Nizami rayonu ərazisində bir nəfəri əlavə gəlir qazanmaq adı ilə aldadıb pul vəsaitini ələ keçirməkdə şübhəli bilinən A.Dilicani və T.Əliyev saxlanılıblar

06.02.2025

Nizami rayonu ərazisində bir nəfərin dələduzluğa məruz qalması barədə polisə məlumat daxil olub. Nizami RPİ 24-cü Polis Şöbəsi əməkdaşları tərəfindən aparılan araşdırmalarla həmin şəxsin əlavə gəlir qazanmaq adı ilə aldadılıb 21 min manatdan artıq pul vəsaitinin ələ keçirilməsi məlum olub.Polis əməkdaşlarının keçirdikləri tədbirlərlə dələduzluq əməlini törətməkdə şübhəli bilinən 26 yaşlı A.Dilicani və 30 yaşlı T.Əliyev müəyyən edilərək saxlanılıblar.Araşdırma aparılır.

Nəsimi rayonunda oğurluqda şübhəli bilinən 2 şəxs saxlanılıb

06.02.2025

Nəsimi rayonu ərazisində biri avtomobildən olmaqla 2 şəxsin mobil telefonlarının oğurlanması barədə polisə məlumatlar daxil olub.Polis əməkdaşlarının keçirdikləri tədbirlərlə oğurluq əməllərini törətməkdə şübhəli bilinən 67 yaşlı A.Həsənov və əvvəllər məhkum olunmuş 52 yaşlı C.Kərimov müəyyən olunaraq saxlanılıblar.Araşdırma aparılır.

Dələduzluğa görə axtarışda olan 7 nəfər saxlanılaraq istintaqa təhvil verilib

06.02.2025

Polis əməkdaşlarının fevralın 6-da keçirdikləri əməliyyat tədbirləri ilə dələduzluğa görə axtarışda olan 7 nəfər saxlanılaraq istintaqa təhvil verilib. 

Ümumi çəkisi 27,4 kiloqramdan artıq narkotik vasitə aşkar olunaraq götürülüb

06.02.2025

Polis əməkdaşlarının keçirdikləri əməliyyat tədbirləri ilə fevralın 6-da ümumi çəkisi 27,4 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 9,8 kiloqrama yaxın heroin, 15,5 kiloqrama yaxın marixuana, 2,1 kiloqramdan çox həşiş, həmçinin 22 ədəd metadon həbi olub.  Bu istiqamətdə qətiyyətli mübarizə tədbirləri davam etdirilir.   

Qanunsuz saxlanılan odlu silah-sursat aşkar olunaraq götürülüb

06.02.2025

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Fevralın 6-da polis əməkdaşları paytaxt və respublikanın ayrı-ayrı rayonlarında 11 avtomat silahı, 11 tüfəng, 11 patron darağı və 1925 ədəd müxtəlif çaplı patron aşkar edərək götürüblər.

Gün ərzində ölkə ərazisində qeydə alınan 74 cinayətin açılması təmin olunub

05.02.2025

Fevralın 5-də ölkə ərazisində qeydə alınan 60, əvvəlki dövrlərdən bağlı qalan 14 cinayətin açılması polis əməkdaşları tərəfindən təmin olunub.

Səbail rayonunda dələduzluq edən şəxslər saxlanılıblar

05.02.2025

Səbail rayonu ərazisində bir nəfəri aldadaraq hesabına 6000 manat ödətdirən şəxslə bağlı polisə məlumat daxil olub. Səbail RPİ 8-ci Polis Bölməsi əməkdaşlarının keçirdikləri tədbirlərlə dələduzluq əməlini törətməkdə şübhəli bilinən 28 yaşlı M.Xəlilov müəyyən olunaraq saxlanılıb. Nərimanov rayonu ərazisində də dələduzluq yolu ilə paytaxt sakininin maddi vəsaitini ələ keçirən 31 yaşlı İ.Alışov müəyyən olunaraq saxlanılıb. Hər iki faktla bağlı araşdırma aparılır.

Paytaxtda quldurluq edən şəxslər saxlanılıblar

05.02.2025

Nəsimi rayonu ərazisində bir nəfərə zor tətbiq edilməklə 500 manatın talanması barədə polisə məlumat daxil olub.  Nəsimi RPİ 20-ci Polis Şöbəsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən, əvvəllər məhkum olunmuş E.Məmmədli müəyyən olunaraq saxlanılıb.Paytaxtın Yasamal rayonu ərazisində isə mənzillərin birinə daxil olaraq ev sahibinə zor tətbiq etməklə  300 manat və geyim əşyalarını quldurluq yolu ilə talayan, əvvəllər məhkum olunmuş 25 yaşlı K.Əsgərov müəyyən olunaraq saxlanılıb. Hər iki faktla bağlı araşdırma aparılır.

Qadını şantaj edən şəxs tutulub

05.02.2025

Paytaxt sakini olan 32 yaşlı qadın polisə müraciət edərək bir nəfərin ona məxsus fotoşəkilləri sosial şəbəkələrdə yayacağı ilə hədə-qorxu gəldiyini və 4500 manat pul tələb etdiyini bildirib.Polis əməkdaşlarının keçirdikləri tədbirlərlə hədə-qorxu ilə tələb etməkdə şübhəli bilinən 35 yaşlı T.Əhliyarlı müəyyən olunaraq saxlanılıb.Faktla bağlı cinayət işi başlanılıb, araşdırma davam etdirilir.

İtkin düşmüş kimi axtarışı aparılan 4 nəfər tapılaraq aidiyyəti üzrə təhvil verilib

05.02.2025

Fevralın 5-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 4 nəfər tapılaraq aidiyyəti üzrə təhvil verilib.