Xırdalan şəhərinin Nizami küçəsində idarə etdiyi avtomobillə yolu keçən azyaşlı M.Xəlilovu vuraraq hadisə yerindən yayınmış sürücü saxlanılmışdır

25.06.2019

İyunun 25-də saat 18 radələrində Xırdalan şəhərinin Nizami küçəsində müəyyən edilməmiş avtomobillə yolu keçən şəhər sakini, azyaşlı Məhəmməd Xəlilov vurulmuş və hadisə yerində ölmüşdür.

Abşeron RPİ əməkdaşlarının keçirdikləri təxirəsalınmaz əməliyyat-axtarış tədbirləri nəticəsində yol-nəqliyyat hadisəsinin “KamAZ” markalı avtomobillə törədildiyi müəyyən edilmişdir. Yol qəzasını törədərək hadisə yerindən yayınmış həmin nəqliyyat vasitəsini idarə edən Masazır kənd sakini F.Həsənov polis əməkdaşları tərəfindən saxlanılmışdır.   

Araşdırma aparılır.