Soyğunçuluq etmiş Gəncə şəhər sakinləri Elşad Bağırov və Elçin Həsənov tutulmuşlar
05.09.2008Sentyabrın 5-də saat 21.00 radələrində Gəncə şəhərində, 2 naməlum şəxs, Biləsuvar rayon sakini, Asif Əliyevin idarə etdiyi "VAZ-21011" markalı avtomaşına sərnişin qismində oturub onu bıçaqla hədələmiş və mobil telefonunu almış, avtomaşından isə maqnitofonu çıxararaq getmişlər. Kəpəz RPŞ əməkdaşlarının həyata keçirdikləri əməliyyat-axtarış tədbirləri nəticəsində şəhər sakinləri Elşad Bağırov və Elçin Həsənov tutulmuşlar. E.Bağırov və E.Həsənovun ətrafında aparılmış əməliyyat tədbirləri nəticəsində müəyyən edilmişdir ki, onlar həmin gün saat 20.00 radələrində Gəncə şəhərinin ərazisində, şəhər sakini Amil Kərimovun idarə etdiyi "VAZ-2106" markalı avtomaşına sərnişin qismində oturub onu bıçaqla hədələyərək 5 manat pulunu almışlar.
Çap et