Binəqədi rayonu ərazisində məişət tullantıları qutularının içərisindən silah-sursat aşkar edilərək götürülmüşdür
17.01.2014Yanvarın 17-də paytaxt sakinlərindən biri DİN-in "102" Xidmətinə zəng edərək Binəqədi rayonu Şəmsi Rəhimov küçəsinin yaxınlığında yerləşən məişət tullantıları qutularının içərisində silah-sursatın olması barədə məlumat vermişdir.
Daxil olan məlumatın dəqiqləşdirilməsi məqsədilə dərhal sözügedən ünvana gəlmiş polis əməkdaşları tərəfindən məişət tullantıları qutularına baxış keçirilmiş, bu zaman xeyli adda odlu silah, o cümlədən 24 avtomat silahı, 103 ədəd əl qumbarası və alışdırıcısı, 1 ədəd qumbaraatan, 1 ədəd əl pulemyotu, 2 snayper tüfəngi, 1 ədəd "TOZ-8", 1 ov tüfəngi, 39 ədəd mərmi, 36 avtomat darağı, 5 ədəd işıqlandırıcı raket, 4 tüstüverici şaşka, 31186 ədəd müxtəlif çaplı patron və digər hərbi sursat aşkar edilərək götürülmüşdür.
Çap et