Abşeronda quldurluq edən 2 nəfər saxlanılıb

14.04.2025

Abşeron rayonu Masazır qəsəbəsi ərazisində yerləşən köşklərin birində quldurluq hadisəsi qeydə alınıb. Belə ki, köşkdə satıcı kimi çalışan qəsəbə sakini polisə müraciət edərək 2 naməlum şəxsin onu kəsici-deşici alətlə hədələyərək 650 manat pul vəsaitini taladığını bildirib.Abşeron Rayon Polis İdarəsi əməkdaşlarının keçirdikləri tədbirlərlə əməli törətməkdə şübhəli bilinən 20 yaşlı Q.Qılmanov və 17 yaşlı bir yeniyetmə müəyyən olunaraq saxlanılıblar.Həmçinin, rayon ərazisində bir nəfərə məxsus torpaq sahəsindən 4000 manat dəyərində dəmir konteyneri oğurlayan 41 yaşlı T.Əhmədov da saxlanılıb.Araşdırmalar aparılır.

Polis moped və “Vaz 2107” qaçıran şəxsləri saxlayıb

14.04.2025

Səbail rayonunda polis əməkdaşlarının keçirdikləri tədbirlərlə 1500 manat dəyərində moped qaçıran, əvvəllər dəfələrlə məhkum olunmuş 42 yaşlı A.Teplyakov saxlanılıb.Abşeron rayonunda isə bir nəfərə məxsus “VAZ-21074” markalı nəqliyyat vasitəsini qaçırmaqda şübhəli bilinən, əvvəllər məhkum olunmuş 35 yaşlı R.Ramazanov saxlanılıb və qaçırdığı avtomobil sahibinə təhvil verilib.Araşdırmalar aparılır.

Gün ərzində ölkə ərazisində qeydə alınan 30 cinayətin açılması təmin olunub

14.04.2025

Aprelin 14-də ölkə ərazisində qeydə alınan 27, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.   

İtkin düşmüş kimi axtarışı aparılan 8 nəfər tapılaraq aidiyyəti üzrə təhvil verilib

14.04.2025

Aprelin 14-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 8 nəfər tapılaraq aidiyyəti üzrə təhvil verilib.

Axtarışda olan 12 nəfər saxlanılaraq istintaqa təhvil verilib

14.04.2025

Polis əməkdaşlarının aprelin 14-də keçirdikləri əməliyyat tədbirləri ilə dələduzluğa görə axtarışda olan 12 nəfər saxlanılaraq istintaqa təhvil verilib. 

Qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir

14.04.2025

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Aprelin 14-də polis əməkdaşları paytaxt və respublikanın ayrı-ayrı rayonlarında 1 avtomat silahı, 1 tapança, 3 tüfəng, 1 patron darağı və 28 ədəd müxtəlif çaplı patron aşkar edərək götürüblər.

Sumqayıtda piyadalar arasında yol hərəkəti qaydalarının təşviqi işinə könüllü gənclər də cəlb olunublar

14.04.2025

Sumqayıt Şəhər İcra Hakimiyyəti və Sumqayıt Şəhər Polis İdarəsinin birgə təşkilatçılığı ilə piyadalar arasında yol hərəkəti qaydaları barədə məlumatlılığı artırmaq məqsədi ilə həyata keçirilən profilaktik tədbirlər davam etdirilir.Təbliğatın gücləndirilməsi məqsədi ilə Sumqayıt şəhəri üzrə fəal gənc könüllülər də maarifləndirmə işinə cəlb olunublar. Qeyd edək ki, ilkin mərhələdə tədbirlər maarifləndirici xarakter daşıyacaq və piyadalara yol hərəkəti qaydaları izah ediləcək. Növbəti mərhələdə isə qayda pozuntularına yol verən şəxslər barəsində inzibati tədbirlərin görülməsi nəzərdə tutulur. Sumqayıt şəhərində insanların intensiv hərəkət etdiyi küçə və prospektlərdə piyadaların vurulması ilə nəticələnən yol-nəqliyyat hadisələrinin sayının minimuma endirilməsi məqsədi ilə təbliğat-təşviqat prosesinin mütəmadi olaraq davam etdirilməsi nəzərdə tutulur.Bir daha vətəndaşlara müraciət edərək onlardan yolu piyadalar üçün nəzərdə tutulmuş yerlərdən keçməyi, yolu keçərkən diqqəti yayındıran hərəkətlərdən, o cümlədən mobil telefon və qulaqlıqdan istifadə etməkdən çəkinməyi, ictimai nəqliyyata minib-düşərkən, eləcə də digər hallarda qəflətən avtomobil yoluna çıxmamağı xahiş edirik.

Polis Nərimanovda gecə saatlarında məişət səs-küyü normalarına əməl etməyən ictimai iaşə obyektlərində tədbir keçirib

14.04.2025

Paytaxtın Nərimanov rayonu ərazisində yaşayan bir qrup sakin polisə müraciət edərək gecə saatlarında yaşayış ünvanlarının yaxınlığında yerləşən ictimai iaşə obyektlərində yaranan məişət səs-küyünun onları narahat etməsi ilə bağlı şikayətlərini bildiriblər. Bu istiqamətdə Nərimanov Rayon Polis İdarəsinin əməkdaşları tərəfindən qeyd edilən ünvanlarda fəaliyyət göstərən kafe-restoran, əyləncə mərkəzləri və digər ictimai iaşə obyektlərində profilaktik tədbir keçirilib. Nəticədə bir neçə obyektin gecə saat 00:00-dan sonra məişət səs-küyü ilə bağlı mövcud olan qanunvericiliyin tələblərini pozduğu aşkar edilib. Həmin ictimai iaşə obyektlərində yüksəksəsli musiqi dayandırılıb və obyekt sahibləri ilə profilaktik söhbətlər aparılıb. Həmin şəxslər inzibati protokollar tərtib edilməklə cərimələniblər. Bu cür halların təkrarlanacağı təqdirdə barələrində daha sərt tədbirlərin görüləcəyi obyekt sahiblərinin diqqətinə çatdırılıb.Polis əməkdaşları tərəfindən məişət səs-küyü ilə bağlı qəbul edilən normalara əməl olunması üzrə nəzarət tədbirləri davam etdirilir.

Gün ərzində ölkə ərazisində qeydə alınan 34 cinayətin açılması təmin olunub

13.04.2025

Aprelin 13-də ölkə ərazisində qeydə alınan 29, əvvəlki dövrlərdən bağlı qalan 5 cinayətin açılması polis əməkdaşları tərəfindən təmin olunub.

Paytaxt ərazisində oğurluq edənlər saxlanılıblar

13.04.2025

Sabunçu rayonu Bilgəh qəsəbəsi ərazisində yerləşən evlərin birinin həyətindən dəyəri 6000 manat olan yeddi ədəd kondisioner oğurlanıb.Sabunçu RPİ 14-cü Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 38 yaşlı C.Qədimov və 33 yaşlı R.Novruzov müəyyən olunaraq saxlanılıblar.Daha bir oğurluq hadisəsi isə Yasamal rayonunda baş verib. İçərisində bank kartları və sənədlər olan pul kisəsini talayan, əvvəllər də oğurluqla bağlı cinayətə görə məhkum olunmuş 40 yaşlı S.Əhmədov müəyyən edilərək saxlanılıb.Faktlarla bağlı araşdırma aparılır.