Nəsimi rayonu ərazisindən moped oğurlamaqda şübhəli bilinən M.Rəcəbov və M.Nuriyev saxlanılıblar

26.05.2024

Nəsimi RPİ 19-cu Polis Şöbəsi əməkdaşlarının keçirdikləri tədbirlərlə mayın 24-də rayon ərazisindən moped oğurlamaqda şübhəli bilinən M.Rəcəbov və M.Nuriyev müəyyən olunaraq saxlanılıblar.Araşdırma aparılır.  

Narkotik vasitənin təsiri altında avtobus idarə edən şəxs sürücülük hüququndan məhrum edilməklə inzibati qaydada həbs edilib 

26.05.2024

Mayın 23-də saat 18 radələrində Abşeron rayonu ərazisində yerləşən postda manevr qaydasını pozan “Daewoo” markalı avtobusun sürücüsü Baş Dövlət Yol Polisi İdarəsinin əməkdaşları tərəfindən saxlanılıb. Sürücü M.Nəbiyevin narkotik vasitənin təsiri altında olması müəyyən olunduğundan polis əməkdaşları tərəfindən onun barəsində protokol tərtib edilərək məhkəməyə göndərilib.Məhkəməsinin qərarı ilə M.Nəbiyev 2 il müddətinə sürücülük hüququndan məhrum edilməklə 30 gün müddətinə inzibati qaydada həbs olunub.

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

26.05.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Mayın 25-də və 26-da polis əməkdaşları paytaxt və respublikanın ayrı-ayrı rayonlarında 1 avtomat silahı, 1 tüfəng, 1 patron darağı və 30 ədəd müxtəlif çaplı patron təhvil götürüblər. 

Qanunsuz saxlanılan odlu silah-sursat aşkar edilərək götürülüb

26.05.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. Mayın 25-də və 26-da polis əməkdaşlarının keçirdikləri əməliyyat tədbirləri ilə qanunsuz saxlanılan 1 tapança, 4 tüfəng, 1 patron darağı və 8 ədəd patron aşkar edilərək götürülüb. 

Mayın 25-də və 26-da ümumi çəkisi 14 kiloqrama yaxın narkotik vasitə götürülüb

26.05.2024

Polis əməkdaşlarının keçirdikləri əməliyyat tədbirləri ilə mayın 25-də və 26-da ümumi çəkisi 14 kiloqrama yaxın narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Mayın 25-də və 26-da dələduzluğa görə axtarışda olan 10 şəxs saxlanılaraq istintaqa təhvil verilib

26.05.2024

Polis əməkdaşlarının mayın 25-də və 26-da keçirdikləri əməliyyat tədbirləri ilə dələduzluğa görə axtarışda olan 10 nəfər şəxs saxlanılaraq istintaqa təhvil verilib. 

Gün ərzində ölkə ərazisində qeydə alınan 45 cinayətin açılması təmin olunub

25.05.2024

Binəqədi rayonunun M.Ə.Rəsulzadə qəsəbəsində evlərin birindən 2500 manat dəyərində qızıl-zinət əşyalarının oğurlamaqda şübhəli bilinən N.Qasımov saxlanılıb

25.05.2024

Mayın 22-də Binəqədi rayonunun M.Ə.Rəsulzadə qəsəbəsində evlərin birindən 2500 manat dəyərində qızıl-zinət əşyalarının oğurlanması barədə 4-cü Polis Şöbəsinə məlumat daxil olub.Polis əməkdaşlarının keçirdikləri tədbirlərlə oğurluq əməlində şübhəli bilinən əvvəllər məhkum olunmuş N.Qasımov idarə etdiyi “Mercedes” markalı avtomobillə birgə saxlanılıb. N.Qasımov Polis Şöbəsində ərizəsində mayın 24-də onun avtomobilindən 840 manat pulunun oğurlamasını bildirib.Görülmüş tədbirlərlə bu əməli törətməkdə şübhəli bilinən qadın da müəyyən edilərək polis əməkdaşları tərəfindən saxlanılıb. Araşdırma aparılır. 

Gəncə şəhəri ərazisində evlərin birindən 1200 manat dəyərində məişət əşyaları oğurlamaqda şübhəli bilinən Ş.Hüseynov saxlanılıb

25.05.2024

Gəncə ŞBPİ 2-ci Polis Şöbəsi əməkdaşlarının keçirdikləri tədbirlərlə şəhər ərazisində evlərin birindən 1200 manat dəyərində məişət əşyaları oğurlamaqda şübhəli bilinən əvvəllər məhkum olunmuş Ş.Hüseynov saxlanılıb.Araşdırma aparlır.  

Polis avtomobil qaçıranları təqib edərək saxladı - Anbaan video

25.05.2024

Xəzər rayonu Binə qəsəbəsində paytaxt sakini olan bir nəfərə məxsus “Chevrolet” markalı avtomobil qaçırılıb. Polisin keçirdiyi tədbirlərlə avtomobilin paytaxt ərazisində idarə olunduğu və hərəkət trayektoriyası müəyyən edilib. Təqib olunan avtomobil polislərdən yayınmağa çalışsa da, hadisəni törədən Bakı şəhər sakini əvvəllər narkotiklərlə əlaqəli cinayətlərə görə məhkum olunmuş 2001-ci il təvəlüldlü Namiq İsmayilov və həmin vaxt yanında olan daha bir qadın saxlanılıb. N.İsmayılovdan narkotik vasitə olan heroin də aşkarlanıb.Faktla bağlı Xəzər Rayon Polis İdarəsinin 3-cü Polis Şöbəsində araşdırmalar aparılır.