Suraxanı rayonunda yerləşən kafelərin birində paytaxt sakini F.Zeynalova odlu silahdan açdıqları atəşlə xəsarət yetirməkdə şübhəli bilinən O.Quliyev və E.Babayev saxlanılmışlar
30.11.2019Noyabrın 30-da saat 1 radələrində Suraxanı rayonunun Yeni Günəşli qəsəbəsi ərazisində yerləşən kafelərin birində 2 nəfər xuliqanlıq zəminində odlu silahdan açdıqları atəşlə Bakı şəhər sakini F.Zeynalovun əl nahiyəsinə xəsarət yetirmişlər.
Xəsarət almış F.Zeynalova xəstəxanada ilkin tibbi yardım göstərilmişdir.
Faktla əlaqədar Cinayət Məcəlləsinin 221-ci (xuliqanlıq) maddəsi ilə cinayət işi başlanmışdır.Suraxanı RPİ 33-cü PB əməkdaşlarının keçirdikləri əməliyyat-axtarış tədbirləri nəticəsində xuliqanlığı törətməkdə şübhəli bilinən paytaxt sakinləri O.Quliyev və E.Babayev saxlanılmışlar. E.Babayevdən cinayətdə istifadə etdiyi “Winchester” markalı tüfəng götürülmüşdür.
Çap et