Mingəçevir şəhər sakini Sevda Yaqubova DİN rəhbərliyinə ünvanladığı təşəkkür məktubunda ona məxsus mağazadan oğurluq edən şəxsin tutularaq məsuliyyətə cəlb edilməsinə görə ŞPŞ-nin əməkdaşlarına minnətdarlığını bildirir.

Vətəndaş Vüsət Əzizov DİN-in “Instagram” səhifəsinə təşəkkür mesajı yazıb. O, 19.05.2022-ci il tarixdə paytaxtın Nəsimi rayonundakı mənzillərdən birində baş vermiş yanğın zamanı həyatını təhlükəyə ataraq tüstüdən zəhərlənib köməksiz vəziyyətdə qalmış vətəndaşın həyatını xilas etdiyinə görə Nəsimi Rayon Polis İdarəsinin əməkdaşı, polis serjantı Elnur Əhmədova təşəkkürünü bildirir, Azərbaycan Polisinə çətin və şərəfli xidmətlərində uğurlar arzulayır.

Bakı şəhər sakini Əziz Fərəcullayev məktubunda üzləşdiyi problemlə bağlı DİN-ə ünvanladığı müraciətinə çevik baxıldığını, Yasamal Rayon Polis İdarəsində araşdırma aparılaraq qısa müddətdə müraciətinin müsbət həll olunmasını qeyd edir. O, göstərilən diqqətə, operativliyə və obyektiv araşdırmalara görə DİN rəhbərliyinə və Yasamal Rayon Polis İdarəsinin əməkdaşlarına təşəkkürünü bildirir.

Bakı şəhər sakini İlyas Həşimov Daxili İşlər Nazirliyinə ünvanladığı məktubunda pul borcu ilə bağlı üzləşdiyi problemlə əlaqədar etdiyi müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə və Sumqayıt Şəhər Polis İdarəsinin əməkdaşlarına minnətdarlığını bildirir.

Şirvan şəhər sakini Baladdaş Sağıyev şəhər ərazisində yol hərəkətinin təşkilində gördükləri nümunəvi işlərə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına təşəkkürünü bildirir.

Jurnalist İlhamə Məmmədova DİN-in “Facebook” səhifəsinə mesaj yazaraq etdiyi müraciətə dərhal reaksiya verildiyinə və övladının hüquqlarının qorunmasında göstərilən köməkliyə görə başda DİN rəhbərliyi olmaqla Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Vətəndaş Samir Həsənov DİN-in “Facebook” səhifəsinə təşəkkür mesajı yazıb. O, barəsində tərtib olunmuş protokolla bağlı səhifə vasitəsilə etdiyi müraciəti ilə əlaqədar Bakı ŞBPİ-nin Dövlət Yol Polisi İdarəsinə dəvət olunduğunu, qanuni izah verilərək məsələyə aydınlıq gətirildiyini qeyd edir. 
S.Həsənov müraciətinə diqqətlə yanaşıldığına görə DİN rəhbərliyinə təşəkkürünü bildirir. 

Bakı şəhər sakini Rövlan Bəxtiyarov məktubunda qeydiyyat məsələsi ilə bağlı etdiyi müraciətinə operativ baxılaraq qısa müddətdə müsbət həll olunduğunu qeyd edərək DİN rəhbərliyinə minnətdarlığını bildirir.

Vətəndaş Fəqan Məmmədov DİN-in “Instagram” səhifəsinə mesaj yazaraq üzləşdiyi onlayn dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.