BDYPİ-nin əməkdaşları tərəfindən avtomaşını saxlanılarkən üzərində narkotik vasitə olduğuna görə hadisə yerini tərk etmiş şəxslərdən biri tutulmuş, digərinin saxlanılması üçün müvafiq tədbirlər görülür
16.11.2019Noyabrın 16-da saat 7 radələrində Yeni Ələt-Astara yolunun 47-ci kilometrliyində Kürdəmir rayon sakini M.İbrahimovun idarə etdiyi “VAZ-2107” markalı avtomobil konstruksiyaları dəyişdiyinə görə BDYPİ-nin əməkdaşları tərəfindən saxlanılmışdır. Akt tərtib edilərkən sərnişin Y.Fətəliyev əlində olan balaca bükümü yerə ataraq sürücü ilə birlikdə hadisə yerini tərk etmişlər.
Polis əməkdaşları tərəfindən görülmüş tədbirlərlə Y.Fətəliyev saxlanılaraq narkotik vasitə ilə birgə Salyan RPŞ-yə təhvil verilmişdir.
Araşdırmalarla həmin bükümdə 20 qramdan artıq heroin və 0,170 qram metamfetaminin olması müəyyən edilmişdir.Sürücünün saxlanılması üçün əməliyyat-axtarış tədbirləri aparılır.
Çap et