Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir 

12.03.2024

Martın 12-də polis əməkdaşları paytaxt və respublikanın ayrı-ayrı rayonlarında 1 ədəd tapança, 5 ədəd müxtəlif markalı tüfəng, 3 patron darağı və 107 ədəd müxtəlif çaplı patron təhvil götürüblər. 

Xankəndi şəhəri ərazisindən silah və sursatlar aşkar olunaraq götürülüb

12.03.2024

Polis əməkdaşlarının keçirdikləri tədbirlərlə martın 11-də və 12-də Xankəndi şəhəri ərazisindən 17 ədəd müxtəlif markalı avtomat silahı, 1 pulemyot, 2 tapança, 6 tüfəng, 21 qumbara, 21 alışdırıcı, 5 rabitə qurğusu, 106 patron darağı, 6231 ədəd müxtəlif çaplı patron, 13 süngü-bıçaq və digər sursatlar aşkar olunaraq götürülüb.   

Ümumi çəkisi 19,6 kiloqramdan artıq narkotik vasitə aşkar olunaraq götürülüb

12.03.2024

Polis əməkdaşlarının keçirdikləri əməliyyat tədbirləri ilə martın 12-də ümumi çəkisi 19,6 kiloqramdan artıq narkotik vasitə aşkar olunaraq götürülüb.   Qanunsuz dövriyyədən çıxarılan narkotik vasitələr – 1,8 kiloqramdan artıq heroin, 9,5 kiloqramdan çox marixuana və 8,3 kiloqrama yaxın tiryək olub.  Bu istiqamətdə qətiyyətli mübarizə tədbirləri davam etdirilir. 

Binəqədi rayonu ərazisindən “Toyota Prius” markalı avtomobili qaçırmaqda şübhəli bilinən M.Ələkbərov qaçırdığı digər avtomobili idarə edərkən saxlanılıb

12.03.2024

Martın 12-si gecə saatlarında Binəqədi rayonu ərazisindən “Toyota Prius” markalı avtomobilin qaçırılması barədə 5-ci Polis Bölməsinə məlumat daxil olub.  Görülmüş tədbirlərlə avtomobil həmin gün Nəsimi rayonu ərazisində tapılıb.Polis əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən, əvvəllər məhkum olunmuş M.Ələkbərov “Mercedes” markalı digər avtomobili idarə edərkən saxlanılıb. Araşdırmalarla onun həmin avtomobili də Nərimanov rayonu ərazisindən qaçırması müəyyən olunub. Araşdırma aparılır.

Dəmir yolu stansiyaları ərazisində saxlanılan C.Soltanov və R.Salamovdan marixuana aşkar olunaraq götürülüb

12.03.2024

Nəqliyyatda Baş Polis İdarəsinin Dəmir Yolu Nəqliyyatında Polis İdarəsi əməkdaşlarının keçirdikləri tədbirlərlə əvvəllər narkotiklərlə əlaqəli cinayətə görə məhkum olunmuş C.Soltanov Xaçmaz, R.Salamov isə Sabunçu dəmir yolu stansiyaları ərazisində saxlanılıblar. R.Salamovdan 470 qram, C.Soltanovdan isə 235 qram marixuana aşkar olunaraq götürülüb.Hər iki faktla bağlı araşdırma aparılır. 

Nəsimi rayonu ərazisində paytaxt sakini olan bir nəfərin mobil telefonunu və pulqabısını soyğunçuluq yolu ilə talamaqda şübhəli bilinən E.Məsimov saxlanılıb

12.03.2024

Nəsimi RPİ 22-ci Polis Şöbəsi əməkdaşlarının keçirdikləri tədbirlərlə martın 3-də gecə saatlarında rayon ərazisində paytaxt sakini olan bir nəfərin mobil telefonunu, içərisində sənəd və bank kartları olan pulqabısını soyğunçuluq yolu ilə talamaqda şübhəli bilinən, əvvəllər də eyni əmələ görə məhkum olunmuş E.Məsimov müəyyən olunaraq saxlanılıb.Araşdırma aparılır.

Gün ərzində ölkə ərazisində qeydə alınan 40 cinayətin açılması təmin olunub

11.03.2024

Martın 11-də ölkə ərazisində qeydə alınan 31, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir 

11.03.2024

Martın 11-də polis əməkdaşları paytaxt və respublikanın ayrı-ayrı rayonlarında 1 ədəd avtomat silahı, 1 tapança, 1 qumbara,  5 ədəd müxtəlif markalı tüfəng, 1 patron darağı və 45 ədəd müxtəlif çaplı patron təhvil götürüblər. 

Xankəndi şəhəri ərazisində yerləşən evlərdən və binalardan silah və sursatlar aşkar olunaraq götürülüb

11.03.2024

Polis əməkdaşlarının keçirdikləri tədbirlərlə Xankəndi şəhəri ərazisində yerləşən evlərdən və binalardan 10 ədəd müxtəlif markalı avtomat silahı, 1 pulemyot, 1 tapança, 5 tüfəng, 14 qumbara, 15 alışdırıcı, 4 rabitə qurğusu, 13 süngü-bıçaq, 96 patron darağı, 5031 ədəd müxtəlif çaplı patron və digər sursatlar aşkar olunaraq götürülüb.

Ümumi çəkisi 1,6 kiloqramdan artıq narkotik vasitə aşkar olunaraq götürülüb

11.03.2024

Polis əməkdaşlarının keçirdikləri əməliyyat tədbirləri ilə martın 11-də ümumi çəkisi 1,6 kiloqramdan artıq narkotik vasitə aşkar olunaraq götürülüb.   Bu istiqamətdə qətiyyətli mübarizə tədbirləri davam etdirilir.