Dələduzluq etməkdə şübhəli bilinən Hacıqabul rayon sakini Sabir Həsrətov tutulmuşdur
05.10.2016Hacıqabul RPŞ və Sabunçu RPİ əməkdaşlarının həyata keçirdikləri əməliyyat-axtarış tədbirləri nəticəsində cari il iyunun 3-də rayon sakini Zahidağa Səmədbəylini aldadıb 2400 manat pulunu almaqda şübhəli bilinən həmyerlisi Sabir Həsrətov tutulmuşdur. Ətrafında aparılmış əməliyyat tədbirləri ilə onun 2015-ci ildə Hacıqabul rayon sakini Əlisəddar Ağayevi və Şirvan şəhər sakini Əlizamin Nəsirovu aldadıb onlardan ümumilikdə 4400 manat pul alması, habelə Sabunçu RPİ tərəfindən Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilmişdir.
Çap et