Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Bakı şəhər sakini E.Ələkbərovun evindən 1 kiloqram 650 qram marixuana aşkar olunaraq götürülüb
17.02.2024
Suraxanı RPİ 31-ci Polis Şöbəsi əməkdaşlarının keçirdikləri əməliyyat tədbiri ilə Bakı şəhər sakini, əvvəllər narkotiklərlə əlaqəli cinayətə görə məhkum olunmuş E.Ələkbərov saxlanılıb. Ondan heroin və metamfetamin aşkar olunub. Davam etdirilən tədbirlərlə onun Əmircan qəsəbəsində yaşadığı evə baxış zamanı oradan əlavə 1 kiloqram 650 qram marixuana da aşkar olunaraq götürülüb.Araşdırma aparılır.
Əvvəllər məhkum olunmuşlar R.Qasımov və S.Bəyəliyevdən 1 kiloqramdan artıq marixuana götürülüb
Sumqayıt Şəhər Polis İdarəsi əməkdaşlarının keçirdikləri əməliyyat tədbiri ilə əvvəllər məhkum olunmuşlar R.Qasımov və S.Bəyəliyev saxlanılıblar. R.Qasımovdan 1 kiloqram 65 qram, S.Bəyəliyevdən isə 445 qram marixuana aşkar olunaraq götürülüb.Araşdırma aparılır.
Sumqayıt şəhərinin H.Z.Tağıyev qəsəbəsində bir evdən qızıl-zinət əşyaları oğurlamaqda şübhəli bilinən İ.Səfərov saxlanılıb
Sumqayıt ŞPİ 2-ci Polis Bölməsi əməkdaşlarının keçirdikləri tədbirlərlə H.Z.Tağıyev qəsəbəsində bir evdən 3000 manat dəyərində qızıl-zinət əşyaları oğurlamaqda şübhəli bilinən Cinayət Məcəlləsinin 177-ci (Oğurluq) maddəsi ilə axtarışda olan, əvvəllər məhkum olunmuş İ.Səfərov saxlanılıb. Araşdırma aparılır.
Abşeron rayonunun Xırdalan şəhər sakini olan bir nəfərə 100 manatlıq saxta əskinas verməkdə şübhəli bilinən şəxslər saxlanılıblar
Abşeron Rayon Polis İdarəsi əməkdaşlarının keçirdikləri tədbirlərlə Xırdalan şəhər sakini olan bir nəfərə 100 manatlıq saxta əskinas verməkdə şübhəli bilinən F.Babayev və S.Dünyamalıyev müəyyən olunaraq saxlanılıblar.Araşdırma aparılır.
Qaradağ polisindən əməliyyat: külli miqdarda narkotik aşkar olunub
Qaradağ Rayon Polis İdarəsinin 11-ci Polis Bölməsinin əməkdaşlarının daxil olmuş əməliyyat məlumatı əsasında Qobustan qəsəbəsi ərazisində həyata keçirdikləri tədbir nəticəsində narkotik vasitələrin satışı və qanunsuz dövriyyəsi ilə məşğul olan Bakı şəhər sakini 1989-cu il təvəllüdlü Emin Vəliyevdən 5 kiloqram 369 qram marixuana, 245 qram tiryək və psixotrop tərkibli 100 ədəd metadon həbi götürülüb. E.Vəliyev ondan aşkar olunan narkotikləri şəxsiyyəti istintaqla araşdırılan İran vətəndaşı vasitəsilə Qaradağ rayonu ərazisində gizlədilən yerdən ayrı-ayrı şəxslərə çatdırıb pul qazanmaq məqsədilə əldə etdiyini bildirib.Faktla bağlı cinayət işi başlanılıb. Bu şəxsin daxil olduğu narkoşəbəkənin digər üzvlərinin saxlanılması istiqamətində tədbirlər davam etdirilir.
Gün ərzində ölkə ərazisində qeydə alınan 80 cinayətin açılması təmin olunub
16.02.2024
Fevralın 16-da ölkə ərazisində qeydə alınan 62, əvvəlki dövrlərdən bağlı qalan 18 cinayətin açılması daxili işlər orqanlarının əməkdaşları tərəfindən təmin olunub.
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir
Fevralın 16-da polis əməkdaşları paytaxt və respublikanın ayrı-ayrı rayonlarında 6 ədəd müxtəlif markalı tüfəng və 13 ədəd müxtəlif çaplı patron təhvil götürüblər.
Qanunsuz saxlanılan silah-sursat aşkar edilərək götürülüb
Fevralın 16-da polis əməkdaşlarının keçirdikləri əməliyyat tədbirləri ilə qanunsuz saxlanılan 1 ədəd avtomat silahı, 2 tapança, 22 ədəd müxtəlif markalı tüfəng, 3 patron darağı və 30 ədəd müxtəlif çaplı patron aşkar edilərək götürülüb.
Xankəndi şəhəri ərazisində silah-sursat aşkar olunaraq götürülüb
Polis əməkdaşlarının keçirdikləri tədbirlərlə fevralın 16-da Xankəndi şəhəri ərazisində 2 ədəd avtomat silahı, 4 tüfəng, 1 tapança, 1 qumbaraatan, 9 ədəd qumbara, 19 qumbara alışdırıcısı, 11 ədəd patron darağı, 846 ədəd müxtəlif çaplı patron və digər sursatlar aşkar olunaraq götürülüb.
Nəsimi rayonu ərazisində bir nəfərə qarşı quldurluq etməkdə şübhəli bilinən A.Mövlanov saxlanılıb
Nəsimi RPİ 21-ci Polis Bölməsi əməkdaşlarının keçirdikləri tədbirlərlə rayon ərazisində bir nəfərin 980 manat pulunu və mobil telefonunu quldurluq yolu ilə talamaqda şübhəli bilinən əvvəllər məhkum olunmuş A.Mövlanov müəyyən olunaraq saxlanılıb.Araşdırma aparılır.
