Binəqədi rayonunun Sulutəpə qəsəbəsində evlərin birindən pul və qızıl-zinət əşyalar oğurlamaqda şübhəli bilinən R.Əhmədov saxlanılıb

22.12.2023

Binəqədi RPİ 40-cı Polis Bölməsi əməkdaşlarının keçirdikləri tədbirlərlə Sulutəpə qəsəbəsində evlərin birindən 1000 manat pul və 4000 manat dəyərində qızıl-zinət əşyaları oğurlamaqda şübhəli bilinən Şamaxı rayon sakini, əvvəllər oğurluğa görə məhkum olunmuş  R.Əhmədov saxlanılıb. Araşdırma aparılır.

Səbail rayonu ərazisində bir kafedə və bir mağazada mobil telefonlar oğurlamaqda şübhəli bilinən şəxslər saxlanılıblar

22.12.2023

Səbail RPİ 39-cu Polis Bölməsi əməkdaşlarının keçirdikləri tədbirlərlə rayon ərazisində müxtəlif vaxtlarda bir kafedə və bir mağazada 2 nəfərin mobil telefonlarını oğurlamaqda şübhəli bilinən Sumqayıt şəhər sakini Z.Mustafayev və Hacıqabul rayon sakini B.Mikayılov saxlanılıblar. Araşdırma aparılır.

Qaraçuxur qəsəbəsi ərazisində yerləşən mağazaların birindən ət oğurlamaqda şübhəli bilinən Bakı şəhər sakini R.Canlarov saxlanılıb

22.12.2023

Dekabrın 20-də Qaraçuxur qəsəbəsi ərazisində yerləşən mağazaların birindən 4880 manat dəyərində ət oğurlanması barədə polisə məlumat daxil olub. Suraxanı RPİ 32-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən Bakı şəhər sakini R.Canlarov müəyyən olunaraq saxlanılıb.Araşdırma aparılır.

Sumqayıt şəhəri ərazisində iki mağazadan və bir yanacaq doldurma məntəqəsindən pul oğurlamaqda şübhəli bilinən H.Nurəliyev saxlanılıb

22.12.2023

Sumqayıt ŞPİ 4-cü Polis Bölməsi əməkdaşlarının keçirdikləri tədbirlərlə müxtəlif vaxtlarda şəhər ərazisində iki mağazadan və bir yanacaq doldurma məntəqəsindən 1600 manatdan çox pul oğurlamaqda şübhəli bilinən Sumqayıt şəhər sakini, əvvəllər məhkum olunmuş H.Nurəliyev müəyyən olunaraq saxlanılıb. Araşdırma aparılır.

Gün ərzində ölkə ərazisində qeydə alınan 67 cinayətin açılması təmin olunub

21.12.2023

Dekabrın 21-də ölkə ərazisində qeydə alınan 60, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

21.12.2023

Dekabrın 21-də polis əməkdaşları paytaxt və respublikanın ayrı-ayrı rayonlarında 1 ədəd avtomat və 11 ədəd müxtəlif markalı tüfəng təhvil götürüblər.

Qanunsuz saxlanılan silah-sursat aşkar edilərək götürülüb

21.12.2023

Dekabrın 21-də polis əməkdaşlarının keçirdikləri əməliyyat tədbirləri ilə qanunsuz saxlanılan 4 ədəd qumbara, 1 ədəd tapança, 1 ədəd patron darağı, 1 tüfəng və 8 ədəd patron aşkar edilərək götürülüb.

Sərxoş vəziyyətdə və sürücülük hüquq olmadan nəqliyyat vasitəsi idarə edən şəxs inzibati qaydada həbs olunub

21.12.2023

Dekabrın 18-də saat 23 radələrində Abşeron rayonunun Sulutəpə qəsəbəsi ərazisində “VAZ-21061” markalı avtomobil Baş Dövlət Yol Polisi İdarəsinin əməkdasları tərəfindən nəzarət qaydasında saxlanılıb.Sürücü Ağsu rayon sakini Q.İmaməliyevin sərxoş vəziyyətdə və sürücülük hüquq olmadan nəqliyyat vasitəsini idarə etməsi müəyyən olunduğundan barəsində protokol tərtib edilib.  Məhkəmənin qərarı ilə o, 5 gün müddətinə inzibati qaydada həbs olunub.

Sulutəpə qəsəbəsi ərazisində yerləşən marketlərin birində satıcıya 100 manatlıq saxta əsginas verməkdə şübhəli bilinən B.Quliyev saxlanılıb

21.12.2023

Dekabrın 21-də gecə saat 4 radələrində Sulutəpə qəsəbəsi ərazisində yerləşən marketlərin birindən Binəqədi Rayon Mühafizə İdarəsinə həyəcan siqnalı daxil olub.Dərhal polis əməkdaşları həmin ünvana gəlib və satıcıya 1 ədəd 100 manatlıq saxta əsginas verilməsi məlum olub. Əməli törətməkdə şübhəli bilinən Bakı şəhər sakini B.Quliyev saxlanılaraq 40-cı Polis Bölməsinə təhvil verilib.Araşdırma aparılır.

Sumqayıt şəhəri ərazisində avtomobil sürücüsünü aldadaraq 47 manat, daha sonra isə quldurluq yolu ilə 100 manat pulunu talamaqda şübhəli bilinən R.Rəsulov saxlanılıb

21.12.2023

Dekabrın 21-də səhər saatlarında Sumqayıt şəhəri ərazisində “Toyota” markalı avtomobildə sərnişinin sürücünü aldadaraq 47 manat, daha sonra quldurluq yolu ilə 100 manat pulunu talaması barədə polisə məlumat daxil olub. Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə quldurluq əməlində şübhəli bilinən şəhər sakini, əvvəllər narkotiklərlə əlaqəli cinayətə görə məhkum olunmuş R.Rəsulov müəyyən olunaraq saxlanılıb. Sumqayıt Şəhər Polis İdarəsində araşdırma aparılır.