Axtarış

Virtual Karabakh Justice for khojaly

Krimnal xronika

tarixindən tarixinə
Gün ərzində törədilmiş 58 cinayətin üstü “isti izlər”lə açılmışdır
17 sentyabr 2021Respublikanın daxili işlər orqanları tərəfindən gün ərzində törədilmiş 58 cinayətin üstü “isti izlər”lə açılmışdır.

  • Əvvəlki dövrlərdən bağlı qalmış 3 cinayətin açılması təmin olunmuşdur.
  • Axtarışda olduğuna görə ümumilikdə 41 nəfər, o cümlədən borclu şəxs qismində axtarışda olan 28 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 1 yol-nəqliyyat hadisəsi baş vermiş, nəticədə 1 nəfər ölmüşdür.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 46, qanunsuz saxlanılan silah-sursatla bağlı 2 fakt müəyyən edilmişdir.
  • Cinayət törətməkdə şübhəli bilinən 78 nəfər saxlanılmışdır.

Binəqədi rayonu ərazisində “Mercedes” markalı yük avtomobili ilə yolu keçən paytaxt sakini Z.Bayramova vurulmuşdur
17 sentyabr 2021Sentyabrın 17-də saat 16 radələrində Binəqədi rayonu ərazisində Babək rayon sakini T.Orucov idarə etdiyi “Mercedes” markalı yük avtomobili ilə yolu keçən paytaxt sakini Zeynəb Bayramovanı vurmuşdur. Nəticədə piyada aldığı xəsarətlərlə xəstəxanaya aparılarkən yolda ölmüşdür.

Binəqədi RPİ tərəfindən araşdırma aparılır.

Yasamal rayonu ərazisində F.Dəmirova qarşı soyğunçuluq əməlini törətməkdə şübhəli bilinən şəxslər saxlanılmışlar
17 sentyabr 2021Yasamal RPİ 28-ci Polis Bölməsinə sentyabrın 16-da  rayon ərazisində 2 nəfərin F.Dəmirova zor tətbiq edərək 400 manat pulunu almaları barədə məlumat daxil olmuşdur.

Polis əməkdaşlarının keçirdikləri əməliyyat-axtarış tədbirləri nəticəsində soyğunçuluq əməlini törətməkdə şübhəli bilinən əvvəllər məhkum olunmuşlar - Ağdam rayon sakini R.Səfərov və Gəncə şəhər sakini C.Aslanov müəyyən edilərək saxlanılmışlar.   

Yasamal RPİ tərəfindən araşdırma aparılır.

Gəncə şəhər sakini C.Vəliyevin idarə etdiyi avtomobildən metamfetamin, heroin və marixuana götürülmüşdür
17 sentyabr 2021Baş Dövlət Yol Polisi İdarəsi və Yevlax RPŞ əməkdaşlarının birgə keçirdikləri əməliyyat-axtarış tədbiri nəticəsində Gəncə şəhər sakini C.Vəliyevin idarə etdiyi “VAZ-2107” markalı avtomobil rayon ərazisində saxlanılmışdır. Avtomobilə baxış zamanı  oradan metamfetamin, heroin və marixuana aşkar edilərək götürülmüşdür.  

Yevlax RPŞ tərəfindən araşdırma aparılır.

Qaradağ rayonu ərazisində bir avtomobildən pul və 2 ədəd mobil telefon oğurlamaqda şübhəli bilinən Ş.Əliyev saxlanılmışdır
17 sentyabr 2021Qaradağ RPİ 10-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisində bir avtomobildən 200 manat, 100 ABŞ dolları pul və 2000 manat dəyərində 2 ədəd mobil telefon oğurlamaqda şübhəli bilinən Şirvan şəhər sakini Ş.Əliyev saxlanılmışdır.
Narkotiklərin qanunsuz dövriyyəsində şübhəli bilinən paytaxt sakini Ə.Cəlilov saxlanılmışdır
17 sentyabr 2021Sabunçu RPİ 14-cü Polis Bölməsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən paytaxt sakini, əvvəllər məhkum olunmuş Ə.Cəlilov saxlanılmışdır. Şəxsi axtarış zamanı ondan 535 qram marixuana aşkar edilərək götürülmüşdür.
Sentyabrın 15-də S.Əlyarbəyovanın çantasından mobil telefon və pulunu oğurlamaqda şübhəli bilinən Daşkəsən rayon sakini P.Hüseynova saxlanılmışdır
17 sentyabr 2021Yasamal RPİ 27-ci Polis Bölməsi əməkdaşlarının keçirdikləri əməliyyat-axtarış tədbiri nəticəsində sentyabrın 15-də S.Əlyarbəyovanın çantasından mobil telefon və 504 manat pulunu oğurlamaqda şübhəli bilinən Daşkəsən rayon sakini, əvvəllər məhkum olunmuş P.Hüseynova saxlanılmışdır.
Narkotiklərin qanunsuz dövriyyəsində şübhəli bilinən Sumqayıt şəhər sakini F.Abbasov saxlanılmışdır
17 sentyabr 2021Sumqayıt ŞPİ 3-cü Polis Bölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində  narkotiklərin qanunsuz dövriyyəsində  şübhəli bilinən şəhər sakini, əvvəllər məhkum olunmuş F.Abbasov saxlanılmışdır. Şəxsi axtarış zamanı ondan 10 qramdan artıq marixuana aşkarlanmışdır. Davam etdirilən tədbirlərlə onun “Mercedes” markalı avtomobilinə baxış zamanı oradan da əlavə olaraq 275 qram marixuana aşkar edilərək götürülmüşdür.
Masallı rayonu ərazisindəki evlərin birindən pul və qızıl üzük oğurlamaqda şübhəli bilinən İ.Nəsirov və Y.Boyliyev saxlanılmışlar
17 sentyabr 2021Masallı RPŞ əməkdaşlarının keçirdikləri əməliyyat-axtarış tədbiri nəticəsində rayon ərazisindəki evlərin birindən 1000 manat pul və qızıl üzük oğurlamaqda şübhəli bilinən Boradigah qəsəbə sakinləri, əvvəllər məhkum olunmuşlar İ.Nəsirov və Y.Boyliyev saxlanılmışlar.
Oğurluq etdiklərinə görə tutulmuş B.Bəyalıyevin və E.Mustafayevin Ağsu rayonu ərazisində yerləşən fermaların birindən 9 baş inək oğurlamaları da müəyyən edilmişdir
17 sentyabr 2021Şamaxı RPŞ əməkdaşları tərəfindən oğurluq etdiklərinə görə tutulmuş B.Bəyalıyevin və E.Mustafayevin ətrafında Ağsu RPŞ əməkdaşlarının apardıqları əməliyyat tədbirləri ilə onların cari il avqust ayının 24-də Cəfərli kəndi ərazisində  yerləşən fermaların birindən daha 9 baş inək oğurlamaları da müəyyən edilmişdir.