Qaçırılmış avtomobildən oğurlanmış dövlət qeydiyyat nişanları aşkar edilmişdir
20.01.2015Bakı şəhər sakini Pərviz Babayevə məxsus “BMW” markalı avtomobilin ötən ilin noyabrın 30-da oğurlanmış dövlət qeydiyyat nişanları üzərində olan “VAZ-2107” markalı avtomobilin yanvarın 20-də C.Qurbanov küçəsində hərəkətdə olması aşkar edilmişdir. DİN-in Təhlükəsiz Şəhər Xidməti, Çevik Polis Alayı və Suraxanı RPİ 31-ci PB əməkdaşlarının həyata keçirdikləri tədbirlər nəticəsində avtomobil saxlanılmış, onun Bakı şəhər sakini Kamran Mürsəlov tərəfindən idarə edilməsi müəyyən edilmişdir. Avtomobilin yük yerinə baxış zamanı oradan qeyd edilən “VAZ-2107” markalı avtomobilə, həmçinin İsvecrəyə və BƏƏ-nə aid dövlət qeydiyyat nişanları da aşkar edilərək götürülmüşdür.
Araşdırmalar zamanı qeyd edilən avtomobilin Hüseyn Hüseynliyə məxsus olması və yanvarın 20-nə keçən gecə yaşadığı Əmircan qəsəbəsindən qaçırılması da müəyyən edilmişdir.
Suraxanı RPİ tərəfindən araşdırma aparılır.
Çap et