Münaqişə zəminində tüfəngdən açdığı atəşlə həmyerlisi C.Babayevə xəsarət yetirib hadisə yerini tərk etmiş Bakı şəhər sakini V.Şərifov saxlanılmışdır
17.11.2018Noyabrın 17-də saat 13 radələrində Xəzər rayonunun Şüvəlan qəsəbəsi ərazisində Bakı şəhər sakini, əvvəllər məhkum olunmuş Vüqar Şərifov münaqişə zəminində tüfəngdən açdığı atəşlə həmyerlisi Cabir Babayevin ayağına xəsarət yetirib hadisə yerini tərk etmişdir.
Xəstəxanaya yerləşdirilmiş C.Babayev saat 17 radələrində ölmüşdür.
Xəzər RPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində V.Şərifov saxlanılmış, ondan hadisəni törədərkən istifadə etdiyi müvafiq sənədləri olmayan, qundağı və lüləsi kəsilmiş “İJ” markalı tüfəng götürülmüşdür.Faktla əlaqədar cinayət işi başlanmışdır.
Çap et