Özlərini polis əməkdaşı kimi təqdim edən Gəncə şəhər sakinləri Hüseyn Hüseynov və Rəfayel Qoçayev tutulmuş, digər şəxs isə müəyyən edilmişdir
05.10.2016Oktyabrın 4-də Şəki rayonunun Aşağı Göynük kəndində rayon sakini Sərvan Rəsulova məxsus mağazaya gələrək özlərini polis əməkdaşı kimi təqdim edən 3 nəfər ona məxsus “VAZ-21099” markalı avtomobili aparmışlar.
Şəki ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Gəncə şəhər sakinləri Hüseyn Hüseynov və Rəfayel Qoçayev tutulmuş, digər şəxs isə müəyyən edilmişdir.
Avtomobil sahibinə qaytarılmışdır.Araşdırmalar zamanı cari il sentyabrın 14-də H.Hüseynovun soyğunçuluq yolu ilə Sərvandan 192 manat, habelə 2015-ci ilin iyul ayında H.Hüseynovun və S.Məhərrəmovanın Sərvanın qardaşı Sərxandan 50 manat və 20 litr benzin almaları da müəyyən edilmişdir.
Faktla bağlı Cinayət Məcəlləsinin 180-ci (soyğunçuluq) maddəsi ilə cinayət işi başlanmışdır.Şəki ŞRPŞ tərəfindən əməliyyat-axtarış tədbirləri aparılır.
Çap et