Bir nəfərin bank kartından 2000 manatını oğurlamaqda şübhəli bilinən K.Əlizadə saxlanılıb

12.09.2024

Nərimanov RPİ 16-cı Polis Şöbəsi əməkdaşlarının keçirdikləri tədbirlərlə bir nəfərin  bank kartından 2000 manatını oğurlamaqda şübhəli bilinən 22 yaşlı K.Əlizadə müəyyən olunaraq saxlanılıb.   Araşdırma aparılır. 

Paytaxtın Binəqədi rayonu ərazisində şübhəli şəxs qismində saxlanılan M.Namazovdan metamfetamin, avtomobilindən isə odlu silah aşkar olunaraq götürülüb

12.09.2024

Paytaxtın Binəqədi rayonu ərazisində polis əməkdaşlarının keçirdikləri əməliyyat tədbiri ilə əvvəllər narkotiklərlə əlaqəli cinayətə görə məhkum olunmuş M.Namazov şübhəli şəxs qismində saxlanılıb. Ondan metamfetamin aşkar olunub. Onun “Mercedes” markalı avtomobilinə baxış zamanı oradan nömrəsi silinmiş “Makarov” markalı tapança və 7 ədəd patron da aşkar olunaraq götürülüb.Araşdırma aparılır. 

Türkan qəsəbəsi ərazisində müxtəlif vaxtlarda iki həyətdən və bir fermadan mal-qara oğurlamaqda şübhəli bilinən 53 yaşlı E.İsmayılov saxlanılıb

12.09.2024

Türkan qəsəbəsi ərazisində müxtəlif vaxtlarda iki həyətdən və bir fermadan ümumilikdə 75 baş qoyun və 30 baş keçinin oğurlanması barədə polisə məlumatlar daxil olub.  Xəzər RPİ 1-ci Polis Şöbəsi əməkdaşlarının keçirdikləri tədbirlərlə oğurluq əməllərini törətməkdə şübhəli bilinən 53 yaşlı E.İsmayılov müəyyən olunaraq saxlanılıb.Araşdırma aparılır. 

Yasamal rayonu ərazisində yerləşən bir obyektdən 11 ədəd noutbuk oğurlamaqda şübhəli bilinən R.İbişov müəyyən olunaraq saxlanılıb

12.09.2024

Sentyabrın 11-də Yasamal rayonu ərazisində yerləşən bir obyektdən 11 ədəd noutbukun oğurlanması barədə polisə məlumat daxil olub.  Yasamal RPİ 28-ci Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 22 yaşlı R.İbişov müəyyən olunaraq saxlanılıb.Araşdırma aparılır. 

Nəsimi rayonu ərazisində bir nəfərin mobil telefonunu oğurlamaqda şübhəli bilinən T.Abdulhəsənov saxlanılıb

12.09.2024

Nəsimi RPİ 19-cu Polis Şöbəsi əməkdaşlarının keçirdikləri tədbirlərlə rayon ərazisində bir nəfərin 2700 manat dəyərində mobil telefonunu oğurlamaqda şübhəli bilinən T.Abdulhəsənov saxlanılıb.Araşdırma aparılır. 

Nəsimi rayonu ərazisində avtomobillərdən oğurluq etməkdə şübhəli bilinən iki şəxs müəyyən olunaraq saxlanılıb

12.09.2024

Nəsimi rayonu ərazisində yerləşən avtoyuma məntəqəsində “BMW” markalı avtomobildən hesabında 1500 manat olan 3 ədəd bonus kartının oğurlanması və həmin bonuslar istifadə olunmaqla mobil telefon alınması barədə polisə məlumat daxil olub. Nəsimi RPİ 19-cu Polis Şöbəsi əməkdaşlarının keçirdikləri tədbirlərlə bu əməli törətməkdə şübhəli bilinən 30 yaşlı V.Qurbanov müəyyən olunaraq saxlanılıb. Ondan metamfetamin aşkar olunaraq götürülüb.19-cu Polis Şöbəsi əməkdaşlarının keçirdikləri digər əməliyyat tədbiri ilə sentyabrın 7-də “Honda” markalı avtomobildən içərisində pul, sənədlər və bank kartları olan pulqabını oğurlamaqda və həmin kartdan alış-veriş etməkdə şübhəli bilinən 20 yaşlı qadın müəyyən olunaraq saxlanılıb. Faktlarla bağlı araşdırma aparılır. 

Xızı rayon sakinini aldadaraq 3300 manatını almaqda şübhəli bilinən qadın müəyyən olunaraq saxlanılıb

12.09.2024

Xızı rayon sakini aldadılaraq 3300 manatının alınması ilə bağlı polisə mçüraciət edib. Yasamal RPİ 29-cu Polis Şöbəsi əməkdaşlarının keçirdikləri tədbirlərlə dələduzluq əməlində şübhəli bilinən qadın müəyyən olunaraq saxlanılıb. Araşdırma aparılır.

Xaçmaz rayonunun Bostançı kəndi ərazisində yabanı halda bitmiş çətənə kolları aşkar olunaraq məhv edilib

12.09.2024

Xaçmaz Rayon Polis Şöbəsinin əməkdaşları tərəfindən Bostançı kəndi ərazisində yabanı halda bitmiş 1,5 ton çəkidə 566 ədəd çətənə kolu aşkar olunaraq məhv edilib.  

Xətai rayonunda saxlanılan 4 narkokuryerdən 16 kiloqram marixuana aşkarlanıb

12.09.2024

Xətai Rayon Polis İdarəsinin (RPİ) Narkotiklərlə Mübarizə Bölməsinin əməkdaşlarının həyata keçirdikləri əməliyyatlar zamanı İbrahim Müzəffərov, Səbuhi Həsənov, Əli Şərifov və Mətin Rzayev saxlanılıblar. Onlardan ümumilikdə 16 kiloqrama yaxın marixuana aşkarlanaraq götürülüb. 

DİN KMBİ tərəfindən “Formula 1 Azərbaycan Qran-Prisi”nə saxta bilet satan şəxs saxlanılıb

12.09.2024

DİN Kibercinayətkarlıqla Mübarizə Baş İdarəsinin əməkdaşları tərəfindən həyata keçirilən əməliyyat nəticəsində “2024 Formula 1 Azərbaycan Qran-Prisi” yarışlarına saxta biletlər hazırlayaraq satışını təşkil edən əvvəllər məhkum olunmuş Elmar İsrafilov saxlanılıb.Müəyyən edilib ki, bu şəxs “Instagram” sosial şəbəkəsində yaratdığı profillərdə onlayn qaydada məlumatları dəyişdirilmiş saxta biletlər yerləşdirərək satışı ilə məşğul olub. E.İsrafilov bu yolla 30 nəfərdən artıq şəxsə saxta bilet sataraq maddi gəlir əldə edib. Aparılan əməliyyat-texniki tədbirlər zamanı saxlanılan şəxsin törətdiyi hüquqazidd əməllər tam sübuta yetirilib. Faktla bağlı Baş İdarədə araşdırmalar davam etdirilir.Sonda bir daha qeyd edək ki, “Formula 1 Azərbaycan Qran-Prisi”ni canlı izləmək istəyən şəxslərə biletləri yalnız yarışın rəsmi internet ünvanı, digər partnyor sayt və satış məntəqələrindən əldə etmələri tövsiyə olunur.