Paytaxtda oğurluq edənlər saxlanıldı

29.08.2025

Nəsimi rayonunda ayrı-ayrı vətəndaşlara məxsus iki ədəd velosiped oğurlanıb. Bu barədə zərərçəkən şəxslər polisə məlumat veriblər.Nəsimi RPİ-nin 20-ci Polis Şöbəsinin əməkdaşları tərəfindən keçirilən əməliyyat-axtarış tədbirləri ilə əməlləri törətməkdə şübhəli bilinən, əvvəllər məhkum olunmuşlar – 27 yaşlı A.Abdullayev və 37 yaşlı R.Şirinov saxlanılıblar.İdarənin 22-ci Polis Şöbəsinin əməkdaşları tərəfindən keçirilən tədbir zamanı isə paytaxt sakininin 2350 manat pulunu oğurlamaqda şübhəli bilinən 38 yaşlı S.Hüseynov da tutulub.Faktlarla bağlı araşdırmalar aparılır.

Yasamalda moped oğurlayan şəxslər saxlanıldı

29.08.2025

Paytaxtın Yasamal rayonunda talama cinayətləri qeydə alınıb. Naməlum şəxslər vətəndaşlara məxsus moped və mobil telefonları oğurlayıblar.Yasamal RPİ-nin 29-cu Polis Şöbəsinin əməkdaşları tərəfindən keçirilən tədbirlərlə qeyd edilən əməlləri törətməkdə şübhəli bilinən, əvvəllər məhkum olunmuşlar – 29 yaşlı H.Eminov və 26 yaşlı Ə.Abbasov saxlanılıblar.Faktlarla bağlı araşdırmalar aparılır.

Bakıda pul, qızıl və kompüter avadanlıqları oğurlayan şəxslər saxlanıldı

29.08.2025

Paytaxt ərazisində talama cinayətləri qeydə alınıb. Binəqədi rayonunda yerləşən taksi şirkətlərinin birinin xidməti otağından 1460 manat, Nərimanov və Sabunçu rayonlarında isə ayrı-ayrı vətəndaşlara məxsus 2702 manat dəyərində nağd pul, qızıl-zinət əşyaları və kompüter avadanlıqları oğurlanıb. Bu barədə zərərçəkənlər polisə müraciət ediblər.Polis əməkdaşları tərəfindən keçirilən əməliyyat-axtarış tədbirləri ilə cinayət əməllərini törətməkdə şübhəli bilinən 55 yaşlı N.Nəsirov, əvvəllər məhkum olunmuşlar - 40 yaşlı R.Abbasov və 35 yaşlı Ə.Məmmədov saxlanılıblar.Faktlarla bağlı araşdırmalar aparılır.

İtkin düşmüş kimi axtarışı aparılan 8 nəfər tapılaraq aidiyyəti üzrə təhvil verilib

29.08.2025

Avqustun 29-da polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 8 nəfər tapılaraq aidiyyəti üzrə təhvil verilib.

Dələduzluğa görə axtarışda olan 10 nəfər saxlanılaraq istintaqa təhvil verilib

29.08.2025

Polis əməkdaşlarının avqustun 29-da keçirdikləri əməliyyat tədbirləri ilə dələduzluğa görə axtarışda olan 10 nəfər saxlanılaraq istintaqa təhvil verilib. 

Ümumi çəkisi 17,5 kiloqramdan artıq narkotik vasitə və 210 psixotrop tərkibli həb aşkar olunaraq götürülüb

29.08.2025

Polis əməkdaşlarının keçirdikləri əməliyyat tədbirləri ilə avqustun 29-da ümumi çəkisi 17,5 kiloqramdan artıq narkotik vasitə və 210 psixotrop tərkibli həb aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.

Qanunsuz saxlanılan odlu silah-sursat aşkar olunaraq götürülüb

29.08.2025

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Avqustun 29-da polis əməkdaşları paytaxt və respublikanın ayrı-ayrı rayonlarında 1 tapança, 4 qumbara, 3 tüfəng, 65 patron darağı və 2187 ədəd müxtəlif çaplı patron aşkar edərək götürüblər.

Gün ərzində ölkə ərazisində qeydə alınan 52 cinayətin açılması təmin olunub

28.08.2025

Bakıda oğurluqlar edən şəxslər saxlanıldı

28.08.2025

Paytaxtın Xətai, Nərimanov və Səbail rayonlarında talama cinayətləri qeydə alınıb. Naməlum şəxslər ayrı-ayrı vətəndaşlara məxsus mobil telefon, motosiklet və marketlərin birindən 2400 manat dəyərində lotereya biletləri oğurlayıblar.Polis əməkdaşları tərəfindən keçirilən əməliyyat-axtarış tədbirləri ilə cinayət əməllərini törətməkdə şübhəli bilinən 33 yaşlı İ.Alxasov, əvvəllər məhkum olunmuşlar - 37 yaşlı R.Piriyev və 32 yaşlı T.Maksimov saxlanılıblar.Faktlarla bağlı araşdırmalar aparılır.

Polis Bakıda daha 2 narkokuryeri saxladı

28.08.2025

Polis əməkdaşları tərəfindən paytaxt ərazisində narkotik vasitələrin qanunsuz dövriyyəsi və satışına qarşı növbəti əməliyyatlar keçirilib. Tədbirlər zamanı 20 yaşlı H.Əliyev Nəsimi, 45 yaşlı V.Mirzəyev isə Sabunçu rayonu ərazisində saxlanılıblar. Onlardan 2 kiloqramdan artıq marixuana, heroin və psixotrop maddə metamfetamin aşkarlanıb.Saxlanılan şəxslərin daxil olduqları narkoşəbəkənin digər üzvlərinin də müəyyənləşdirilərək məsuliyyətə cəlb olunmaları istiqamətində araşdırmalar davam etdirilir.