Xırdalan şəhəri ərazisində yerləşən marketlərin birindən oğurluq etməkdə şübhəli bilinən B.Xanlarov saxlanılıb

08.09.2024

Abşeron Rayon Polis İdarəsi əməkdaşlarının keçirdikləri tədbirlərlə Xırdalan şəhəri ərazisində yerləşən marketlərin birindən 900 manat dəyərində oğurluq etməkdə şübhəli bilinən B.Xanlarov saxlanılıb. Araşdırma aparılır.

Gəncə şəhəri ərazisindən yabanı halda bitmiş çətənə kolları məhv edilib

08.09.2024

Gəncə Şəhər Baş Polis İdarəsinin əməkdaşları tərəfindən şəhər ərazisindən yabanı halda bitmiş 1,7 ton çəkidə 3022 ədəd çətənə kolu aşkar olunaraq məhv edilib.

Qanunsuz saxlanılan odlu silah-sursat aşkar edilərək götürülüb

08.09.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. Sentyabrın 7-də və 8-də polis əməkdaşlarının keçirdikləri əməliyyat tədbirləri ilə qanunsuz saxlanılan 1 tapança, 3 tüfəng və 7 ədəd patron aşkar edilərək götürülüb. 

Qanunsuz saxlanılan odlu silahlar təhvil götürülüb

08.09.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Sentyabrın 7-də və 8-də polis əməkdaşları 2 tüfəng təhvil götürüblər. 

Ümumi çəkisi 9,2 kiloqramdan artıq narkotik vasitə aşkar olunaraq götürülüb

08.09.2024

Polis əməkdaşlarının keçirdikləri əməliyyat tədbirləri ilə sentyabrın 7-də və 8-də ümumi çəkisi 9,2 kiloqramdan artıq narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 11 nəfər saxlanılaraq istintaqa təhvil verilib

08.09.2024

Polis əməkdaşlarının sentyabrın 7-də və 8-də keçirdikləri əməliyyat tədbirləri ilə dələduzluğa görə axtarışda olan 11 nəfər saxlanılaraq istintaqa təhvil verilib. 

İtkin düşmüş kimi axtarışda olan 13 nəfər tapılaraq aidiyyəti üzrə təhvil verilib

08.09.2024

Sentyabrın 7-də və 8-də polis əməkdaşlarının keçirdikləri tədbirlərlə itkin düşmüş kimi axtarışda olan 13 nəfər tapılaraq aidiyyəti üzrə təhvil verilib. 

Gün ərzində ölkə ərazisində qeydə alınan 55 cinayətin açılması təmin olunub

07.09.2024

Sentyabrın 7-də ölkə ərazisində qeydə alınan 50, əvvəlki dövrlərdən bağlı qalan 5 cinayətin açılması polis əməkdaşları tərəfindən təmin olunub.

Müxtəlif vaxtlarda 6 nəfərə qarşı dələduzluq əməllərini törətməkdə şübhəli bilinən S.Şirinov, A.Zeynalov, C.Hacıyev və S.Mənsimov saxlanılıblar

07.09.2024

Müxtəlif vaxtlarda 5 nəfərin 80.000, 20.000, 8000, 2000 və 3500 manat olmaqla ümumilikdə 113.500 manat pullarının aldadılaraq alınması, bir nəfərin isə onu aldadan şəxsin hesabına 2000 manat ödətdirməsi barədə polisə məlumatlar daxil olub.   Paytaxtın Xəzər, Nəsimi, Nizami və Yasamal rayonlarında polis əməkdaşlarının keçirdikləri tədbirlərlə dələduzluq əməllərini törətməkdə şübhəli bilinən S.Şirinov, A.Zeynalov, C.Hacıyev və S.Mənsimov müəyyən olunaraq saxlanılıblar. Faktlarla bağlı araşdırma aparılır. 

Yasamal rayonu ərazisində 3 nəfərə qarşı dələduzluq əməlini törətməkdə şübhəli bilinən R.Ağayev saxlanılıb

07.09.2024

Yasamal rayonu ərazisində 3 nəfərin ayrı-ayrı vaxtlarda aldatma yolu ilə mobil telefonlarının alınması barədə 27-ci Polis Şöbəsinə məlumatlar daxil olub. Polis əməkdaşlarının keçirdikləri tədbirlərlə dələduzluq əməlini törətməkdə şübhəli bilinən R.Ağayev saxlanılıb.Onun soyğunçuluğa görə axtarışda olması da müəyyən olunub.Araşdırma aparılır.