Quldurluq etməkdə şübhəli bilinən Ucar rayonunun Bağman kənd sakini R.Orucov saxlanılmışdır
09.11.2019Noyabrın 8-də Ucar rayonunun Məlikballı kənd sakini K.Daşdıyevin kəsilmiş-deşilmiş xəsarətlə xəstəxanaya gətirilməsi barədə Ucar RPŞ-yə məlumat daxil olmuşdur.
Dərhal polis əməkdaşları tərəfindən müvafiq tədbirlər həyata keçirilmişdir. Faktla əlaqədar Cinayət Məcəlləsinin 126-cı (Qəsdən sağlamlığa ağır zərər vurma) maddəsi ilə cinayət işi başlanılmışdır.
Polis əməkdaşları tərəfindən aparılan araşdırmalarla naməlum şəxsin K.Daşdıyevə bıçaqla xəsarət yetirib mobil telefonunu alması müəyyən edilmişdir.Keçirilmiş əməliyyat-axtarış tədbiri nəticəsində quldurluğu törətməkdə şübhəli bilinən Bağman kənd sakini R.Orucov qısa müddətdə müəyyən edilərək saxlanılmışdır.
Faktla əlaqədar başlanmış cinayət işi Cinayət Məcəlləsinin 181-ci (quldurluq) maddəsinə tövsif edilmişdir.
Çap et