Mobil telefonlar oğurlamaqda şübhəli bilinən Ş.Sultanov və E.Sadıqov müəyyən olunaraq saxlanılıblar

28.05.2024

Nizami RPİ 25-ci Polis Şöbəsi əməkdaşlarının keçirdikləri tədbirlərlə mayın 25-də rayon ərazisində bir nəfərin mobil telefonunu oğurlamaqda şübhəli bilinən Ş.Sultanov, Nəsimi RPİ 19-cu Polis Şöbəsi əməkdaşlarının keçirdikləri tədbirlərlə mayın 17-də rayon ərazisində yerləşən evlərin birindən mobil telefon oğurlamaqda şübhəli bilinən E.Sadıqov müəyyən olunaraq saxlanılıblar.Hər iki faktla bağlı araşdırma aparılır.

Xətai rayonu ərazisində “Hyundai” markalı avtomobilin təkərlərini oğurlamaqda şübhəli bilinən şəxslər saxlanılıblar

28.05.2024

Mayın 27-nə keçən gecə Xətai rayonu ərazisində “Hyundai” markalı avtomobilin təkərlərinin oğurlanması barədə Xətai RPİ-nin 35-ci Polis Bölməsinə məlumat daxil olub. Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən İ.Babazadə, S.Yusifli və N.Məmmədov qısa müddətdə müəyyən olunaraq saxlanılıblar.Araşdırma aparılır. 

S.Babaxanovdan və F.Məmmədovdan narkotik vasitələr götürülüb

28.05.2024

Suraxanı Rayon Polis İdarəsi əməkdaşlarının keçirdikləri tədbirlərlə S.Babaxanov rayon ərazisində saxlanılıb. Ondan 400 qram marixuana aşkar olunaraq götürülüb. Sumqayıt Şəhər Polis İdarəsi əməkdaşlarının keçirdikləri tədbirlərlə saxlanılan F.Məmmədovdan isə 102 qrama yaxın heroin və 117 qram tiryək götürülüb.Hər iki faktla bağlı araşdırma aparılır.

Sumqayıt şəhəri ərazisində yerləşən kafelərin birindən 2 ədəd noutbuk oğurlamaqda şübhəli bilinən A.Firuqi saxlanılıb

28.05.2024

Sumqayıt ŞPİ 1-ci Polis Bölməsi əməkdaşlarının keçirdikləri tədbirlərlə 11-ci mikrorayon ərazisində yerləşən kafelərin birindən 2 ədəd noutbuk oğurlamaqda şübhəli bilinən, əvvəllər də eyni əmələ görə məhkum olunmuş A.Firuqi saxlanılıb.Araşdırma aparılır.

Sumqayıt şəhəri ərazisində köşklərin birindən 1000 manat dəyərində tütün məmulatı və içki oğurlamaqda şübhəli bilinən V.Piriyev saxlanılıb

28.05.2024

Sumqayıt ŞPİ 4-cü Polis Bölməsi əməkdaşlarının keçirdikləri tədbirlərlə 1-ci mikrorayon ərazisində köşklərin birindən 1000 manat dəyərində tütün məmulatı və içki oğurlamaqda şübhəli bilinən, əvvəllər də eyni əmələ görə məhkum olunmuş V.Piriyev saxlanılıb. Araşdırma aparılır. 

Mayın 27-də və 28-də ümumi çəkisi 8,2 kiloqrama yaxın narkotik vasitə, 121 ədəd metadon həbi və 533 ədəd çətənə kolu aşkar olunaraq götürülüb

28.05.2024

Polis əməkdaşlarının keçirdikləri əməliyyat tədbirləri ilə mayın 27-də və 28-də ümumi çəkisi 8,2 kiloqrama yaxın narkotik vasitə, həmçinin 121 ədəd metadon həbi və kultivasiya yolu ilə yetişdirilmiş 533 ədəd çətənə kolu aşkar olunaraq götürülüb. Qanunsuz dövriyyədən çıxarılan narkotik vasitələr – 1,4 kiloqrama yaxın heroin, 1,2 kiloqrama yaxın marixuana, 5 kiloqram tiryək, 600 qram həşiş olub.  Bu istiqamətdə qətiyyətli mübarizə tədbirləri davam etdirilir. 

Gün ərzində ölkə ərazisində qeydə alınan 73 cinayətin açılması təmin olunub

27.05.2024

Mayın 27-də ölkə ərazisində qeydə alınan 47, əvvəlki dövrlərdən bağlı qalan 26 cinayətin açılması polis əməkdaşları tərəfindən təmin olunub.

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

27.05.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Mayın 27-də polis əməkdaşları paytaxt və respublikanın ayrı-ayrı rayonlarında 2 avtomat silahı, 3 qumbara, 3 alışdırıcı, 5 tüfəng və 26 ədəd müxtəlif çaplı patron təhvil götürüblər. 

Dələduzluğa görə axtarışda olan 8 nəfər şəxs saxlanılaraq istintaqa təhvil verilib

27.05.2024

Polis əməkdaşlarının mayın 27-də keçirdikləri əməliyyat tədbirləri ilə dələduzluğa görə axtarışda olan 8 nəfər şəxs saxlanılaraq istintaqa təhvil verilib. 

Nərimanovda əməliyyatlar zamanı 10 kiloqram narkotik vasitə, 1 “Kalaşnikov” və 62 ədəd soyuq silah aşkarlanıb

27.05.2024

Nərimanov Rayon Polis İdarəsinin və ərazi polis şöbələrinin may ayının əvvəlindən keçirdikləri əməliyyatlarla narkotik vasitələrin qanunsuz dövriyyəsi ilə məşğul olan 21 nəfər saxlanılıb. Qanunsuz dövriyyədən 10 kiloqram müxtəlif növ narkotik vasitə çıxarılıb. Saxlanılanlardan Vüqar Dadaşlı, Tehran İsmayılov və Əhməd Aslanov paytaxt ərazisində narkotiklərin satışını təşkil ediblər.Saxlanılanlar barəsində cinayət işləri başlanılıb.Tədbir zamanı üzərində qanunsuz olaraq odlu silah gəzdirən əvvəllər məhkum olunmuş Elbrus Hümbətovdan 1 ədəd “Kalaşnikov” avtomatı, 7 ədəd patron və 1 ədəd daraq aşkarlanıb. Əməliyyatlar zamanı talama cinayətləri törətdiyinə görə 5, Cinayət Məcəlləsinin müxtəlif maddələri ilə axtarışda olan 15 nəfər tutulub. Nərimanov rayonu ərazisində müxtəlif təyinatlı kəsici-deşici alətlərin gəzdirilməsinin ictimai təhlükəsizliyə aşkar təhdid yaratması nəzərə alınaraq onların satışının qarşısının alınması istiqamətində də silsilə tədbirlər görülüb. Nəticədə soyuq silah hesab olunan alətlərin satışı ilə məşğul olan 2 nəfər saxlanılaraq barələrində qanunamüvafiq tədbirlər görülüb. Onlardan 62 ədəd xəsarət yetirmə təyinatlı alətlər götürülüb.