Xəzər rayonu ərazisində yerləşən daş karxanasında xuliqanlıq zəminində tüfəngdən havaya atəş açmaqda və iki nəfəri döyməkdə şübhəli bilinən S.Quliyev saxlanılmışdır
17.02.2021Xəzər RPİ-nin 1-ci Polis Şöbəsinə fevralın 17-də saat 3 radələrində Türkan qəsəbəsi ərazisində yerləşən, Bakı şəhər sakini N.Quliyevaya məxsus daş karxanasında qohumu S.Quliyevin xuliqanlıq zəminində tüfəngdən havaya atəş açması, orada işləyən Ə.Qurbanovu və Ə.Tahirovu döyməsi barədə məlumat daxil olmuşdur.
Dərhal polis əməkdaşları tərəfindən müvafiq tədbirlər həyata keçirilmişdir. Əməliyyat-axtarış tədbirləri nəticəsində bu cinayət əməlini törətməkdə şübhəli bilinən qəsəbə sakini S.Quliyev saxlanılmışdır.
Araşdırma aparılır.
Çap et