Astara rayonunda iki nəfər heroin satarkən polis əməkdaşları tərəfindən saxlanılmışlar
25.01.2020Astara RPŞ əməkdaşlarının əldə edilmiş məlumat əsasında keçirdikləri əməliyyat tədbiri nəticəsində Şahağacı kənd sakini O.Quliyev heroin satarkən saxlanılmışdır. Şəxsi axtarış zamanı üzərindən əlavə olaraq narkotik vasitə olan heroin aşkar edilərək götürülmüşdür.
Davam etdirilən tədbirlərlə narkotik vasitənin ona həmkəndlisi, əvvəllər məhkum olunmuş E.Mikayılov tərəfindən satılması müəyyən edilmişdir.
E.Mikayılov da heroin satarkən polis əməkdaşları tərəfindən saxlanılmışdır. Şəxsi axtarış zamanı üzərindən heroin, evindən isə 6 kiloqram 40 qram tiryək, 70 qramdan artıq metamfetamin və 1 ədəd elektron tərəzi aşkar edilərək götürülmüşdür.
Çap et