Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

29.05.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Mayın 29-da polis əməkdaşları paytaxt və respublikanın ayrı-ayrı rayonlarında 1 avtomat silahı, 1 tüfəng və 1 patron darağı təhvil götürüblər. Keçirilən əməliyyat tədbirləri ilə qanunsuz saxlanılan 2 tüfəng aşkar edilərək götürülüb.

Mayın 29-da ümumi çəkisi 15,7 kiloqrama yaxın narkotik vasitə aşkar olunaraq götürülüb

29.05.2024

Polis əməkdaşlarının keçirdikləri əməliyyat tədbirləri ilə mayın 29-da ümumi çəkisi 15,7 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 9,7 kiloqrama yaxın marixuana və 6 kiloqrama yaxın metamfetamin olub.  Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 5 nəfər şəxs saxlanılaraq istintaqa təhvil verilib

29.05.2024

Polis əməkdaşlarının mayın 29-da keçirdikləri əməliyyat tədbirləri ilə dələduzluğa görə axtarışda olan 5 nəfər şəxs saxlanılaraq istintaqa təhvil verilib. 

Bakıda 43 ədəd kanalizasiya quyusunun dəmir barmaqlıqlarını oğurlayan şəxs saxlanılıb

29.05.2024

Səbail rayonu ərazisində Bulvar İdarəsinə məxsus 43 ədəd kanalizasiya quyusunun dəmir barmaqlıqlarının oğurlanması barədə polisə məlumat daxil olub. Səbail Rayon Polis İdarəsinin əməkdaşlarının həyata keçirdikləri tədbirlərlə hadisəni törətmiş 1985-ci il təvəllüdlü Əfqan Əhmədov saxlanılıb. Ondan oğurladığı dəmir barmaqlıqların bir hissəsi aşkarlanaraq götürülüb. Araşdırmalar aparılır.

Gün ərzində ölkə ərazisində qeydə alınan 66 cinayətin açılması təmin olunub

28.05.2024

Mayın 28-də ölkə ərazisində qeydə alınan 63, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.

Xırdalan şəhəri ərazisində “BMW” markalı avtomobildən 4 ədəd yaddaş kartını oğurlamaqda şübhəli bilinən S.Ağaquliyev saxlanılıb

28.05.2024

Mayın 28-nə keçən gecə Xırdalan şəhəri ərazisində “BMW” markalı avtomobildən 4 ədəd yaddaş kartının oğurlanması barədə polisə məlumat daxil olub.Abşeron Rayon Polis İdarəsi əməkdaşlarının keçirdikləri tədbirlərlə oğurluq əməlində şübhəli bilinən S.Ağaquliyev saxlanılıb.Onun həmin gecə Xırdalan şəhəri ərazisində “Hyundai”, “Chevrolet”, “Volkswagen”, “Kia” markalı 4 avtomobilin şüşələrini və bir ofisin giriş qapısını sındırması müəyyən olunub.Araşdırma aparılır.

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

28.05.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Mayın 28-də polis əməkdaşları paytaxt və respublikanın ayrı-ayrı rayonlarında 1 avtomat silahı, 1 patron darağı və 25 ədəd müxtəlif çaplı patron təhvil götürüblər. 

Dələduzluğa görə axtarışda olan 8 nəfər şəxs saxlanılaraq istintaqa təhvil verilib

28.05.2024

Polis əməkdaşlarının mayın 28-də keçirdikləri əməliyyat tədbirləri ilə dələduzluğa görə axtarışda olan 8 nəfər şəxs saxlanılaraq istintaqa təhvil verilib. 

Mayın 27-də və 28-də polis itkin düşmüş kimi axtarışda olan 5 nəfəri tapıb 

28.05.2024

Daxil olmuş müraciətlər əsasında polis əməkdaşlarının keçirdikləri tədbirlərlə mayın 22-də Yevlax rayonu ərazisində itkin düşmüş kimi axtarışda olan 13 yaşlı qız, mayın 24-də Xəzər rayonunun Binə qəsəbəsində itkin düşmüş kimi axtarışda olan 13 yaşlı qız, Suraxanı rayonu Yeni Ramana qəsəbəsində itkin düşmüş kimi axtarışda olan 14 yaşlı qız, mayın 26-da Nizami rayonu ərazisində itkin düşmüş kimi axtarışda olan 15 yaşlı oğlan və Binəqədi rayonu ərazisində itkin düşmüş kimi axtarışda olan 18 yaşlı oğlan tapılaraq aidiyyəti üzrə təhvil veriliblər. 

Bakı şəhər sakini olan bir şəxsin bank kartından 914 manatını oğurlamaqda şübhəli bilinən T.Namazlı saxlanılıb

28.05.2024

Mayın 23-də Bakı şəhər sakini olan bir şəxsin bank kartından 914 manatının oğurlanması barədə Nizami RPİ-nin 24-cü Polis Şöbəsinə məlumat daxil olub. Polis əməkdaşlarının keçirdikləri tədbirlərlə oğurluq əməlində şübhəli bilinən T.Namazlı müəyyən olunaraq saxlanılıb.Araşdırma aparılır.