İtkin düşmüş kimi axtarışda olan şəxslər tapılaraq aidiyyəti üzrə təhvil verilib

10.07.2024

İyulun 10-da polis əməkdaşlarının keçirdikləri tədbirlərlə itkin düşmüş kimi axtarışda olan 4 nəfər tapılaraq aidiyyəti üzrə təhvil verilib. 

Bir qadının pulunu və geyim əşyalarını aldadaraq dələduzluq əməli törətməkdə şübhəli bilinən şəxs müəyyən olunaraq saxlanılıb

10.07.2024

Binəqədi RPİ-nin 7-ci Polis Bölməsinə bir qadının 1000 manat, 1000 ABŞ dolları pulunun və geyim əşyalarının aldadılaraq alınması barədə müraciət daxil olub.Polis əməkdaşlarının keçirdikləri tədbirlərlə dələduzluq əməlini törətməkdə şübhəli bilinən V.Qəmbərov müəyyən olunaraq saxlanılıb.Araşdırma aparılır. 

Yeni Suraxanı qəsəbəsində evlərin birindən qızıl-zinət əşyaları oğurlamaqda şübhəli bilinən şəxs müəyyən olunaraq saxlanılıb

10.07.2024

Suraxanı RPİ 31-ci Polis Şöbəsi əməkdaşlarının keçirdikləri tədbirlərlə iyulun 8-də Yeni Suraxanı qəsəbəsində evlərin birindən 12.100 manat dəyərində qızıl-zinət əşyaları oğurlamaqda şübhəli bilinən  H.Bağırov müəyyən olunaraq saxlanılıb.Araşdırma aparılır. 

Sumqayıt şəhəri ərazisində yerləşən istirahət mərkəzində bir nəfərin pulqabısını oğurlamaqda şübhəli bilinən şəxslər müəyyən olunaraq saxlanılıblar

10.07.2024

Sumqayıt şəhəri ərazisində yerləşən istirahət mərkəzində bir nəfərin içərisində 4300 manatı olan pulqabısının oğurlanması barədə polisə məlumat daxil olub.Sumqayıt ŞPİ-nin 1-ci Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən E.Məmmədov, K.Hacıyev, S.Şahməmmədov və əvvəllər məhkum olunmuş Ə.Məmmədov müəyyən olunaraq saxlanılıb.Araşdırma aparılır. 

Goranboy rayonunun Yeni Yol kəndi ərazisindən avtomobil qaçırmaqda şübhəli bilinən şəxs müəyyən edilərək avtomobillə birgə saxlanılıb

10.07.2024

Suraxanı rayonu Hövsan qəsəbə sakininin həyətyanı sahəsindən kultivasiya yolu ilə yetişdirilmiş çətənə kolları aşkar olunaraq götürülüb

10.07.2024

Suraxanı RPİ 30-cu Polis Şöbəsi əməkdaşlarının keçirdikləri tədbirlərlə Hövsan qəsəbə sakini Ə.Fərəcovun həyətyanı sahəsindən kultivasiya yolu ilə yetişdirilmiş çətənə kolları aşkar olunaraq götürülüb.Araşdırma aparılır. 

Yevlax Rayon ərazisində şəhər sakinindən marixuana aşkar olunaraq götürülüb

10.07.2024

Şirvan Şəhər ərazisində yabanı halda bitmiş çətənə kolu aşkar olunaraq məhv edilib

10.07.2024

Nərimanov rayonunda avtoxuliqanlıq edərək görüntüləri sosial şəbəkələrdə paylaşan sürücülər müəyyən ediliblər

10.07.2024

Nərimanov Rayon Polis İdarəsinin Dövlət Yol Polisi Şöbəsinin əməkdaşlarının keçirdikləri tədbirlərlə yol hərəkəti qaydalarını kobud şəkildə pozaraq digər hərəkət iştirakçılarının həyatına təhlükə yaradan sürücülər aşkarlanıblar. Gecə saatlarında təhlükəsizlik qaydalarına əməl etməyərək yüksək sürətlə motosiklet idarə edən Tural Əkbərov və idarə etdiyi avtomobillə avtoxuliqanlıq hərəkətlərinə yol verən Nicat Şamıyev müəyyən olunublar. Hər iki şəxs barəsində inzibati protokol tərtib edilib. Məhkəmənin qərarı ilə Tural Əkbərovun  sürücülük hüqüqu 6 ay, Nicat Şamıyevin isə 1 il müddətinə məhdudlaşdırılıb. Şöbə əməkdaşlarının həyata keçirdikləri digər tədbirlərlə avtoxuliqanlıq edərək həmin görüntüləri lentə alan və sosial şəbəkələrdə paylaşan Elmir Qarayev, eləcə də Elşən Mirzəyev müəyyən ediliblər. Bu sürücülər barəsində də inzibati protokollar tərtib olunub. Məhkəmənin qərarı ilə Elmir Qarayev və Elşən Mirzəyevin sürücülük hüqüqu 1 il müddətinə məhdudlaşırılmaqla cərimə ediliblər.

Gün ərzində ölkə ərazisində qeydə alınan 56 cinayətin açılması təmin olunub

09.07.2024

İyulun 9-da ölkə ərazisində qeydə alınan 54, əvvəlki dövrlərdən bağlı qalan 2 cinayətin açılması polis əməkdaşları tərəfindən təmin olunub.