Cəlilabad rayonunun Alar kəndində yol-nəqliyyat hadisəsi

19.10.2007

Saat 17.05 radələrində Cəlilabad rayonunun Alar kəndində Bakı şəhər sakini Vaqif İsmayılovun idarə etdiyi "VAZ-2107" markalı və Masallı rayon sakini Nurməmməd Məmmədovun idarə etdiyi "VAZ-2104" markalı avtomaşınlar toqquşmuşlar. Nəticədə V.İsmayılovun sərnişinlərindən Yardımlı rayon sakini Fəxriyyə Naibova və Bakı şəhər sakini Ceyhun İsmayılov hadisə yerində ölmüş, V.İsmayılov və digər 3 sərnişini, habelə N.Məmmədovun 2 sərnişini xəsarətlə xəstəxanaya yerləşdirilmişlər. Cəlilabad RPŞ tərəfindən araşdırmalar aparılır.