Gün ərzində ölkə ərazisində qeydə alınan 41 cinayətin açılması təmin olunub

04.11.2024

Noyabrın 4-də ölkə ərazisində qeydə alınan 31, əvvəlki dövrlərdən bağlı qalan 10 cinayətin açılması polis əməkdaşları tərəfindən təmin olunub.

Yasamal rayonunda evlərin birindən oğurluq etməkdə şübhəli bilinən T.Əliyev saxlanılıb

04.11.2024

Yasamal rayonunda evlərin birindən oğurluq olub. Yasamal RPİ-nin 29-cu Polis Şöbəsinə müraciət edən ev sahibi oradan 10700 manat dəyərində məişət avadanlıqlarının oğurlandığını bildirib.Polis əməkdaşlarının keçirdikləri tədbirlərlə oğurluğu törətməkdə şübhəli bilinən, əvvəllər də eyni əmələ görə məhkum olunmuş 40 yaşlı T.Əliyev müəyyən olunaraq saxlanılıb.Araşdırma aparılır.

Binə qəsəbəsində evlərin birindən oğurluq etməkdə şübhəli bilinən B.Abdullayev saxlanılıb

04.11.2024

Binə qəsəbəsində evlərin birindən oğurluq olub. Xəzər RPİ-nin 3-cü Polis Şöbəsinə müraciət edən ev sahibi oktyabrın 27-nə keçən gecə evindən 3000 manat dəyərində naqilin oğurlandığını bildirib.Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər məhkum olunmuş 36 yaşlı B.Abdullayev müəyyən olunaraq saxlanılıb.Araşdırma aparılır.

Binəqədi rayonu ərazisindəki evlərin birindən mobil telefon və planşet oğurlamaqda şübhəli bilinən K.Babayev saxlanılıb

04.11.2024

Binəqədi RPİ 4-cü Polis Şöbəsi əməkdaşlarının keçirdikləri tədbirlərlə noyabrın 2-də rayon ərazisindəki evlərin birindən 2200 manat dəyərində mobil telefon və planşet oğurlamaqda şübhəli bilinən 43 yaşlı K.Babayev müəyyən olunaraq saxlanılıb. Araşdırma aparılır.

Sumqayıt şəhəri ərazisində yerləşən iaşə obyektində bir qadının pulunu oğurlamaqda şübhəli bilinən H.Hacıyev və F.Hacıyev saxlanılıblar

04.11.2024

Sumqayıt ŞPİ 5-ci Polis Bölməsi əməkdaşlarının keçirdikləri tədbirlərlə şəhər ərazisində yerləşən iaşə obyektində bir qadının 500 manatını oğurlamaqda şübhəli bilinən  23 yaşlı H.Hacıyev və 24 yaşlı F.Hacıyev saxlanılıb.

Qanunsuz saxlanılan odlu silah-sursat aşkar olunaraq götürülüb

04.11.2024

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Noyabrın 4-də polis əməkdaşları paytaxt və respublikanın ayrı-ayrı rayonlarında 1 tapança və 5 ədəd müxtəlif markalı tüfəng aşkar edərək götürüblər.

Ümumi çəkisi 14,3 kiloqramdan artıq narkotik vasitə və 4467 ədəd metadon həbi götürülüb

04.11.2024

Polis əməkdaşlarının keçirdikləri əməliyyat tədbirləri ilə noyabrın 4-də ümumi çəkisi 14,3 kiloqramdan artıq narkotik vasitə, həmçinin 4467 ədəd metadon həbi aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 2 nəfər saxlanılaraq istintaqa təhvil verilib

04.11.2024

Polis əməkdaşlarının noyabrın 4-də keçirdikləri əməliyyat tədbirləri ilə dələduzluğa görə axtarışda olan 2 nəfər saxlanılaraq istintaqa təhvil verilib. 

İtkin düşmüş kimi axtarışda olan 5 nəfər tapılaraq aidiyyəti üzrə təhvil verilib

04.11.2024

Noyabrın 4-də polis əməkdaşlarının keçirdikləri tədbirlərlə itkin düşmüş kimi axtarışda olan 5 nəfər tapılaraq aidiyyəti üzrə təhvil verilib. 

Oktyabr ayı ərzində Bakı və Sumqayıt  şəhərlərində qanunsuz yaşayan 75 əcnəbi polis əməkdaşları tərəfindən saxlanılıb

04.11.2024

2024-cü ilin oktyabr ayı ərzində Daxili İşlər Nazirliyinin Baş Pasport, Qeydiyyat və Miqrasiya İdarəsinin Qanunsuz Miqrasiyaya Qarşı Mübarizə İdarəsi və Sumqayıt Şəhər Polis İdarəsinin əməkdaşları ilə birgə Bakı və Sumqayıt şəhərlərində həyata keçirdikləri əməliyyat-axtarış tədbirləri nəticəsində Azərbaycan Respublikasının ərazisində olma və ya yaşama hüququ verən sənədlər olmadan, habelə qeydiyyatsız yaşayan, bir yerdən başqa yerə getdikdə olduğu yer və yaşayış yeri üzrə qeydiyyat qaydalarına əməl etməyən, Azərbaycan Respublikasında olma və ya yaşama müddəti qurtardıqdan sonra getməkdən boyun qaçıran 75 əcnəbi vətəndaş saxlanılıb. Həmin şəxslər barəsində İnzibati Xətalar Məcəlləsinin müvafiq maddəsinə əsasən inzibati xəta protokolu tərtib olunub və  aidiyyəti üzrə təhvil veriliblər.Qeyd edək ki, cari ilin əvvəlindən bu günə kimi Baş Pasport, Qeydiyyat və Miqrasiya İdarəsinin Qanunsuz Miqrasiyaya Qarşı Mübarizə İdarəsi və respublikanın ərazi polis orqanlarının əməkdaşları ilə birgə keçirilən əməliyyat-axtarış tədbirləri nəticəsində ümumilikdə 488 nəfər əcnəbi vətəndaş müəyyən edilərək barələrində müvafiq tədbirlər görülüb.