Qobu qəsəbəsində saxlanılan şəxsdən 2 kiloqram narkotik vasitə aşkarlanıb

21.08.2024

Abşeron Rayon Polis İdarəsinin Qobu Polis Bölməsinin əməkdaşları tərəfindən narkotik vasitələrin qanunsuz dövriyyəsinin qarşısının alınması məqsədi ilə növbəti əməliyyat həyata keçirilib. Bölməyə 1980-cı il təvəllüdlü Sergey Koçetkovun Qobu qəsəbəsində narkotik vasitələrin qanunsuz dövriyyəsini həyata keçirdiyi barədə məlumat daxil olub. Həmin şəxs saxlanılan zaman ondan 2 kiloqram narkotik vasitə heroin və psixotrop maddə metamfetamin aşkarlanaraq götürülüb. S.Koçetkov ifadəsində narkotikləri sosial şəbəkələrdə tanış olduğu şəxsiyyəti istintaqla araşdırılan İran vətəndaşının vasitəsi ilə satmaq niyyəti ilə əldə etdiyini bildirib. Araşdırmalar davam etdirilir.

Gün ərzində ölkə ərazisində qeydə alınan 52 cinayətin açılması təmin olunub

20.08.2024

Avqustun 20-də ölkə ərazisində qeydə alınan 49, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

20.08.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Avqustun 20-də polis əməkdaşları paytaxt və respublikanın ayrı-ayrı rayonlarında 5 tüfəng təhvil götürüblər. 

Ümumi çəkisi 8,5 kiloqrama yaxın narkotik vasitə və 63 ədəd çətənə kolu aşkar olunaraq götürülüb

20.08.2024

Polis əməkdaşlarının keçirdikləri əməliyyat tədbirləri ilə avqustun 20-də ümumi çəkisi 8,5 kiloqrama yaxın narkotik vasitə və 63 ədəd çətənə kolu aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.

Dələduzluğa görə axtarışda olan 10 nəfər saxlanılaraq istintaqa təhvil verilib

20.08.2024

Polis əməkdaşlarının avqustun 20-də keçirdikləri əməliyyat tədbirləri ilə dələduzluğa görə axtarışda olan 10 nəfər saxlanılaraq istintaqa təhvil verilib.

İtkin düşmüş kimi axtarışda olan 5 nəfər tapılaraq aidiyyəti üzrə təhvil verilib

20.08.2024

Avqustun 20-də  polis əməkdaşlarının keçirdikləri tədbirlərlə itkin düşmüş kimi axtarışda olan 5 nəfər tapılaraq aidiyyəti üzrə təhvil verilib. 

Paytaxt sakini olan bir qadına məxsus avtomobili qaçıran N.Qasımov saxlanılıb

20.08.2024

Avqustun 19-u saat 14 radələrində Novxanı bağları sahəsinin ərazisində yerləşən istirahət mərkəzinin qarşısından paytaxt sakini olan bir qadına məxsus “Hyundai” markalı avtomobil qaçırılıb. Hadisəni törətmiş həmin obyektdə çalışan Natiq Qasımov Binəqədi RPİ-nin 43-cü Polis Bölməsinin əməkdaşları tərəfindən saxlanılıb.Araşdırmalar davam etdirilir.

Səbail rayonu ərazisində iki avtomobildən pul oğurlamaqda şübhəli bilinən Bakı şəhər sakini X.Eyyubov saxlanılıb

20.08.2024

Səbail rayonu ərazisində iki avtomobildən ümumilikdə 900 manat oğurlanması barədə polisə məlumat daxil olub. Hadisəni törətməkdə şübhəli bilinən Bakı şəhər sakini əvvəllər məhkum olunmuş Xudayar Eyyubov Səbail Rayon Polis İdarəsinin 41-ci Polis Bölməsinin əməkdaşları tərəfindən saxlanılıb.

Xırdalan şəhərində yerləşən marketlərdən birində quraşdırılmış ödəmə terminalını sındıraraq 550 manat oğurlayan X.Xubalıyev saxlanılıb

20.08.2024

Avqustun 19-u saat 17 radələrində Xırdalan şəhərində yerləşən marketlərin birində quraşdırılmış ödəmə terminalının sındırılaraq 550 manat oğurlanması barədə polisə məlumat daxil olub. Abşeron Rayon Polis İdarəsinin əməkdaşları tərəfindən həyata keçirilən tədbirlər nəticəsində hadisəni törətmiş marketi təmir edən usta Xalid Xubalıyev saxlanılıb.

Bakı şəhərində kiberdələduzluq cinayətlərini törədən Ü.Qasımov və A.Əhmədov saxlanılıblar

20.08.2024

Bakı şəhərində kiberdələduzluq faktı qeydə alınıb. Paytaxt sakini olan 3 şəxs aldadılaraq bank hesabları və kartlarından 1500 manata yaxın maddi vəsait oğurlanıb. Polis əməkdaşlarının keçirdikləri tədbirlərlə cinayət əməllərini törətmiş şəxslər Ü.Qasımov və A.Əhmədov müəyyən olunaraq saxlanılıblar. Araşdırmalar davam etdirilir.