Yasamal rayonu ərazisində 3 yeniyetməyə qarşı quldurluq etməkdə şübhəli bilinən 2 yeniyetmə saxlanılıb

18.09.2024

Yasamal rayonu ərazisində 3 yeniyetmənin pulunun, mobil telefonunun və qulaqcığının quldurluq yolu ilə talanması barədə polisə məlumat daxil olub. Yasamal RPİ 28-ci Polis Şöbəsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən 2 yeniyetmə müəyyən olunaraq saxlanılıb. Yasamal Rayon Polis İdarəsində araşdırma aparılır.

Bir nəfərin bank kartından 600 manat oğurlamaqda şübhəli bilinən A.Əhmədov və Z.Quliyev saxlanılıblar

18.09.2024

Xəzər RPİ-nin 2-ci Polis Şöbəsinə bir nəfərin bank kartından 600 manat oğurlanması barədə məlumat daxil olub. Polis əməkdaşlarının keçirdikləri tədbirlərlə oğurluq əməlində şübhəli bilinən 24 yaşlı A.Əhmədov və Z.Quliyev müəyyən olunaraq saxlanılıblar. Araşdırma aparılır.

Binəqədi rayonu ərazisində bir nəfərin bank kartını oğurlamaqda şübhəli bilinən S.Əhmədov saxlanılıb

18.09.2024

Sentyabrın 9-da Binəqədi rayonu ərazisində bir nəfərin bank kartının oğurlanması və həmin kartla alış-veriş olunması barədə polisə məlumat daxil olub. Binəqədi RPİ-nin 5-ci Polis Bölməsi əməkdaşlarının keçirdikləri tədbirlərlə bu əməli törətməkdə şübhəli bilinən, əvvəllər də oğurluğa görə məhkum olunmuş S.Əhmədov müəyyən olunaraq saxlanılıb.Araşdırma aparılır.

Səbail rayonu ərazisində bir vətəndaşın mobil telefonunu, digərinin isə velosipedini oğurlamaqda şübhəli bilinən şəxslər saxlanılıb

18.09.2024

Səbail RPİ 9-cu Polis Bölməsi əməkdaşlarının keçirdikləri tədbirlərlə rayon ərazisində bir nəfərin mobil telefonunu və digər şəxsin velosipedini oğurlamaqda şübhəli bilinən, əvvəllər də eyni əmələ görə məhkum olunmuş N.Səmədli və K.Dadaşov saxlanılıb. Araşdırma aparılır.

İki nəfəri aldadaraq ümumilikdə hesabına 20.000 manat ödətdirməkdə şübhəli bilinən E.Qəhrəmanlı saxlanılıb

18.09.2024

Sabunçu RPİ 13-cü Polis Şöbəsi əməkdaşlarının keçirdikləri tədbirlərlə iki nəfəri aldadaraq ümumilikdə hesabına 20.000 manat ödətdirməkdə şübhəli bilinən, əvvəllər də dələduzluğa görə məhkum olunmuş 38 yaşlı E.Qəhrəmanlı müəyyən olunaraq saxlanılıb. Araşdırma aparılır.

Dələduzluq etməkdə şübhəli bilinən 25 yaşlı F.Aydınov saxlanılıb

18.09.2024

Sumqayıt ŞPİ 2-ci Polis Bölməsi əməkdaşlarının keçirdikləri tədbirlərlə bir nəfərin 136 manatını dələduzluq yolu ilə almaqda şübhəli bilinən 25 yaşlı F.Aydınov saxlanılıb. Araşdırma aparılır.

Narkotiklərin qanunsuz dövriyyəsində şübhəli bilinən R.Səfərov saxlanılıb

18.09.2024

Sumqayıt ŞPİ 2-ci Polis Bölməsi əməkdaşlarının keçirdikləri tədbirlərlə narkotiklərin qanunsuz dövriyyəsində şübhəli bilinən R.Səfərov saxlanılıb. Ondan marixuana, metamfetamin və elektron tərəzi aşkar olunaraq götürülüb.  Araşdırma aparılır.

Zaqatala rayonunun Mosul kəndi ərazisində yabanı halda bitmiş çətənə kolları aşkarlanaraq məhv edilib

18.09.2024

Zaqatala Rayon Polis Şöbəsinin əməkdaşları tərəfindən Mosul kəndi ərazisində yabanı halda bitmiş 3 ton çəkidə 4285 ədəd çətənə kolu aşkarlanaraq məhv edilib.  

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

18.09.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Sentyabrın 18-də polis əməkdaşları paytaxt və respublikanın ayrı-ayrı rayonlarında 8 ədəd müxtəlif markalı tüfəng təhvil götürüblər. 

Dələduzluğa görə axtarışda olan 9 nəfər saxlanılaraq istintaqa təhvil verilib

18.09.2024

Polis əməkdaşlarının sentyabrın 18-də keçirdikləri əməliyyat tədbirləri ilə dələduzluğa görə axtarışda olan 9 nəfər saxlanılaraq istintaqa təhvil verilib.