Sentyabrın 9-da Yasamal rayonu ərazisində, naməlum şəxs odlu silahdan atəş açaraq  Bakı şəhər sakini Taleh Məmmədova xəsarət yetirmişdir. Xəsarətlə xəstəxanaya yerləşdirilmiş T.Məmmədov orada ölmüşdür. DİN Baş Mühafizə İdarəsi, Bakı BPİ-nin  Cinayət-Axtarış İdarəsi və Yasamal RPİ əməkdaşları tərəfindən keçirilmiş əməliyyat-axtarış tədbirləri nəticəsində hadisənin münaqişə zəminində Bakı şəhər sakini Müseyib Cəfərov tərəfindən törədilməsi müəyyən edilmişdir. M.Cəfərovun qardaşı Mübariz hadisə zamanı istifadə edilmiş 1 ədəd "Makarov" markalı tapançanı və 5 ədəd gülləni könüllü olaraq polisə təhvil vermişdir. M.Cəfərovun tutulması üçün tədbirlər davam etdirilir. İlkin yoxlama prokurorluq, əməliyyat-axtarış tədbirləri Yasamal RPİ tərəfindən aparılır.