Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Polis Yasamal və Abşeron rayonlarında avtomobil qaçıran şəxsləri saxlayıb
29.11.2024
Noyabrın 29-da gecə saatlarında Yasamal rayonu ərazisindən “KİA” markalı avtomobilin qaçırılması barədə polisə məlumat daxil olub. Yasamal RPİ 26-cı Polis Bölməsi əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən 28 yaşlı T.Salahov avtomobili idarə edərkən saxlanılıb.Abşeron Rayon Polis İdarəsi əməkdaşlarının keçirdikləri tədbirlərlə isə Xırdalan şəhəri ərazisindən “KİA” markalı avtomobil qaçırmaqda şübhəli bilinən 28 yaşlı S.Aydınov avtomobillə birgə Digah qəsəbəsi ərazisində saxlanılıb.Hər iki faktla bağlı araşdırmalar aparılır.
Nəsimi rayonu ərazisində oğurluq və dələduzluqda şübhəli bilinən şəxslər polis əməkdaşları tərəfindən saxlanılıb
Nəsimi rayonu ərazisində yerləşən mağazaların birindən 680 manat dəyərində qızıl üzüyün oğurlanması barədə polisə məlumat daxil olub.Nəsimi RPİ 19-cu Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən 62 yaşlı qadın müəyyən olunaraq saxlanılıb. 22-ci Polis Şöbəsi əməkdaşlarının keçirdikləri tədbirlərlə isə ayrı-ayrı vaxtlarda 2 nəfərin ümumilikdə 556 manatını dələduzluq yolu ilə ələ keçirməkdə şübhəli bilinən, əvvəllər məhkum olunmuşlar 41 yaşlı İ.Mahmudov və 64 yaşlı İ.Abiyev müəyyən olunaraq saxlanılıblar. Faktlarla bağlı araşdırmalar aparılır.
Gün ərzində ölkə ərazisində qeydə alınan 56 cinayətin açılması təmin olunub
28.11.2024
Noyabrın 28-də ölkə ərazisində qeydə alınan 36, əvvəlki dövrlərdən bağlı qalan 20 cinayətin açılması polis əməkdaşları tərəfindən təmin olunub.
Paytaxtın Nəsimi və Səbail rayonlarında mobil telefon oğurluğunda şübhəli bilinən şəxslər saxlanılıb
Paytaxtın Nəsimi və Səbail rayonlarında mobil telefon oğurluğunda şübhəli bilinən şəxslər saxlanılıbNəsimi Rayon Polis İdarəsi əməkdaşlarının keçirdikləri tədbirlərlə rayon ərazisində yerləşən iaşə obyektlərində iki nəfərin mobil telefonlarını oğurlamaqda şübhəli bilinən, əvvəllər məhkum olunmuş 43 yaşlı R.Rzayev və 23 yaşlı F.İbrahimov müəyyən olunaraq saxlanılıblar.Səbail rayonu ərazisində yerləşən ictimai iaşə obyektində isə 2 nəfərin mobil telefonlarını və bank kartını oğurlamaqda şübhəli bilinən, əvvəllər məhkum olunmuş 27 yaşlı B.Əkbərli 9-cu Polis Bölməsinin əməkdaşları tərəfindən saxlanılıb. Faktlarla bağlı araşdırmalar aparılır.
Bir qadına qarşı dələduzluq etməkdə şübhəli bilinən A.Ağabəyli saxlanılıb
Nəsimi RPİ 22-ci Polis Şöbəsi əməkdaşlarının keçirdikləri tədbirlərlə bir qadının 454 manatını öz hesabına ödətdirərək dələduzluq yolu ilə ələ keçirməkdə şübhəli bilinən 32 yaşlı A.Ağabəyli müəyyən olunaraq saxlanılıb.Araşdırma aparılır.
Bakı şəhər sakininin bank kartından 1000 manatını oğurlamaqda şübhəli bilinən N.Abdullayev saxlanılıb
Polisə müraciət edən Bakı şəhər sakini bank kartından 1000 manatının oğurlandığını bildirib.Nizami RPİ 23-cü Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 27 yaşlı N.Abdullayev müəyyən olunaraq saxlanılıb.Araşdırma aparılır.
Nizami rayonu ərazisində yerləşən 3 binanın dəhlizlərindən 15 ədəd yanğın söndürən boru oğurlamaqda şübhəli bilinən Ş.Cəfərli saxlanılıb
Noyabrın 26-da Nizami rayonu ərazisində yerləşən 3 binanın dəhlizlərindən 15 ədəd yanğın söndürən borunun oğurlanması barədə polisə məlumat daxil olub. Nizami RPİ 24-cü Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 28 yaşlı Ş.Cəfərli müəyyən olunaraq saxlanılıb. Ondan metamfetamin aşkar olunaraq götürülüb.Araşdırma aparılır.
Qanunsuz saxlanılan odlu silah-sursat aşkar olunaraq götürülüb
Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Noyabrın 28-də polis əməkdaşları paytaxt və respublikanın ayrı-ayrı rayonlarında 8 avtomat silahı, 3 tapança, 5 tüfəng, 41 patron darağı və 1706 ədəd müxtəlif çaplı patron aşkar edərək götürüblər.
Ümumi çəkisi 2,3 kiloqrama yaxın narkotik vasitə aşkar olunaraq götürülüb
Polis əməkdaşlarının keçirdikləri əməliyyat tədbirləri ilə noyabrın 28-də ümumi çəkisi 2,3 kiloqrama yaxın narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.
Dələduzluğa görə axtarışda olan 13 nəfər saxlanılaraq istintaqa təhvil verilib
Polis əməkdaşlarının noyabrın 28-də keçirdikləri əməliyyat tədbirləri ilə dələduzluğa görə axtarışda olan 13 nəfər saxlanılaraq istintaqa təhvil verilib.
