Göyçay şəhərində quldurluq etmiş şəxslərdən ikisi tutulmuş, qalan iki nəfər isə müəyyən edilmişdir
02.12.2015Dekabrın 1-də Göyçay şəhərində yaşayan Fərzalı Hacıyevin evinə girmiş 3 maskalı şəxs arvadı Rəxşəndəni və oğlu Fərhadı döymüş, bıçaqla hədələyib oradan 100 manat və qızıl əşyalar aparmışdır.
Həyata keçirilmiş əməliyyat-axtarış tədbirləri ilə hadisəni törətmiş Bərdə rayon sakini Səxavət Mehdiyevin idarə etdiyi “Opel” markalı avtomobil Qobustan rayonu ərazisində YPXA-nın əməkdaşları tərəfindən saxlanılmış, S.Mehdiyev və sərnişini, Şərur rayon sakini Orxan İsmayılov RPŞ-yə təhvil verilmişlər.
Ətraflarında aparılmış əməliyyat tədbirləri ilə onların hadisəni Tərtər rayon sakini Emin Əliyev və Bakı şəhər sakini Eltac Şəmiyevlə birgə törətmələri müəyyən edilmişdir.
Çap et