Mayın 9-da metro stansiyalarından birinin keçidində yerləşən piştaxtadan oğurluq etməkdə şübhəli bilinən N.Hüseynov saxlanılıb

13.05.2024

Metropolitendə Polis İdarəsi əməkdaşlarının keçirdikləri tədbirlərlə mayın 9-da metro stansiyalarının birinin keçidində yerləşən piştaxtadan 62 ədəd lotereya biletini oğurlamaqda şübhəli bilinən əvvəllər oğurluq, soyğunçuluq və narkotiklərlə əlaqəli cinayətlərə görə məhkum olunmuş Nəsimi Hüseynov saxlanılıb.Araşdırma aparılır.

Türkan qəsəbəsi ərazisində yerləşən marketlərin birində alış-veriş müqabilində satıcıya saxta əskinaslar verməkdə şübhəli bilinən 2 qadın saxlanılıb

13.05.2024

Türkan qəsəbəsi ərazisində yerləşən marketlərin birində alış-veriş müqabilində satıcıya 3 ədəd 20 manatlıq saxta əskinas verilməsi barədə polisə məlumat daxil olub.Xəzər RPİ 1-ci Polis Şöbəsi əməkdaşlarının keçirdikləri tədbirlərlə bu əməli törətməkdə şübhəli bilinən 2 qadın müəyyən olunaraq saxlanılıb. Araşdırma aparılır. 

Mayın 13-də ümumi çəkisi 15,4 kiloqramdan artıq narkotik vasitə aşkar olunaraq götürülüb

13.05.2024

Polis əməkdaşlarının keçirdikləri əməliyyat tədbirləri ilə mayın 13-də ümumi çəkisi 15,4 kiloqramdan artıq narkotik vasitə aşkar olunaraq götürülüb.   Bu istiqamətdə qətiyyətli mübarizə tədbirləri davam etdirilir. 

Ölkəyə 61 kiloqram narkotik maddə gətirən Astara rayon sakinləri saxlanılıblar

13.05.2024

Polis əməkdaşları tərəfindən ölkə ərazisində narkotiklərin qanunsuz dövriyyəsinin qarşısının alınması istiqamətində intensiv mübarizə tədbirləri davam etdirilir.DİN Baş Narkotiklərlə Mübarizə İdarəsi tərəfindən Astara rayonunda keçirilən növbəti tədbir zamanı rayonun Sım kəndində yaşayan Xətai Xalıqov və qohumu Afşin Salayev saxlanılıblar. Onlardan və X.Xalıqovun idarə etdiyi avtomobildən tərkibi psixotrop maddələrlə zənginləşdirilmiş 61 kiloqram marixuana və narkotiklərin qanunsuz dövriyyəsində istifadə etdikləri 4 ədəd bank kartı aşkarlanıb.Araşdırmalarla müəyyən edilib ki, saxlanılanlar şəxsiyyəti istintaqla araşdırılan İran vətəndaşı ilə əlbir olaraq qaçaqmalçılıq yolu ilə ölkəyə narkotik maddələrin gətirilməsini təşkil edib və marixuananı Sım kəndi ərazisində əldə edib. Onlar maddi qazanc əldə etmək məqsədi ilə həmin narkotikləri ayrı-ayrı şəxslərə çatdırmağı planlaşdırıblar.Faktla bağlı cinayət işi başlanılıb, saxlanılan şəxslər barəsində həbs qətimkan tədbiri seçilib. Əməliyyat-istintaq tədbirləri davam etdirilir.

Gün ərzində ölkə ərazisində qeydə alınan 61 cinayətin açılması təmin olunub

12.05.2024

Mayın 12-də ölkə ərazisində qeydə alınan 55, əvvəlki dövrlərdən bağlı qalan 6 cinayətin açılması polis əməkdaşları tərəfindən təmin olunub.

Mayın 11-də və 12-də ümumi çəkisi 39 kiloqramdan artıq narkotik vasitə aşkar olunaraq götürülüb

12.05.2024

Polis əməkdaşlarının keçirdikləri əməliyyat tədbirləri ilə mayın 11-də və 12-də  ümumi çəkisi 39 kiloqramdan artıq narkotik vasitə aşkar olunaraq götürülüb.   Bu istiqamətdə qətiyyətli mübarizə tədbirləri davam etdirilir. 

Qanunsuz saxlanılan 4 ədəd müxtəlif markalı tüfəng aşkar edilərək götürülüb

12.05.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. Mayın 11-də və 12-də  polis əməkdaşlarının keçirdikləri əməliyyat tədbirləri ilə qanunsuz saxlanılan 4 ədəd müxtəlif markalı tüfəng aşkar edilərək götürülüb.

Nərimanov rayonu ərazisində yeni inşa olunan binaların birindən 7200 manat dəyərində inşaat materiallarını oğurlamaqda şübhəli bilinən S.Mirzəliyev və qardaşı R.Mirzəliyev saxlanılıblar

12.05.2024

Nərimanov rayonu ərazisində yeni inşa olunan binaların birindən 7200 manat dəyərində inşaat materiallarının oğurlanması barədə polisə məlumat daxil olub. Nərimanov RPİ 17-ci Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər oğurluq və narkotiklərlə əlaqəli cinayətlərə görə məhkum olunmuş S.Mirzəliyev və qardaşı R.Mirzəliyev müəyyən olunaraq saxlanılıblar. Araşdırma aparılır. 

Paytaxt sakini olan bir nəfər şəxsin bank kartından 2300 manatının oğurlamaqda şübhəli bilinən qadın saxlanılıb

12.05.2024

Paytaxt sakini olan bir nəfər şəxsin bank kartından 2300 manatının oğurlanması barədə Nizami RPİ-nin 25-ci Polis Şöbəsinə məlumat daxil olub.Araşdırmalarla həmin şəxsin idarə etdiyi “Toyota” markalı avtomobilində sərnişinin onun mobil telefonunu danışmaq adı ilə alması və geri qaytararkən bank kartından 2300 manatının oğurlanması məlum olub.Polis əməkdaşlarının keçirdikləri tədbirlərlə oğurluq əməlində şübhəli bilinən qadın müəyyən olunaraq saxlanılıb.Araşdırma aparılır. 

Sumqayıt şəhər sakini olan bir nəfər şəxsin bank kartından pulunu oğurlamaqda şübhəli bilinən qadın saxlanılıb

12.05.2024

Sumqayıt ŞPİ 5-ci Polis Bölməsi əməkdaşlarının keçirdikləri tədbirlərlə şəhər sakini olan bir nəfər şəxsin bank kartından 300 manatını oğurlamaqda şübhəli bilinən qadın müəyyən olunaraq saxlanılıb.Araşdırma aparılır.