Qanunsuz saxlanılan odlu silah-sursat aşkar edilərək götürülüb

21.08.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. Avqustun 21-də polis əməkdaşlarının keçirdikləri əməliyyat tədbirləri ilə qanunsuz saxlanılan 1 tapança, 5 tüfəng və 1 ədəd patron darağı aşkar edilərək götürülüb. 

Ümumi çəkisi 7,6 kiloqrama yaxın narkotik vasitə, həmçinin 1669 ədəd metadon həbi aşkar olunaraq götürülüb

21.08.2024

Polis əməkdaşlarının keçirdikləri əməliyyat tədbirləri ilə avqustun 21-də ümumi çəkisi 7,6 kiloqrama yaxın narkotik vasitə, həmçinin 1669 ədəd metadon həbi aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 8 nəfər saxlanılaraq istintaqa təhvil verilib

21.08.2024

Polis əməkdaşlarının avqustun 21-də keçirdikləri əməliyyat tədbirləri ilə dələduzluğa görə axtarışda olan 8 nəfər saxlanılaraq istintaqa təhvil verilib. 

İtkin düşmüş kimi axtarışda olan 8 nəfər tapılaraq aidiyyəti üzrə təhvil verilib

21.08.2024

Avqustun 21-də polis əməkdaşlarının keçirdikləri tədbirlərlə itkin düşmüş kimi axtarışda olan 8 nəfər tapılaraq aidiyyəti üzrə təhvil verilib. 

“Toyota” markalı avtomobili qaçırmaqda şübhəli bilinən H.Həsənov avtomobillə birgə saxlanılıb

21.08.2024

Avqustun 21-də saat 08 radələrində Salyan şossesi 27-nin qarşısında “Toyota” markalı avtomobilin qaçırılması barədə polisə məlumat daxil olub. Polis əməkdaşları tərəfindən keçirilən tədbirlərlə nəqliyyat vasitəsini qaçırmaqda şübhəli bilinən H.Həsənov Neftçilər prospektində avtomobillə birgə saxlanılıb. Araşdırma aparılır. 

Novxanı qəsəbəsi ərazisindəki çimərliklərin birində mobil telefon oğurlamaqda şübhəli bilinən O.Hüseynli saxlanılıb

21.08.2024

Novxanı qəsəbəsi ərazisindəki çimərliklərin birindən 800 manat dəyərində mobil telefonun oğurlanması barədə polisə məlumat daxil olub. Binəqədi RPİ 43-cü Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən O.Hüseynli müəyyən olunaraq saxlanılıb. Araşdırma aparılır.

Səbail rayonu ərazisində oğurluq əməlini törətməkdə şübhəli bilinən İ.Əliyev saxlanılıb

21.08.2024

Səbail RPİ-nin 41-ci Polis Bölməsinə 680 manat dəyərində geyim əşyaları, həmçinin 2 ədəd mobil telefonun oğurlanması barədə məlumat daxil olub. Polis əməkdaşları tərəfindən keçirilən tədbirlərlə oğurluq əməlini törətməkdə şübhəli bilinən İ.Əliyev müəyyən olunaraq saxlanılıb. Araşdırma aparılır. 

Sabunçu rayonu ərazisində oğurluq əməlini törətməkdə şübhəli bilinən qadın saxlanılıb

21.08.2024

Sabunçu rayonu ərazisindən bir nəfərin aldadılaraq hesabından 2000 manatının çıxarılması barədə polisə məlumat daxil olub. Sabunçu RPİ 13-cü Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən qadın müəyyən olunaraq saxlanılıb. Araşdırma aparılır. 

Nizami rayonu C.Naxçıvanski küçəsindən moped oğurlayan A.Əliyev mopedlə birgə saxlanılıb

21.08.2024

Avqustun 21-də Nizami rayonu C.Naxçıvanski küçəsində 1500 manat dəyərində moped oğurlanması barədə polisə məlumat daxil olub. Nizami RPİ 24-cü Polis Şöbəsi əməkdaşlarının keçirdikləri tədbirlərlə hadisəni törətmiş A.Əliyev mopedlə birgə saxlanılıb. Araşdırmalarla A.Əliyev başqa bir şəxsə məxsus 1200 manat dəyərində daha bir moped oğurlaması da müəyyən olunub.Faktlarla bağlı araşdırmalar aparılır. 

Laçın rayonunun Güləbird kəndi ərazisində yabanı halda bitmiş çətənə kolları aşkarlanaraq məhv edilib

21.08.2024

Laçın Rayon Polis Şöbəsi əməkdaşlarının keçirdikləri tədbirlərlə Güləbird kəndi ərazisində yabanı halda bitmiş 1,2 ton çəkidə çətənə kolu aşkarlanaraq məhv edilib.