Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Gün ərzində ölkə ərazisində qeydə alınan 86 cinayətin açılması təmin olunub
17.06.2025
İyunun 17-də ölkə ərazisində qeydə alınan 75, əvvəlki dövrlərdən bağlı qalan 11 cinayətin açılması polis əməkdaşları tərəfindən təmin olunub.
Nizami rayonunda soyğunçuluq edən şəxs saxlanılıb
Bakının Nizami rayonunda soyğunçuluq hadisəsi baş verib. Naməlum şəxs zərərçəkənə zor tətbiq edərək içərisində 745 manat, mobil telefon, şəxsiyyət vəsiqəsi və bank kartı olan pul kisəsini talayıb. Nizami RPİ 24-cü Polis Şöbəsi əməkdaşlarının həyata keçirdikləri tədbirlərlə hadisəni törətməkdə şübhəli bilinən əvvəllər məhkum olunmuş 28 yaşlı R.Tağıyev saxlanılıb. Faktla bağlı araşdırmalar davam etdirilir.
Paytaxtda oğurluq edənlər saxlanılıb
Binəqədi rayonu Biləcəri qəsəbəsində yerləşən evlərin birindən oğurluq olub. Zərərçəkən polisə müraciət edərək evindən ümumilikdə 3000 manat dəyərində qızıl-zinət əşyası və nağd pulun talanmasını bildirib. Polis əməkdaşlarının keçirdikləri tədbirlərlə oğurluğu törətməkdə şübhəli bilinən əvvəllər məhkum olunmiş N.Yusubov saxlanılıb.Nizami rayonunda isə kafelərin birindən 261 manat oğurlamaqda şübhəli bilinən əvvəllər məhkum olunmuş 25 yaşlı Ş.Xudaverdiyev də polis əməkdaşları tərəfindən saxlanılıb.Faktlarla bağlı araşdırma aparılır.
Abşeron və Səbail rayonlarında oğurluq edən və avtomobil qaçıran 2 nəfər saxlanılıb
İyunun 16-da gecə saatlarında Səbail rayonu ərazisində yerləşən 2 evdən mobil telefon, 400 manat dəyərində qızıl-zinət əşyaları və 50 manat pul vəsaiti oğurlanıb.Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən 22 yaşlı Ə.Bağırov müəyyən olunaraq saxlanılıb.Abşeron rayonu ərazisində isə bir nəfərə məxsus “Hyundai” markalı avtomobili qaçırmaqda şübhəli bilinən 25 yaşlı A.İbrahimov da avtomobillə birgə saxlanılıb.Araşdırma aparılır.
Abşeron və Suraxanı rayonlarında oğurluq edən 3 şəxs saxlanılıb
Abşeron rayonu ərazisində yerləşən iki evdən və avtobusdan oğurluq edilib. Belə ki, evlərdən 330 manat dəyərində məişət əşyaları və təmir alətləri, avtobusdan isə maqnitofon, eləcə də 185 manat oğurlanıb.Abşeron Rayon Polis İdarəsi əməkdaşlarının keçirdikləri tədbirlərlə oğurluqlar etməkdə şübhəli bilinən 27 yaşlı B.Sayılov saxlanılıb.Rayon ərazisində keçirilən digər tədbir zamanı isə bir nəfərə məxsus “Mercedes” markalı avtomobildən oğurluq etməkdə şübhəli bilinən, əvvəllər məhkum olunmuş 41 yaşlı N.Məmmədli saxlanılıb.Bundan başqa, Suraxanı rayonu ərazisində yerləşən evlərin birindən 2300 manat dəyərində televizor oğurlamaqda şübhəli bilinən əvvəllər məhkum olunmuş 38 yaşlı F.Alıyev də polis əməkdaşları tərəfindən saxlanılıb.Faktlarla bağlı araşdırma aparılır.
İtkin düşmüş kimi axtarışı aparılan 9 nəfər tapılaraq aidiyyəti üzrə təhvil verilib
İyunun 17-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 9 nəfər tapılaraq aidiyyəti üzrə təhvil verilib.
Dələduzluğa görə axtarışda olan 10 nəfər saxlanılaraq istintaqa təhvil verilib
Polis əməkdaşlarının iyunun 17-də keçirdikləri əməliyyat tədbirləri ilə dələduzluğa görə axtarışda olan 10 nəfər saxlanılaraq istintaqa təhvil verilib.
Ümumi çəkisi 7,6 kiloqramdan artıq narkotik vasitə götürülüb
Polis əməkdaşlarının keçirdikləri əməliyyat tədbirləri ilə iyunun 17-də ümumi çəkisi 7,6 kiloqramdan artıq narkotik vasitə götürülüb, yabanı halda bitmiş 4,8 tondan artıq çəkidə 4706 ədəd çətənə kolu aşkar olunaraq məhv edilib. Bu istiqamətdə qətiyyətli mübarizə tədbirləri davam etdirilir.
Qanunsuz saxlanılan odlu silah-sursat aşkar olunaraq götürülüb
Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. İyunun 17-də polis əməkdaşları paytaxt və respublikanın ayrı-ayrı rayonlarında 3 avtomat silahı, 2 qumbara, 2 alışdırıcı, 5 tüfəng, 2 patron darağı və 88 ədəd müxtəlif çaplı patron aşkar edərək götürüblər.
“Tiktok”da investisiya və yatırım adı altında vətəndaşların pulunu ələ keçirən şəxs saxlanılıb
Nəsimi Rayon Polis İdarəsi əməkdaşlarının keçirdikləri tədbirlərlə sosial şəbəkələrdə investisiya və yatırım, eləcə də qanunsuz onlayn qumar-kazino oyunlarında qazanc əldə etmək adı altında dələduzluq edən 23 yaşlı Fərhad Süleymanov saxlanılıb. O, “TikTok” sosial şəbəkəsində “Gazanc Tiktok”, “Zahid.Əliyev114”, “Yusif Mamedov” adlı səhifələr açaraq orada tanış olduğu şəxslərə kiçik məbləğlərdə pul vəsaitləri göndərdikləri təqdirdə yüksək məbləğdə qazanc əldə edəcəklərini, qanunsuz onlayn qumar-kazino oyunlarına investisiya yatıraraq maddi gəlir qazanacaqlarına dair yalan vədlər verib. F.Süleymanov bu kimi kiberdələduzluq üsulları ilə 20-yə yaxın vətəndaşı aldadaraq onların pul vəsaitini ələ keçirib. Faktlarla bağlı araşdırma aparılır.F.Süleymanovun qanunsuz əməllərindən zərər çəkən başqa vətəndaşlar varsa, bu barədə polisə məlumat verə bilərlər.Bir daha vətəndaşlara müraciət edirik ki, sosial şəbəkələrdə tanış olduqları naməlum şəxslərin saxta vədlərinə aldanmasınlar, investisiya və ya yatırım adı altında gələn şirnikləndirici təklifləri qəbul etməsinlər. Maddi vəsaitlərini tanımadıqları şəxslərə göndərməsinlər, şəxsi və bank kartı məlumatlarını heç bir halda qarşı tərəflə bölüşməsinlər.
