Qanunsuz saxlanılan odlu silahların könüllü təhvil verilməsi ilə bağlı profilaktik tədbirlər davam etdirilir

21.07.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. İyulun 20-də və 21-də polis əməkdaşları paytaxt və respublikanın ayrı-ayrı rayonlarında 2 avtomat silahı, 1 qumbara, 14 tüfəng, 3 patron darağı və 49 ədəd müxtəlif çaplı patron təhvil götürüblər. Polis əməkdaşlarının keçirdikləri əməliyyat tədbirləri ilə qanunsuz saxlanılan 2 tüfəng aşkar edilərək götürülüb.

Ümumi çəkisi 7,7 kiloqrama yaxın narkotik vasitə və 60 ədəd metadon həbi aşkar olunaraq götürülüb

21.07.2024

Polis əməkdaşlarının keçirdikləri əməliyyat tədbirləri ilə iyulun 20-də və 21-də ümumi çəkisi 7,7 kiloqrama yaxın narkotik vasitə, həmçinin 60 ədəd metadon həbi aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 3 nəfər saxlanılaraq istintaqa təhvil verilib

21.07.2024

Polis əməkdaşlarının iyulun 20-də və 21-də keçirdikləri əməliyyat tədbirləri ilə dələduzluğa görə axtarışda olan 3 nəfər saxlanılaraq istintaqa təhvil verilib. 

İtkin düşmüş kimi axtarışda olan 11 nəfər tapılaraq aidiyyəti üzrə təhvil verilib

21.07.2024

İyulun 20-də və 21-də polis əməkdaşlarının keçirdikləri tədbirlərlə itkin düşmüş kimi axtarışda olan 11 nəfər tapılaraq aidiyyəti üzrə təhvil verilib. 

Sumqayıt şəhəri ərazisində bir nəfərin pulunu və mobil telefonunu quldurluq yolu ilə talamaqda şübhəli bilinən T.Babaverdiyev saxlanılıb

21.07.2024

İyulun 21-də Sumqayıt şəhəri ərazisində bir nəfərin 460 manat pulunun və mobil telefonunun quldurluq yolu ilə talanması barədə polisə məlumat daxil olub. Sumqayıt ŞPİ 4-cü Polis Bölməsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən, əvvəllər narkotiklərlə əlaqəli cinayətə görə məhkum olunmuş T.Babaverdiyev müəyyən olunaraq saxlanılıb. Sumqayıt Şəhər Polis İdarəsində araşdırma aparılır. 

Yasamal rayonu ərazisində yerləşən uşaq bağçalarının birindən kombi aparatını oğurlamaqda şübhəli bilinən O.Abdullayev saxlanılıb

21.07.2024

Yasamal rayonu ərazisində yerləşən uşaq bağçalarının birinin divarından kombi aparatının oğurlanması barədə polisə məlumat daxil olub. Yasamal RPİ 29-cu Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən O.Abdullayev müəyyən olunaraq saxlanılıb.  Araşdırma aparılır. 

Səbail rayonu ərazisində bir qadının mobil telefonunu soyğunçuluq yolu ilə talamaqda şübhəli bilinən X.Əmirov saxlanılıb

21.07.2024

Səbail RPİ 39-cu Polis Bölməsi əməkdaşlarının keçirdikləri tədbirlərlə iyulun 21-də axşam saatlarında rayon ərazisində bir qadının mobil telefonunu soyğunçuluq yolu ilə talamaqda şübhəli bilinən əvvəllər məhkum olunmuş X.Əmirov müəyyən olunaraq saxlanılıb. Səbail Rayon Polis İdarəsində araşdırma aparılır. 

Fatmayı bağlar sahəsində yerləşən evlərin birindən 20.000 manat dəyərində avtomobil ehtiyat hissələrini oğurlamaqda şübhəli bilinən bir qrup şəxs saxlanılıb

21.07.2024

Fatmayı bağlar sahəsində yerləşən evlərin birindən oğurluq olub. Polisə müraciət edən ev sahibi oradan 20.000 manat dəyərində avtomobil ehtiyat hissələrinin oğurlandığını bildirib. Binəqədi RPİ 43-cü Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən R.İbrahimov, Q.Ələsgərov, C.Ələsgərov və Ə.Hüseynov müəyyən olunaraq saxlanılıblar.Araşdırma aparılır.

Sumqayıt şəhərində bir mağazadan avtomobil ehtiyat hissələrini oğurlamaqda şübhəli bilinən R.İsmayılov saxlanılıb

21.07.2024

Sumqayıt şəhərində bir mağazadan 3500 manat dəyərində avtomobil ehtiyat hissələrinin oğurlanması barədə polisə məlumat daxil olub. Sumqayıt ŞPİ 5-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən R.İsmayılov saxlanılıb.Araşdırma aparılır. 

Qaradağ rayonunun Lökbatan qəsəbəsində evlərin birindən pul oğurlamaqda şübhəli bilinən H.Balazadə saxlanılıb

21.07.2024

Qaradağ RPİ 10-cu Polis Şöbəsi əməkdaşlarının keçirdikləri tədbirlərlə Lökbatan qəsəbəsində evlərin birindən 2000 manat pul oğurlamaqda şübhəli bilinən H.Balazadə saxlanılıb.Araşdırma aparılır.