Gün ərzində ölkə ərazisində qeydə alınan 52 cinayətin açılması təmin olunub

14.06.2025

İyunun 14-də ölkə ərazisində qeydə alınan 48, əvvəlki dövrlərdən bağlı qalan 4 cinayətin açılması polis əməkdaşları tərəfindən təmin olunub.

Nəsimi rayonunda əməliyyat-ekstazi həbləri toz formasında satan şəxslər saxlanıldı

14.06.2025

Nəsimi Rayon Polis İdarəsinin əməkdaşlarının rayon ərazisində keçirdikləri tədbir zamanı əvvəllər məhkum olunan şəxslər - 38 yaşlı Murtaza Həsənov, 45 yaşlı Baba Cəfərov və 44 yaşlı Qəzənfər İbrahimov saxlanılıblar. Onlardan 6 kiloqrama yaxın heroin, marixuana, psixotrop maddə metamfetamin, o cümlədən Qəzənfər İbrahimovdan əlavə olaraq 266 ədəd psixotrop tərkibli preqabalin, 37 ədəd ekstazi və 200 qrama yaxın toz formasında olan ekstazi aşkarlanaraq dövriyyədən çıxarılıb.Onlar şəxsiyyətləri istintaqla araşdırılan İran vətəndaşları tərəfindən narkokuryerliyə cəlb olunduqlarını və narkotik vasitələri maddi qazanc müqabilində ayrı-ayrı ünvanlara çatdırmağı planlaşdırdıqlarını bildiriblər.Faktlarla bağlı cinayət işi başlanılıb, araşdırmalar aparılır.M.Həsənov, B.Cəfərov və  Q.İbrahimovun daxil olduqları narkoşəbəkənin digər üzvlərinin də müəyyənləşdirilərək məsuliyyətə cəlb olunmaları istiqamətində əməliyyatlar davam etdirilir.Qeyd edək ki, ilin əvvəlindən Nəsimi rayonunda keçirilən tədbirlər zamanı 47 kiloqram narkotik vasitə qanunsuz dövriyyədən çıxarılıb.

Gün ərzində ölkə ərazisində qeydə alınan 50 cinayətin açılması təmin olunub

13.06.2025

İyunun 13-də ölkə ərazisində qeydə alınan 41, əvvəlki dövrlərdən bağlı qalan 9 cinayətin açılması polis əməkdaşları tərəfindən təmin olunub.

İtkin düşmüş kimi axtarışı aparılan 16 nəfər tapılaraq aidiyyəti üzrə təhvil verilib

13.06.2025

İyunun 13-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 16 nəfər tapılaraq aidiyyəti üzrə təhvil verilib.

Dələduzluğa görə axtarışda olan 6 nəfər saxlanılaraq istintaqa təhvil verilib

13.06.2025

Polis əməkdaşlarının iyunun 13-də keçirdikləri əməliyyat tədbirləri ilə dələduzluğa görə axtarışda olan 6 nəfər saxlanılaraq istintaqa təhvil verilib. 

Ümumi çəkisi 3 kiloqrama yaxın narkotik vasitə götürülüb

13.06.2025

Polis əməkdaşlarının keçirdikləri əməliyyat tədbirləri ilə iyunun 13-də ümumi çəkisi 3 kiloqrama yaxın narkotik vasitə və kultivasiya yolu ilə yetişdirilmiş 69 ədəd çətənə kolu götürülüb, yabanı halda bitmiş 2 tona yaxın çəkidə 22100 ədəd çətənə kolu isə aşkar olunaraq məhv edilib.Bu istiqamətdə qətiyyətli mübarizə tədbirləri davam etdirilir.

Qanunsuz saxlanılan odlu silah-sursat aşkar olunaraq götürülüb

13.06.2025

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. İyunun 13-də polis əməkdaşları paytaxt və respublikanın ayrı-ayrı rayonlarında 6 avtomat silahı, 1 tapança, 1 qumbara, 7 tüfəng, 2 patron darağı və 61 ədəd müxtəlif çaplı patron aşkar edərək götürüblər.

Gün ərzində ölkə ərazisində qeydə alınan 90 cinayətin açılması təmin olunub

12.06.2025

İyunun 12-də ölkə ərazisində qeydə alınan 77, əvvəlki dövrlərdən bağlı qalan 13 cinayətin açılması polis əməkdaşları tərəfindən təmin olunub.

Avtomobillərdən oğurluq edən şəxs saxlanılıb

12.06.2025

Xətai rayonunda iki avtomobildən oğurluq olub. Paytaxtın Xətai rayonu N.Tusi küçəsində iki nəfər avtomobillərindən ümumilikdə 177 manat, 1310 manat dəyərində mobil telefon, qulaqlıq oğurlanması barədə polisə müraciət ediblər.Xətai RPİ 35-ci Polis Bölməsi əməkdaşlarının keçirdikləri tədbirlərlə talama cinayətini törətməkdə şübhəli bilinən, əvvəllər məhkum olunmuş 40 yaşlı S.Yusifov müəyyən olunaraq saxlanılıb.Qaradağ rayonunda isə telefon qovşağına 250 metr mis naqil və 3 ədəd dəmir ayaqaltının oğurlanması ilə bağlı polisə daxil olmuş müraciət əsasında keçirilən tədbirlərlə əməli törətməkdə şübhəli bilinən, əvvəllər oğurluq və narkotiklərlə əlaqəli cinayətlərə görə məhkum olunmuş 52 yaşlı İ.Meydiyev müəyyən edilərək saxlanılıb.Faktlarla bağlı araşdırma aparılır.

Paytaxtda silah-sursat aşkarlandı

12.06.2025

Polis əməkdaşları tərəfindən qanunsuz saxlanılan odlu silahların əməliyyat yolu ilə aşkarlanması və könüllü təhvil verilməsi istiqamətində tədbirlər davam etdirilir.Polis əməkdaşlarının keçirdikləri növbəti profilaktik tədbirlər nəticəsində Bakı şəhər sakini olan dörd nəfər 2 avtomat silahı, 2 tapança və 10 ədəd patronu könüllü olaraq polisə təhvil verib.Həmçinin polis əməkdaşları tərəfindən 1 avtomat silahı, 1 tapança, 2 tüfəng və 22 ədəd patron tapılaraq götürülüb.Araşdırmalar aparılır.