Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir
18.04.2025
Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Aprelin 18-də polis əməkdaşları paytaxt və respublikanın ayrı-ayrı rayonlarında 4 avtomat silahı, 6 tüfəng və 153 ədəd müxtəlif çaplı patron aşkar edərək götürüblər.
Oğurluq və dələduzluq edən şəxslər saxlanılıb
Qaradağ rayonunda bir nəfərin itirdiyi bank kartından 170 manat dəyərində alış-veriş edilib.Vətəndaşın şikayəti əsasında Qaradağ RPİ 10-cu Polis Şöbəsi əməkdaşlarının keçirdikləri tədbirlərlə əməli törədən 27 yaşlı M.İsmayılov və 26 yaşlı S.Əhmədov saxlanılıblar.Bundan başqa, Sumqayıt şəhərində bir nəfərin 1020 manatını dələduzluq yolu ilə ələ keçirən 30 yaşlı E.Məmmədov da saxlanılıb.Araşdırmalar aparılır.
Soyğunçuluq edən şəxsi polis saxladı
Paytaxtın Suraxanı rayonunda talama cinayəti qeydə alınıb. Rayonun Dədə Qorqud qəsəbəsi sakini olan bir nəfər qadının 100 manat pulu və 700 manat dəyərində mobil telefonu soyğunçuluq yolu ilə ələ keçirilib.Suraxanı Rayon Polis İdarəsinin 30-cu Polis Şöbəsinin əməkdaşları tərəfindən keçirilən əməliyyat-axtarış tədbirlərilə cinayət əməlini törətməkdə təqsirli bilinən 34 yaşlı O.Abbaszadə saxlanılıb. Araşdırma aparılır.
Polis işə düzəltmək, təqaüd bərpa etmək vədi ilə 88600 manatı ələ keçirən şəxsləri saxlayıb
Nəsimi rayonu ərazisində ayrı-ayrı vətəndaşların ümumilikdə 88600 manatının dələduzluq yolu ilə mənimsənilməsi barədə polisə məlumatlar daxil olub.Belə ki, paytaxt sakini olan 65 yaşlı qadın övladının işə düzəldiləcəyi vədi ilə aldadılıb və 80 min manatı ələ keçirilib.Nəsimi RPİ 22-ci Polis Şöbəsi əməkdaşlarının həyata keçirdikləri tədbirlərlə dələduzluq əməlini törətməkdə şübhəli bilinən 40 yaşlı N.Şükürov və 37 yaşlı N.Qasımova saxlanılıblar.Rayon ərazisində daha bir analoji hadisə baş verib. 65 yaşlı bir nəfərin təqaüdünü bərpa edəcəyi vədi ilə 3500 manatını ələ keçirən V.Allahverdiyev saxlanılıb.Bundan başqa, vətəndaşın etibarından sui-istifadə edib 5100 manatını ələ keçirməkdə şübhəli bilinən 38 yaşlı E.Mirzəyev də polis əməkdaşları tərəfindən saxlanılıb.Araşdırmalar aparılır.
Paytaxtın ayrı-ayrı rayonlarında silah-sursat aşkarlandı
Polis əməkdaşları tərəfindən qanunsuz saxlanılan odlu silahların əməliyyat yolu ilə aşkarlanması və könüllü təhvil verilməsi istiqamətində tədbirlər davam etdirilir.Polis əməkdaşlarının keçirdikləri növbəti profilaktik tədbirlər nəticəsində paytaxt sakini olan bir nəfər 1 avtomat silahı, 13 ədəd patronu könüllü olaraq polisə təhvil veriblər.Binəqədi rayonu ərazisində isə polis əməkdaşları tərəfindən 1 avtomat silahı və 13 ədəd patron tapılaraq götürülüb.Araşdırmalar aparılır.
Paytaxtda 50 kisə duz və eynək oğurlayan şəxslər saxlanılıblar
Sabunçu rayonu ərazisində yerləşən anbarların birindən 2550 manat dəyərində kompressor, skuter və 50 kisə duz oğurlanıb.Sabunçu RPİ 14-cü Polis Şöbəsinin əməkdaşlarının keçirdikləri tədbirlərlə əməli törətməkdə şübhəli bilinən 32 yaşlı M.Bayramov müəyyən olunaraq saxlanılıb.Bundan başqa, Qaradağ rayonunda yerləşən evlərin birindən 760 manat dəyərində təmir alətləri və elektrik naqilini oğurlayan 37 yaşlı S.Mehdiyev, həmçinin Nizami rayonunda mağazadan 485 manat dəyərində 24 ədəd eynək oğurlayan 21 yaşlı Ş.İsmayılov da saxlanılıb.Araşdırmalar aparılır.
Sumqayıtda 14 mənzilin su sayğacını oğurlayan şəxslər saxlanılıblar
Sumqayıt şəhərində müxtəlif ünvanlardan 14 ədəd su sayğacı oğurlanıb. Sumqayıt Şəhər Polis İdarəsinin əməkdaşları tərəfindən keçirilən tədbirlərlə hadisəni törətməkdə təqsirli bilinən 39 yaşlı A.Məhərrəmov, 33 yaşlı A.İskəndərova və 31 yaşlı S.İskəndərova tutulublar. Həmin şəxslər saxlanılarkən üzərlərindən psixotrop maddə metamfetamin də aşkarlanıb. Faktlarla bağlı araşdırma aparılır.
Gün ərzində ölkə ərazisində qeydə alınan 46 cinayətin açılması təmin olunub
17.04.2025
Aprelin 17-də ölkə ərazisində qeydə alınan 36, əvvəlki dövrlərdən bağlı qalan 10 cinayətin açılması polis əməkdaşları tərəfindən təmin olunub.
Bakı evdən 17 min manatlıq oğurluq edən şəxsləri polis saxlayıb
Xətai rayonu ərazisində yerləşən evlərin birindən ümumilikdə 17000 manatdan artıq pul vəsaiti və qızıl-zinət əşyaları naməlum şəraitdə oğurlanıb. Xətai RPİ 35-ci Polis Bölməsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuşlar – 35 yaşlı R.Şirinov və 33 yaşlı R.Abdullayev müəyyən olunaraq saxlanılıb.Sumqayıt şəhərində isə bir nəfər polisə müraciət edərək icarədarı olduğu mağazadan mobil telefonunun oğurlanmasını bildirib. Əməli törətməkdə şübhəli bilinən, əvvəllər məhkum olunmuş 39 yaşlı A.Əliyev saxlanılıb. Araşdırmalarla məlum olub ki, saxlanılan şəxs şəhər ərazisində digər bir nəfərə məxsus mobil telefonu da dələduzluq yolu ilə ələ keçirib.Araşdırmalar davam etdirilir.
Yasamal rayonunda silah-sursat aşkarlandı
Polis əməkdaşları tərəfindən qanunsuz saxlanılan odlu silahların əməliyyat yolu ilə aşkarlanması və könüllü təhvil verilməsi istiqamətində tədbirlər davam etdirilir.Yasamal Rayon Polis İdarəsi əməkdaşlarının keçirdikləri növbəti profilaktik tədbir nəticəsində 29 yaşlı bir nəfər 1 avtomat silahı və 30 patronu könüllü olaraq polisə təhvil verib.Araşdırma aparılır.
