Qaradağ rayonunun Lökbatan qəsəbəsi ərazisində yerləşən ticarət mərkəzində bir neçə oğurluq hadisələrini törətməkdə şübhəli bilinən S.Hüseynov saxlanılıb

07.06.2024

Qaradağ RPİ 10-cu Polis Şöbəsi əməkdaşlarının keçirdikləri tədbirlərlə Lökbatan qəsəbəsi ərazisində yerləşən ticarət mərkəzində müxtəlif vaxtlarda bir nəfərin 3 yeşik meyvəsini, bir nəfərin mobil telefonunu və 2 avtomobildən mobil telefonlar oğurlamaqda şübhəli bilinən S.Hüseynov müəyyən olunaraq saxlanılıb.Araşdırma aparılır. 

Sabunçu rayonunun Bakıxanov qəsəbəsi ərazisindən bir nəfərə məxsus mopedi oğurlamaqda şübhəli bilinən M.Həbibli saxlanılıb

07.06.2024

Sabunçu RPİ 13-cü Polis Şöbəsi əməkdaşlarının keçirdikləri tədbirlərlə Bakıxanov qəsəbəsi ərazisindən bir nəfərə məxsus mopedi oğurlamaqda şübhəli bilinən, əvvəllər məhkum olunmuş M.Həbibli saxlanılıb.Araşdırma aparılır. 

Ş.Əliyevdən 430 qram marixuana aşkar olunaraq götürülüb

07.06.2024

Suraxanı Rayon Polis İdarəsi əməkdaşlarının keçirdikləri tədbirlərlə saxlanılan Ş.Əliyevdən 430 qram marixuana aşkar olunaraq götürülüb. Araşdırma aparılır. 

Qax rayonunun Fıstıqlı kəndi ərazisində yabanı halda bitmiş 1,8 tondan artıq çəkidə çətənə kolları aşkar edilərək məhv edilib

07.06.2024

Qax Rayon Polis Şöbəsinin əməkdaşları tərəfindən Fıstıqlı kəndi ərazisində yabanı halda bitmiş 1,8 tondan artıq çəkidə 8775 ədəd çətənə kolu aşkar edilərək məhv edilib.  

Ağdaş rayonu ərazisində yabanı halda bitmiş çətənə kolları aşkar edilərək məhv edilib

07.06.2024

Ağdaş Rayon Polis Şöbəsinin əməkdaşları tərəfindən rayon ərazisində yabanı halda bitmiş 842 kiloqram çəkidə 2142 ədəd çətənə kolu aşkar edilərək məhv edilib.  

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

07.06.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. İyunun 7-də polis əməkdaşları paytaxt və respublikanın ayrı-ayrı rayonlarında 2 avtomat silahı, 2 qumbara, 2 tüfəng, 4 patron darağı və 107 ədəd müxtəlif çaplı patron təhvil götürüblər. 

Qanunsuz saxlanılan odlu silah-sursat aşkar olunaraq götürülüb

07.06.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. İyunun 7-də polis əməkdaşlarının keçirdikləri əməliyyat tədbirləri ilə qanunsuz saxlanılan 5 avtomat silahı, 9 tapança, 3 tüfəng, 13 patron darağı və 66 ədəd patron aşkar edilərək götürülüb. 

İyunun 7-də ümumi çəkisi 27 kiloqramdan artıq narkotik vasitə aşkar olunaraq götürülüb

07.06.2024

Polis əməkdaşlarının keçirdikləri əməliyyat tədbirləri ilə iyunun 7-də ümumi çəkisi 27 kiloqramdan artıq narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

İyunun 7-də dələduzluğa görə axtarışda olan 2 nəfər şəxs saxlanılaraq istintaqa təhvil verilib

07.06.2024

Polis əməkdaşlarının iyunun 7-də keçirdikləri əməliyyat tədbirləri ilə dələduzluğa görə axtarışda olan 2 nəfər şəxs saxlanılaraq istintaqa təhvil verilib. 

Sumqayıtda 15 avtomobilin şüşəsini sındıran və velosipedlər oğurlayan şəxslər saxlanılıblar

07.06.2024

Sumqayıt Şəhər Polis İdarəsinə (ŞPİ) şəhər ərazisində avtomobillərin şüşələrinin sındırılaraq salonlarından pul, mobil telefon, və digər qiymətli əşyaların oğurlanması barədə çoxsaylı şikayətlər daxil olub. Hadisə yerlərinə baxış zamanı əməllərin eyni şəxs tərəfindən törədildiyinə dair əsaslı şübhələr yaranıb. İdarə əməkdaşlarının həyata keçirdikləri əməliyyat zamanı hadisələri törətməkdə şübhəli bilinən 1977-ci il təvəllüdlü Zakir Nurəliyev saxlanılıb. İlkin araşdırmalarla onun Sumqayıtda 15 avtomobilin şüşəsini sındıraraq oğurluq etdiyi müəyyən edilib. Qeyd edək ki, bu şəxs əvəllər də oğurluq etdiyi üçün məhkum olunub və bu ilin fevralında azadlığa buraxılıb. İdarə əməkdaşlarının həyata keçirdikləri digər tədbir zamanı şəhər ərazisində binaların girişlərindən vətəndaşlara məxsus velosipedləri oğurlayan əvvəllər məhkum olunmuş 1979-cu il təvəllüdlü Ramil İsgəndərov da saxlanılıb. Onun üzərində əlavə olaraq narkotik vasitə heroin də aşkarlanıb. R.İsgəndərovun Sumqayıt şəhərində 20-yə yaxın velosiped oğurladığı məlum olub. Faktlarla bağlı araşdırmalar davam etdirilir. Qeyd olunan şəxslərin qanunsuz əməllərindən zərərçəkən başqa vətəndaşlar varsa bu barədə polis orqanlarına məlumat verə bilərlər.