoyski küçəsində yerləşən elektronika və məişət avadanlıqları satılan mağazalar şəbəkəsindən, eləcə də kirayədə yaşadığı daha 3 evdən oğurluq etdiyi də müəyyən olunub.Faktlarla bağlı araşdırma aparılır.

İtkin düşmüş kimi axtarışı aparılan 4 nəfər tapılaraq aidiyyəti üzrə təhvil verilib

05.03.2025

Martın 5-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 4 nəfər tapılaraq aidiyyəti üzrə təhvil verilib.

Dələduzluğa görə axtarışda olan 16 nəfər saxlanılaraq istintaqa təhvil verilib

05.03.2025

Polis əməkdaşlarının martın 5-də keçirdikləri əməliyyat tədbirləri ilə dələduzluğa görə axtarışda olan 16 nəfər saxlanılaraq istintaqa təhvil verilib. 

Ümumi çəkisi 31,5 kiloqramdan artıq narkotik vasitə aşkar olunaraq götürülüb

05.03.2025

Polis əməkdaşlarının keçirdikləri əməliyyat tədbirləri ilə martın 5-də ümumi çəkisi 31,5 kiloqramdan artıq narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.